Accueil
Envoyer à un ami
Version imprimable
Partager

Difendimu i pumataghji

Ùn spendenu nunda... ma almenu ùn compranu micca residenze segundarie. È s'ellu ci vulia à difende i pumataghji ?



Difendimu i pumataghji
Face parechji anni avà ch'ellu si sente ch'ellu ùn ci vole più à fà vene turisti "low cost" in Corsica, chì i pumataghji ùn spendenu nunda, ch'ellu ci vole à scambià di clientela turìstica.

Ci dicenu ch'ellu ci vole à incuragisce un turìsimu di lussu, di ghjente chì spendenu i so soldi in stabilimenti cari è belli.

Ma sti turisti "à fort pouvoir d'achat" chì cascanu innamurati di u nostru sole è di u nostru mare, sò quelli chì sò capaci di cumprassi case segundarie, chì facenu cresce i prezzi di l'immubiliare è chì mettenu i Corsi fora di casa soia.

Invece, u turistu "à bon pattu" ùn spenderà nunda, si cumprerà una pizza per sei, ma almenu ùn puderà cumprassi un pezzu di casa o di terrenu.

In fine di contu, hè forse ellu u veru amicu di a Corsica.

Dopu à anni è anni di ghjesteme, serà venutu u tempu di a riabilitazione di u pumataghju ?

Altra suluzione : circà d'esse appena menu dipendente di u tuttu-turìsimu è di u tuttu-BTP, circà d'altri mezi di sviluppu (energie verde, tennulugie nove, agricultura, bio...).

u 27 di Ghjugnu 2012



1.mandatu da sakado u 27/06/2012 12:26
eppo ferà sempre soldi in menu à Canarelli di u "domaine de Mürtoly"

2.mandatu da Mamone u 27/06/2012 12:32
Forse avete ragione...ma tra i pumataghji e i ricconi , c'hè ancu ,forse, a piazza per un turismu mediu , perchè oghje , in Corsica , ci so e ghjiente chi vivenu di u turismu e cun si chiamanu micca tutti Canarelli di Murtoli !!

3.mandatu da u miumese u 27/06/2012 13:25
Hè sigura, ci sò ghjenti onnesti, mà per peccatu sò pochi pochi...

4.mandatu da Ulongu u 27/06/2012 13:39
Perdita di a cultura, pupulazione chì diventa di più in più povera, banalisazione di a droga, look discutevule... Da quì à pocu aghju a paura ch'è no siamu noi i pumataghji.
Finalmente hè forse megliu di finì ultimi indiani in a riserva.

5.mandatu da ANTO u 27/06/2012 14:02
Un turismu bè ammaestratu hè forse una richezza chi prufitta a tutti ,ma quasi tuttu hè fattu pè i riconi e micca pè l'altri, perchè quelli chi campnu (bè) di u turismu volenu fa a stagione in pochi mesi pè andasine a l'ile Maurice u restu di u tempu !
U pumataghju sera forse a salvezza d'issu paèse .

6.mandatu da Capicursinu rancicu u 27/06/2012 15:23
E ancu di più stu gennaru di turistu ùn hè micca gattivu !

7.mandatu da Buvone u 27/06/2012 16:14
Salute,
Preferiscu, i pumataghji elli almenu s'arrestanu pè parlà cu " l aborigéne " senza disprezzu o alterigia.
Un anu micca a bocca piena di " Keursica " per cui o culà.

Frà , i "piaggio" di i taliani, i ricconi cuntinentali chi anu messu " l'auto collant ", cu a testa di mora è a cullezzione di e traversate "corsica ferrie", chi so sobra tuttu piu corsi chè noi.
O santu christu, fate chi a Corsica truvà u mezzu di sorte di sa spirale....

Fondemu, a LPSP, a Ligua Per Salvà i Pumataghji.

8.mandatu da stumacatu u 27/06/2012 16:20
U turismu...

Grazia per quelli chi vadagnanu in qualchi mesi da chi campa cume principe tuttu l'anu e calamità per tutti l'altri - a maio parte di i corsi - chi ni patenu !!

A elli novi mesi di vacanze, belle vitture, viaghji in u mondu interu e à no i prezzi sempre piu alti e u piacere... di un puddè mancu piu prufità di a "bella stagione" tantu ci hè mondu in ogni locu e difficultà per movà !!

Ma, cume a dice a camapagna di publicità di a CTC, "semu qui per elli", alora...

9.mandatu da stumacatu u 27/06/2012 16:26
I turisti...

Benvenuti à quelli chi ci rispetanu !!

Facenu animazione e campà certi, ci vole di dilà...

Ma ci n'hè troppu à tempu !

10.mandatu da Stumacate u 27/06/2012 16:30
Un cunoscu mica canarelli, ma mi pare ch'ellu vendi mica case in murtoli, so " location". Pensu chi ci vole cambia di reflessione nanta a u turismu per permette un veru svilupu per u nostru populu, s ellu cera una picula " taxe sur les locations saisonieres" perchè so soldi ch' un prufita mica a a nostra ecunumia, e permeterebe di fa entra si soldi in Corsica sana .

