Accueil
Envoyer à un ami
Version imprimable
Partager

Diventate un veru "gulturel" cun musica-corsa.com

Vulite amparà à zappà a vostra ghitarra Compañero è Bella Ciao ? Sperate diventà u futuru Jean-Paul Poletti ? Ch'ellu sia per impressiunà e zitelle, accumpagnà l'amichi à u comptoir o perfezziunavvi, u situ musica-corsa.com hè fattu per voi.



Imaginate una lezzione di moonwalk data da Michael Jackson. Ùn saria micca male per amparà nò ?

Per ciò chì tocca à e canzone corse, ci hè a squadra di musica-corsa.com.

L'idea hè sèmplice : lezzioni di ghitarra corsa in linea per 15 euri à mese (cun videò, esercizii, tablature, accordi...) ripigliendu i più grandi successi di a musica corsa post-riacquistu (cun u ritimu spiegatu, solò è intrò di e canzone...)

Tuttu què cun Paul Cesari, ghitaristu di talentu chì hà girandulatu e scene corse cù i più grandi dapoi parechji anni (da Petru Guelfucci à I Cantelli, da Tony Sampieri à Jean Cuiconi, da I Chjami Aghjalesi à L'Arcusgi...). L'omu ammaistreghja bè u so sugettu !

Per quelli chì preferiscenu amparà a ghitara flamenco, u jazz manouche, a ghitara clàssica o ancu a ghitara bassa, andate à vede imusic-school.

È da quì à pocu ci seranu ancu corsi di pulifunia.

Allora piuttostu ch'è di passà u vostru estate à fà u lonzu nant'à Facebook, perchè micca pruvà à imusic-school o musica-corsa ?

Diventate un veru "gulturel" cun musica-corsa.com

u 30 di Ghjugnu 2009
u webmaestru



1.mandatu da chì ne socu eiu u 30/06/2009 08:32
Cusì bella, st'idea. aghju da vede què subitu subitu. Face prò à a corsica, ghjente cun cusì belli iniziativi ;)

2.mandatu da meducheuiphone u 30/06/2009 09:51
ééé adiu didia inviatu u "lien" a u me vidolu !

3.mandatu da parapigliètene u 30/06/2009 19:13
Uh dia, m'hè parsu di vede à Guelfucci ma a voce oimè, ùn hè più quella ...

4.mandatu da Piratella u 02/07/2009 07:05
Eccu, ùn ci hè micca chè cunnerie nantu à Internet! LOL

Mundializazione di a musica è di a pulifunia corsa?

5.mandatu da estrimei u 02/07/2009 10:22
a mè , he a parulla "culturel" chi mi dà fastidiu.
per contu meiu , quelli chi cantanu so cantaori, quelli chi ghjocanu u teatru so teatrini ; forse chi i " culturels " sò i cantaori , o i teatrini , chi toccanu e " subventions " ?

6.mandatu da J G u 22/06/2011 07:14
bavu o estrimei !

7.mandatu da J G u 22/06/2011 07:17
vulia di bravu o estrimei !

Novu cumentu :