Accueil
Envoyer à un ami
Version imprimable
Partager

Deep Purple in Patrimoniu st'estate !

Si puderà sente u gruppu mìticu à u festivale di a ghitarra sciacchendusi un bichjeru di vinu.



Corse-Matin per una volta ci hà fattu piacè quandu l'avemu lettu. A bona nutizia hè stata quella di l'annunziu di a vinuta di Deep Purple à u festivale di a ghitarra di Patrimoniu, in lugliu di u 2008 !!!

Ùn si prisenta micca Deep Purple : quale hè ch'ùn hà mai intesu (o pruvatu di ghjucà) ste poche note di ghitarra chì custituiscenu l'introitu è ancu u 'riff' di a canzona "Smoke on the water" ?

Ancu s'ellu ùn face più parte di a banda Ritchie Blackmore, u famosissimu sunadore, puderemu stà à sente è vede di quelli musicanti più impurtanti di l'anni settanta, chì sò, cum'ella si sà, u decenniu fundatore di u hard rock. Vogliu parlà di u cantadore Ian Gillan è di Ian Paice, u percussiunista.

Speremu ch'ellu ci serà a ghjente à divizia pè stu cuncertu. Scumettimu ch'è no ci camperemu, è chì u publicu mustrerà chì a Corsica hè dinù un paese di rockers !

u 7 di Marzu 2008
BOBZOMBIE



1.mandatu da MNF u 07/03/2008 13:22
iè chi a Corsica hè un paese di rockers !!!

a dicia u ben' di Ghjanluigi F. di u Palazzu...

2.mandatu da Lazyu u 15/03/2008 15:01
Per me sente Deep Purple senza Blackmore ghje cumu vede a vida pulitica corsa senza i Zuccarelli, Giaccobi et Roccaserra n'a piu u listessu gustu. E po u vechjettu di Gillan pudera sempre mughja nantu Hygway star ?

3.mandatu da passuinata u 21/03/2008 14:29
à quandu i red hot chili pepers?
Ancu noi emu da fà una petizione... Mmicca pè tokio hotel!!!

4.mandatu da Baretta misgia u 24/07/2008 19:47
C'eru!! Mi so campu!! He vera Lazy chi senza Blackmore ùn he micca listessa, ma 'ssi vichjareddi di 60 anni "a di faccini". Gillan ùn la facci più nantu a chid in time ch'iddi ùn cantani più d'avà, ma b%5

5.mandatu da Baretta misgia u 24/07/2008 19:50
C'eru!! Mi so campu!! He vera Lazy chi senza Blackmore ùn he micca listessa, ma 'ssi vichjareddi di 60 anni "a di faccini". Gillan ùn la facci più nantu a chid in time ch'iddi ùn cantani più d'avà, ma Higway star a c'hanni sciaccata mì !!!

6.mandatu da STUMACATA u 03/08/2008 13:20
Popopo, chi serrata, ma chi serrata !!!
Avete vista a donna chi ha baddatu cù Gillan nant'a scena???

7.mandatu da ghicciu u 05/08/2008 13:47
nò, chì s'hè passatu ? C'eranu i mous in Patrimoniu ? chi facia nant'à a scena Gillan Simeoni ?

Novu cumentu :