11.mandatu da John-Billu u 27/06/2012 16:43
Murtoli : clichés, clichés ... so terrani privati face ciò ch'ella li pare .... ci vole di tuttu, u "lussu" e u turismu per i pumataghji .... seti veramenti "réacs" a vi dicu, à quandu troppu à quandu miccà aouffff ...

12.mandatu da Capicursinu rancicu u 27/06/2012 17:13
Ciò chì mi piace cù i turisti sò e donne... Què ci vole a dilla.. Chì d'inguernu ùn c'hè nunda a toccà

13.mandatu da Piazzettaclandestina u 27/06/2012 21:46
I corsi si mettanu fora da par elli, ci vole à mina quelli chi vendenu i terreni à strangeri

14.mandatu da Marcumà u 27/06/2012 21:48
Hè vera...;) Sò piu "aperti" chì i noscia...

15.mandatu da henry smart u 27/06/2012 22:34
Se dumane femu di stu paese, un paese chi campa da per se ! Duve l'autonomia alimentaria serebbe una realita ! ( a vera autonomia ! o allora quella chi permette l'altre )
Cu un ortu per omu carchi à pumate, allora a vi dicu eiu ! u turisimu di i pumataghji ci fera campa à tutti !
Perche per ava, quelli chi dispezzanu i pumataghji ma chi facenu certi prezzi à u risturante ! un ne parlemu micca ?! e sti prezzi, i paghemu tuttu l'annu !
Quellu chi ha una paga nurmale è chi vole parte in vacanze di quandu in quandu, perche a vita he corta, perche Ghje un be di fa viaghja i so figlioli, perche ci face respira da veru di sorte un pocu... e be per tutte ste ragio, eiu preferiscu fa u pumataghju astutu chi a spula spula ! e Po so cunvitu chi fendu cusi, n'aghju da fa prufitta à quelli chi a sí meritanu u più !

16.mandatu da henry smart u 27/06/2012 22:40
E po, quelli chi anu i spar, i camping è quelli chi vendenu attività cume a spassighjata in muntagna si lagnanu menu chi i risturanti puzzichi, ci vole à dilla è hotel cu un accogliu di quelli ! Eiu viaghju un Corsica è in altro ! E ci da ride di volte quandu sí face u paragone.

17.mandatu da Cugi u 27/06/2012 23:17
@stumacatu & John-billu:
Hé vera chi canarelli hé inde d'ellu (forse micca sempre, se no stemu à sente à a sgio carbuccia) e un vende à so (nostra!?) terra, ma pruvate à andà nantu à piaghja quallà (à chjuca!) e vidaremu se i so "vigile" vi lascianu stà...

18.mandatu da Capicursinu rancicu u 27/06/2012 23:54
Mà quale hè stu Canarelli ?


20.mandatu da stumacatu u 28/06/2012 11:20
Cugi,

Per piacere, un vi sbagliate micca tra StumacatU - eiu - e StumacatE - l'altru...

Un cunoscu Murtoli e u sgio Canarelli che di nome, ma hè vera chi privatisazione di e piaghje hè unu veru scandalu chi va contru A LEGE di a republica francese chi dice chi e piaghje so tutte pubbliche e chi dice ancu chi ci deve esse un accessu libaru à u mare tutti i 200 metri !!

21.mandatu da henry smart u 28/06/2012 13:02
Cu un "pocu di curagiu", ci vulerebbe à ritruvassi tutti nant' à sta "plage" di canarelli è videremu ciò ch'elli facenu i guardiani !!!
Eccu un azzione !!

22.mandatu da Capicursinu rancicu u 28/06/2012 13:23
Ti ringraziu per u ligamu o Vagabondu.. O Henry eiu ti seguitu

23.mandatu da piazzetta canale storicu u 28/06/2012 16:16
tutti ind'è Canarelli pè u 14 di lugliu, ci feremu cusi u bellu focu, ma attenti o zitè micca telefunini, micca cani è micca ciucci chi in Murtoli hè interdetta: u riccu hà propiu bisognu di vacanze

24.mandatu da Capicursinu rancicu u 28/06/2012 21:42
E perchè aspettà u 14 di Lugliu ?

25.mandatu da henry smart u 28/06/2012 22:37
Ie o canale storicu, ma chi dice u canale abituale nant'à st'azzione ?
E Po l'ai tu u codice di a piazzetta ?

26.mandatu da henry smart u 28/06/2012 22:37
Ie o canale storicu, ma chi dice u canale abituale nant'à st'azzione ?
E Po l'ai tu u codice di a piazzetta ?

27.mandatu da piazzetta canale storicu u 28/06/2012 22:46
o smà u codice ghjè a piazzetta unione di i c...... chi l'hà, avà tocca à elli à fà l'unione è à piglià a decisione, aspettemu....

