Accueil
Envoyer à un ami
Version imprimable
Partager

Défilé militare : tutti à u garde à vous !

Ma cosa averà dettu di tontu Eva Joly ?



Défilé militare : tutti à u garde à vous !
Hà parlatu pè a festa naziunale francese d’una sfilata chì ùn sia più fatta solu da militari, di fucili, di canoni anticarri o atomichi, ma, postu chì u 14 di Lugliu deve esse un ghjornu simbolicu di a Republica, un'occasione di mette in lume i citadini, i « civili ». Rassicurateci, noi altri i civili, femu sempre parte di quella Republica ?

Eva Joly ùn hà ancu dettu ch’ella vulia smantellà l’armata francese o smuntà e manufatture di Dassault. Eppuru, di diritta o di manca, li falanu cutrate nant’à u spinu, à Eva. Sta bionda nurvegiana, iè, ùn seria mancu abbastanza francese, cum’è l’hà detta François Fillon, ùn cunnosce micca l’affettu di i veri Francesi pè a so armata, s’hè scurdata di a filetta francese… Un diputatu prupone di mandalla via in Nurvegia

À u principiu, u 14 di Lugliu ùn hà nunda à chì vede incù sti militari chì marchjanu custretti è azezi. U 14 di Lugliu cummemora a Festa di a Federazione francese di u 1790, tempu di l’unità naziunale di i Francesi. L’incetta militare ùn vinse ch’è in u 1880, pè rinvivisce u sintimu naziunale francese dopu à a concia contr’à l’Alemani in u 1870, è infiarà un spiritiu di vindetta… Ma oghje, serà contr’à quale, a vindetta ? Contr’à a storia chì face chì oghje a Francia s’azzinga à una spezia di nustalgia di un passatu più ch’è passatu ? Ciò chì s’accerta invece, ghjè chì i mercanti d’arme francesi oghje anu e stacche piene.

Allora ci n’hè sempre per parlà di u rispettu pè i morti di a guerra, sopr'à tuttu ind’è noi… ma i nostri morti Corsi pè a Francia, l’anu avuta, a scelta di more o di campà ? Per dilla franca, i nostri famosi antichi, ùn serianu micca stati assai più felici senza nisuna armata ?

Vedimu per esempiu oghje i paesi chi cuntinuveghjanu di fà sfilà i so suldati pè a so festa naziunale : China populare, Curea di u Nord, Iran, Turchia, Russia, Stati-Uniti, Siria, etc. Nutate chì parechji di i dirigenti di sti paesi sò digià stati invitati à e feste di u 14 in Parigi…

Allora per esse un bonu ripublicanu francese, ci vulerà à mettesi à u « garde-à-vous » ? Intantu ind’è noi ognunu se impippa di u « nostru » 14 di Lugliu, quellu di u 1755. Quellu Pasquale avia 29 anni…

Défilé militare : tutti à u garde à vous !

Défilé militare : tutti à u garde à vous !

Défilé militare : tutti à u garde à vous !

u 16 di Lugliu 2011
Quellu di U Tufu



1.mandatu da noone u 16/07/2011 12:43
si l'armée de Pasquale Paoli avait respecté le "garde à vous" dont tu te moques , elle aurait battu les français !! scemmu

2.mandatu da KüG u 16/07/2011 12:57
ci faticanu sti Francesi à vulè fà i putenti, quale hè chi ci crede ? tuttu què pè cucculà u catinu d'elettore pinzutu... Dapoi parechji anni u 14 di Lugliu in Parigi hè diventatu un altru salottu di l'arme, peghju ch'è u Bourget. Basta à mirà l'ultimi invitati "di marca": El Assad, i capimachja africani, etc.

3.mandatu da tiens voilà du boudin u 16/07/2011 15:42
una volta di più a grande magiurità di i francesi ci mostranu ch'elli so un POPULU DI BEAUFS attaccati à u so défilé di carnavale di u 14 juillet.

vidite e reazzione di i pulitichi ! à diritta cume à manca, so tutti contr"à Eva Joly....

ma inde noi dinù, avemu i nostri passiunati BEAUFS di u "défilé di Tralonca"...

4.mandatu da Paulu Santu Marbeuf u 17/07/2011 00:28
U veru Corsu hè antimilitaristu ! Bell'articulu !

5.mandatu da estrimei u 17/07/2011 08:13
mi pare chi un Paese deve avè un ermata secondu i so mezi .
mi pare ancu chi un serviziu naziunale si ghjustificheghja .
ma s'omu piglia u casu di a Francia chi he un Paese in dirotta , spende tanti solli , quandu parechji di i so figlioli so a l'adisperu , mi pare una scimità.
... ma ognunu face so ch'ellu vole in casa soia!

