Accueil
Envoyer à un ami
Version imprimable
Partager

Da u Nepale à Miss Francia, passendu pà u corsu Napuliò

À u Nepale ci sò e dee vive, sò 3, si chjamanu i Kumari. Sò adurate è cunsacrate da a tradizione indù è buddista. Sò elette quandi elle sò criature sinu à ch’ella cumenci a pubartà, è po sò rimpiazzate. Sò parechji preti chì decidenu sigondu à 32 criterii di billezza fiminile. Ci hè par un dettu a qualità di u pillaghju o l’assenza di venice ecc…



Da u Nepale à Miss Francia, passendu pà u corsu Napuliò
Tandu sse zitelle sò cunsidarate cum’è divinità in u paese sanu.

Sfilanu una volta à l’annu in i carrughji di Bactapur in a valle di Catmandù. T’anu un terzu ochju pitturatu nantu à a fronte.

À quella ultima, Sajani Shakya, l’anu cacciatu i preti u so titulu di Kumari, postu ch’ella era andata à i Stati Uniti pà cuntribuisce à un riportu nantu à sse dee vive.

È di regula ùn devenu abandunà u populu è u tarritoriu. I Kumari, dopu à esse state divinizate duranti anni è anni, voltanu à una vita nurmale, di zitelle d’ogni ghjornu

Geneviève de Fontenay avarà trovu in ssa storia nipalese siguramente à pena di sumiglia è di sustegnu in u so cumbattu pà caccià a so sciarpa à Valérie Bègue.

Vultemu in Corsica. Quì dinò pà e nostre donne corse ci hè 32 criterii di billezza :
1. Avè un tippu
2. Avè una bella vittura
3. Avè un tippu chì t’hà una bella vittura
4. Ùn avè scarpi à menu di 300 €
5. Ùn avè sacchi à manu altru cà Dior, Gucci o Rykiel
6. Ecc ecc ecc ecc ecc ecc ecc ecc ecc ecc ecc ecc ecc ecc
32. Esse mora mora ancu di ghjinnaghju

Tandu sò divinizate da i tippi è t’anu u dirittu di sfilà ancu elle una volta à l’ora nantu u corsu Napuliò o Paoli.

Ah sse aiaccine corsu Napuliò !

U solu criteriu chì ùn hè micca ritinutu hè : alè, ùn la dicu micca, vi lasciu induvinà !!!???

Da riflette ci
Da u Nepale à Miss Francia, passendu pà u corsu Napuliò

u 20 di Marzu 2008
A Bistuca



1.mandatu da Quali sarà u 20/03/2008 01:16
È di Geneviève si pò dì chì idda hè un "metrosissuali" ?!??!!!

Ci hè mondu culu in issu situ, mi pari... Trà Sbandatiu è Bistucchetta... !!!

2.mandatu da jacques bastianesi u 20/03/2008 01:21
popopopo... ma cumu sarà chi in l'articuli d' a bistuca, ùn si capisce mai nunda.?

3.mandatu da circinelludiguagnènativupèliguagnesusosanguaversatu u 20/03/2008 08:40
eu po aghju capitu l'ultima fotò !

4.mandatu da Sbanditu u 20/03/2008 10:07
Da u Nepale à Miss Francia, passendu pà u corsu Napuliò
! Ma quale serà stu tontu chì parte da u Nepal per andassine incù a miss di e pinzute? Iscia ! Quale hè stu scemu chì si cansa in Aiacciu nanzu di cullà in Parigi? Soca li piacerà qualchì otessa di a CCM? Serà amore o etnocentrisimu què? Aiò, ùn averemu pò micca bisognu d'apertura è di muderazione? Eppò, à u pianu geugraficu, a ligna diritta mi si pare ch'ella sarebbe bella più corta... A prossima volta, scrivi "Da u Nepale à Miss casgietta" eppò un antru articlu nant'à l'aiaccine. A si meritanu un articulu sanu, per magagnà le à a bastiaccia, ancu puru s'è ùn capisceranu nè u corsu nè e so fisiche ! ;-) Ci feremu solu piacè !

5.mandatu da cumu culu u 20/03/2008 11:38
è a mitificazione di a donna in Nepale o in Aiacciu ùn vi pare nunda

è Sbanditu chì disprezza à a Miss di e pinzute, saria u primu à andà ci cun ella allora pouette pouette

6.mandatu da curtinese20 u 20/03/2008 12:30
????

ancu eiu un aghju capitu nunda in st' articulu ; quellu chi l'a scrittu, beie no ?

infine, un aghju capitu che l'ultima foto.....

7.mandatu da ribella u 20/03/2008 12:49
L'origine di u mondu? Nepal , Parigi o Ajacciu , mi si pare u listessu nò?
Quì, seria quellu di Stromboni?(A CORSICA, trà Sumeriani è Etruschi).
Mà u listessu chi ci face corre, ancu di grazia!
rifletimucci.

8.mandatu da A Goffa u 20/03/2008 16:09
Quant’è vo' sete critichi, ‘ssi calchì ghjornu !!!

Ma chì ci sarà da capì in ‘ssu articulu, fora di u paragonu trà e dee di u Nepale, a Miss di i francesi è e nostre Miss lucale ?!!!

Certi pò allora, ùn capiscenu un acca... !!! :-)

9.mandatu da ribella u 21/03/2008 18:05
E Dee simu noi ! E quale simu!

10.mandatu da curtinese20 u 22/03/2008 17:33
o A Goffa

ùn hè micca colpa meia si u tippu chi hà scrittu què a face n'importa cumu

ssu blog u legu tutti i ghjorni di poi u principiu é ghjè una vera CAMPAZIONE

ma trà "u nepal" è "fate u sport", u cusi dettu "a bistuca" hà da finisce per PRUVERBIU

:-D

omancu, riesce à facci ride cù i so articuli stracciati :-D

11.mandatu da CL u 22/03/2008 22:07
O curtinese s'è tù ùn capisci micca u sensu di l'articulu ùn hè micca d'oblicu colpa à quellu chì scrive... trè donne disfarente trè paesi disfarenti trè mitificazione disfrente
Alè ciao.

Novu cumentu :