28.mandatu da Duttor' Caseddu💼 u 28/06/2012 23:42
V'aghja di u me puntu di vista.
I pumataghji rendani sirviziu a certi, sopratuttu a quiddi chi t'hanni casi d'appighjuna a u 'black'.
I nosci piaghji divintani quasgi u metro di Parighji a 6 ore, di lugliu e d'aostu!
I soli lochi prisirvati so pa via di u 'conservatoire du littoral'.
L'agriate, pa quantu tempu, dighja vittime di u mitage...
Scandula, una maraviglia. I Lavezzi, troppu fraquintati, ma chi si po fa?
A costa tra Campu Moru e Tizzanu... A famosa prupiita di Murtoli..
Ci vurria a ringrazia u sgio Canarelli! Tutti ssi lochi starani prisirvati e i nosci figlioli i pudarani veda, ancu s'ellu he da luntanu.
Eiu l'aghju visti d'istati: un parcheghju di zodiacs, voiliers, e campeghju salvaticu urganizzatu.
Chi sara u megliu? Eiu,un ha so...

29.mandatu da henry smart u 29/06/2012 12:37
canale storicu,
un ti ne fa, l'unione di i c...facenu sempre l'unione cu i detti "storichi" . Ghje un ciculu chi si ripete sempre ! cu sempre una piccula guerra à mezu pigliendu carchi giovanu in ogni generazione .

30.mandatu da Pumataghju u 29/06/2012 22:46
Vi ringraziu di piglia per una volta pretesa pe i mo fratelli i pumataghji , in stu mumentu i super sô pieni di pumataghji di tutte e sterpe

Ci vole a riconosce chi una volta pagatu u viaghju , resta pochi solli pe u restu !

Tuttu e piu caru in due noi a manghjusca , l'essensa ,e sicarette ma chi veneranu a fà qui ?

31.mandatu da Pumataghju u 02/07/2012 09:53
I turisti "à fort pouvoir d'achat" li pudimu chjamà "aligostaghji" ;-)

32.mandatu da J G u 02/07/2012 13:29
Arigoscchje cunghjalate o fresche ?

33.mandatu da Massimu u 03/07/2012 00:17
Sò d'accunsentu cun voi. Sopr'à tuttu cù a fine. Sarebbe ora avà di piantà cù e cunerie di u tuttu turisimu. Sarà megliu pè tuttu u mondu : pè noi, pè i turisti, pè a Corsica. Ci vulerà solu chì certi "novi ricchi" amparghinu à fà un pocu d'ecunumie chì u sollu faciule hè divintatu una riligione ind'è noi.

34.mandatu da John-Billu u 04/07/2012 10:40
... ùn sapete mancu voì ciò chì vo vulete per a Corsica, hé quessa a verita: "basta i pumataghji", l'avemu intesu per 30 anni, oghji "inno basta i ricchi !!" -> turismu suciale alora ?! "non, ùn ci saranu chi closcie !!" --> "turismu tuttu l'annu", "ah inno ci vole un turismu per 3 o 4 mesi !!" ...
Ma fate puru a pena di pulitcha, sara bellu u rsultatu !

35.mandatu da higgins u 04/07/2012 11:00
è tù John-Billu, chi si u piu intelligente é chi passi u to tempu a dà lizziò à tutti, chi faci per a Corsica?

36.mandatu da stumacatu u 04/07/2012 15:37
So ancu eiu di quelli ch'un sanu micca cio ch'elli volenu esatamente per a Corsica...

Ma sogu cio ch'un voleriu micca : cuntinuà à un esse piu inde noi mentre tre o quattru mesi - un si po andà in locu senza trovà ghjente e ghjente - per che certi si carchenu quant'elli ponu !

Durmite puru in pace amichi ricchi : aghju ben' capitu che ha da durà a situazione, ch'un n'aghju mai da vede un altru mondu... e un circu mancu à fallu cambia che cunvene à (quasi) tutti !!

Ma un vole micca di chi ghje un bellu mondu...

37.mandatu da le vrandz u 07/07/2012 11:18
Eccu, ci vole à cambia à nostra economia, basta u Tuttu turismu/btp !!!

Econumia pro mafia, anti corsica : FORA !

38.mandatu da Francescu u 15/07/2012 13:32
Oghje tutti i turisti so pumataggi perche un avemu micca "infrastructures" chi permete à u turistu Di lussu Di spende à So munetta.
Siguru, u casino aiacinu?? L'hôtel san Carlu ?

39.mandatu da Ahmed Zhavìa u 24/07/2012 17:27
Frà parecchji di sti "pumataghji" d'oghje ci ne pò esse chi dumane averanu un "pudere di compra" più altu (à spergu per elli...) e chi vulteranu vulinteri in Corsica per spende dui soldi s'elli ci so stati bè ricevuti nanzu...

Novu cumentu :