6.mandatu da all'arme u 17/07/2011 10:00
1) sò contr'à a rivista (si chjamava cusì u défilé in Bastia) perchè chì sò soldi spesi in daru. Di più entre in a logica di l'indivisibilità, di l'unicità è di a cusì detta ugualità republicana. Quelli cuncetti chì tombanu i populi ....
2) Sò contru per chì hè l'armata chì hà stirpatu i populi, u nostru ma din ùtant'altri populi. Hè u più bellu strumentu di u culunialisimu...
3) Sò contru perchè chì hè una simplificazione pulitica chì vole piattà i veri dibattiti in a sucetà, è chì quì ammentanu sempre u passatu recente, à prò di "l'anziani cumbattenti" chì ùn anu chè "a Francia" in bocca, è sviluppanu un'idea falza è murtale di i cuncetti di nazione, di patria, di libertà...
4) Sò contru infine perchè chì aghju sunniatu troppu d'un'armata di pace, d'un'armata cù fucili chì difendenu cause ghjuste è chì ùn anu utilità chè per stu scopu solu è micca mustrà e so arme.

7.mandatu da Marcu.D u 17/07/2011 10:23
D'induve sortenu ste zitelle in turchinu???
Ghjè l'armata di Marc Dorcel?

8.mandatu da Filippi (u veru) u 17/07/2011 12:23
Ùn mi piace st' articulu. Troppu facile, troppu "demago". Hè Paccou chi l'ha scrittu ?

9.mandatu da ohimè u 17/07/2011 21:37
Quand'a Corsica sera independente, nostra armata sera difesa dì festighjà per i carrughji ???

Evviva l'armata !

Peace & love les Bitniks.

10.mandatu da GWM u 18/07/2011 09:29
Secondu mè, ùn si tratta micca di toglie l'armata francese, ci hè è ci stà, a quistione ùn si pone mancu.
Era forse per di chi una nazione ùn hè micca impersunata sana sana ind'a so armata.
Dopu, s'ella vi piace di vede marchjà à u passu l'armata francese tutta pulita è allisciata, tantu megliu per voi.

11.mandatu da J G u 19/07/2011 08:39
u défilé di u 14 lugliu , a rilleva di i guvernatori , u giru di trancia in bissicletta , un sô che spetaculi pe lavà u cervellu di a ghjente , in u mentre un si pensa più a l'affari serii , si certi ne prufitanu pe fà i s'affari chi ci puimu fà , campemu in un sistemu di corsa a i solli e i poveri si cuntetanu di u spettaculu cume Lazard si cuntentava di i brugiuli

12.mandatu da J G u 19/07/2011 08:40
u giru di francia

13.mandatu da ANTO u 19/07/2011 14:29
Pè u mè contu l'armata n'aghju avutu abbastanza cu due anni in Algéria ,allora si u statu a troppu soldi ch'ellu i dia a i disgraziati e micca fa spassighja tutti sti "pagliacci" in Parigi !
Per me l'armata francèse sara a stessa che quella di Luiggi piombu .
Ma s'ellu vi piace cum'ellu dice u pinzutu :"ne boudez pas votre bonheur !"

14.mandatu da estrimei u 19/07/2011 15:44
o noi ci campemu a fiighjà sti " résidents " chi facenu case, compranu battelloni, o elliccotteri e ci sciaccanu fora a calci in culu !

15.mandatu da Alexferox u 21/07/2011 18:07
Un mi possu micca impedi di rigaà à tutti l'ultima cacciata di a nostra presidente di l'ATC, a "cultissima" Vanina Pieri. A leghe nè u Torche-Matin d'oghje : spiega à u ghjurnalistu ch'ella a "enraciné Frédéric Lefebvre le temps d'une matinée à Murtoli" : eccu a so spiegazione chi vale u soldu :
"Pour un lieu qui délivre une philosophie : l'imbrication entre agriculture et tourisme... Sur la base d'une réhabilitation de bergeries anciennes et un concept hôtelier (...) Installer des offres à l'année, édifier un tourisme identitaire, j'y crois." Parenu folle... Chi nè pensate di a filusufia du Murtoli e di u turisimu identitariu ? Un Ghetto di lussu e i corsi chi facenu garde-chasse e femme de ménage... Un manca più che qulachi disgraziati in piazza per impaghjellà et "assurer une bande-son hyper authentique" !

16.mandatu da estrimei u 22/07/2011 20:50
s'erianu da marità!
V.Pieri e F.Lefebvre ferianu un coppiu tremendu .

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta