Accueil
Envoyer à un ami
Version imprimable
Partager

Da leghje dinù...

Senza muntà ci a sega, a sapimu chì ghjè a Piazzetta a vostra lettura favurita! Hè per quessa chì ùn simu mancu appena intimuriti da a cuncurrenza. Vi prisentemu quì unepoche di letture chì vi pudete abuchjà s'è vo'site à l'oziu. Ma attenti, state ci fidi quantunque !



A Nazione, Bonanova, À Pian d'Avretu, Avali è u Scoddu sò tanti puntelli di a pruduzione scritta in lingua corsa.
A Nazione, Bonanova, À Pian d'Avretu, Avali è u Scoddu sò tanti puntelli di a pruduzione scritta in lingua corsa.
A Nazione

In u numeru di stu mese, ci pudete ritruvà :
- una testimunienza di Ghjacumu Fusina è di Maria Teresia Poli nant'à l'evenimenti francesi di maghju 68
- un intervista d'Edgar Morin, u famosu sociologu francese chì hè ghjuntu à l'Università di Corsica pocu fà.
- a crunichetta di Petru Vachet-Natali
- un articulu di Ghjacumu Thiers nant'à a literatura in Bastia
- un articulu di Maria Teresia Poli nant'à "una verità chì disturba", u filmu d'Al Gori o Gore?
- un articulu legeru di Sébastien Quenot nant'à a "lingua light"
- un articulu propiu bastiacciu di Ghjermana de Zerbi nant'à a santa cruciata ch'ella vissutu per caccià "l'almanaccu di Bastia"...
- a cronaca storica di Francesu Maria Perfettini nant'à a republica
- un articulu di storia di Diunisiu Luciani nant'à Sambucucciu
- un articulu d'un certu Sgaiuffu (?) nant'à i pippol...

Bonanova

Da signalà chì si festighjeghjanu i dece anni di a rivista di a squadra di u Centru Culturale Universitariu postu chì ghjè u vintesimu numeru! Ch'ella durghi !

Ci truverete :
- U cap'articulu di Dumenica Verdoni dedicatu, "cun tristezza" à u pueta martinichese Aimé Césaire
- Creazione literarie, per u più impinatelle da studienti, prufessori di l'Università ma dinù pueti di tutte e mamme
- Critiche literarie è note di lettura ridatte da prufessori
- A cronaca "Sò nati" chì presenta l'ultimi scritti nustrali
- I Sussuri in giru à stonde culturale
- A cronaca "Scunfini" nant'à pueti furesteri chì spartenu cun noi u suchju di a latinità

A Pian d'Avretu

Quessa a rivista ci rigala un intervista di u scrivanu Santu Casta. O si di nò, ritruvemu listessa squadra di prima trinca incù, frà altri mani d'opera, Marcu Biancarelli, Didier Rey, Jérôme Ferrari, Paulu Desanti... Literatura, pulitica, storia, tuttu ci passa, da Pasquale Paoli à Simone de Beauvoir, in corsu è in francese!

Avali

Hè a rivista di l'associu Matina Latina di Rinatu Coti è Marceddu Jureczeck. Ci pudete ritruvà un testu tremendu di Farrandu Ettori scrittu in u settanta : "Populu, naziunalità, nazioni, per una rivalutazione di a storia di a Corsica".

U Scoddu

Hè u misincu di "cultura è d'infurmazione" cacciatu da l'associu lingua viva incù Marcu Ceccarelli, Guy Cucchi, Ghjaseppu Melani, Augustin Tozzi, Natali Valli, Marie-Claude è Jacqueline Branca... Cum'è tutte e riviste mintuvate quì sopra, meriterebe d'esse di più cunnisciuta è ricunnisciuta.

Aspettendu i numeri à vene, vi pregu una bona lettura à tutti !

Màrcuri 11 Ghjugnu 2008
Sbanditu



1.mandatu da Quill'altru u 2008-06-11 10:49
Hè vera chì certe riviste miritarianu d'esse di più cunnisciute.
Pensu per esempiu à u Scoddu chì cù pochi mezi a ci face ad esce un misincu di qualità in lingua suttanaccia.
Bon, faraghju quantunque u m'azezu per dì ch'à mè "Bobo-nova" m'ingonfia appena, ma cumu sò quantunque un bravu zitellu aghju ancu à pruvà di cuntribuì à u so prossimu numaru.
L'aghju da mandà un Haikù di quelli chì ti scrivanu sti sapientoni :

Un bancu
Un pastizzu
Sborgna.

Chì ne pinsate ?

2.mandatu da azezu u 2008-06-11 20:38
benissimu, ste riviste di qualità.

ma francamente, AVETE VISTU STE CUPRENDULE ???

aiò o zitelli, parenu tutte un "faire part de décès" !!!

u Barbutu di Chera, Fernand Ettori, Edgar Morin è Santu Casta...

ghjè siguramente benissimu, MA FOR'CHE L'INTELLETTUALI, è i pseudo-intellettuali culturali, à quale vulete interessà ????

dopu ùn ci vole micca à lagnassi chi ste riviste nimu e compra, è chi nimu leghje u corsu !!!

ùn dicu micca di fà "voici" o "france football" in corsu, ma quantunque... si scrive pè fassi piacè è fassi bè vede da u "milieu des culturels", o per chi a nostra lingua cuntinuvessi à campà ???

3.mandatu da l'Impiccatu... u 2008-06-12 18:58
u Barbutu di Chera, Fernand Ettori, Edgar Morin è Santu Casta... è A piazzetta ci mette à Jacques Bastianesi ! Aiò, mettite à Marina Raibaldi piuttostu !

4.mandatu da Stavroguine u 2008-06-13 14:58
Ostia ! Pà i cuprenduli hè vera in più... Bah, faremu cù i nosci mezi è pussibilità... Ma a critica hè fundata. Senza piddà à u primu gradu u restu di a critica mi pari chì in 'ssi rivisti, com'è annant'à certi bloghi, ci sò dinò i testi lighjittoghji. Sì i rivisti ani i difficultà à scuntrà i so littori hè suventi parchì a distribuzioni hè fatta à quel' versu, è micca tantu pà u so cuntinutu. O micca sempri pà u so cuntinutu...

5.mandatu da kostadinovu u 2008-06-13 20:12
bon ci vole à dì ch'elle esistenu propiu riviste di qualità. u cuntenutu hè spessu riccu è interessante, ma forse un poculellu elitista...

allora a sò, semu sempre à criticà : à quandu troppu, à quandu micca.

ma forse ch'ella manca una rivista forse appena di più leghjitoghja è pupulare ch'hè quelle chì esistenu ?

eppo ùn scurdemu ch'ella esiste una crisa di a stampa, chì a ghjente leghjenu di menu in menu giurnali. allora una rivista in corsu... hè per quessa ch'ellu ci vuleria à felicità tutti quelli chì si n'occupanu... hè assai tempu passatu, per rivenuti zeru.

di tutte manere, eiu cuntinuveraghju ci cumpralle tutte.

6.mandatu da ribella u 2008-08-24 15:45
O Aze,o L'impicà fatele e vostre riviste à modu Voici o France.F.. Eo un le sò fà! ma legheraghju i vostri raconti( vulia mette putacchji mà uh!!!!!!!)
Più si tocca spiriti in lingua corsa megliu hè ! qual ch'ellu sia u tema !
Guardate i testi hard di Biancarelli cum'elli piacenu!
Allora à e vostre penne o a i vostri ordinatori !

7.mandatu da isiè u 2008-08-29 21:11
u scoddu hà u so blog anch'ellu avà !
http://u-scoddu.over-blog.com/

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter