Accueil
Envoyer à un ami
Version imprimable
Partager

Dopu à a 'dictée di Pivot', eccu a 'dictée di Bastelica'

L'affare hè talmente grossu chì ancu Corse-Matin u trova scandalosu. Un quartu di l'abitanti di Bastelica sò stati cunvucati per un esame graffologicu nant'à una storia accaduta trè anni fà : una tentativa d'attentatu cù una bomba chì ùn pudia saltà.



Dopu à a 'dictée di Pivot', eccu a 'dictée di Bastelica'
Ma chì s'hè passatu in u capu di u ghjudice Bonifassi ?

Vuluntà di pruvà metode nove di a ghjustizia ? Vuluntà di ristabilisce infine a ghjustizia in a sottumessa pieve di Cavru ?

O allora, oziu ? Tuntia ? Prova di fichage d'un paese sanu ?

A "dictée di Bastelica; hà stunatu à tutti è pruvuchjeghja tante interrugazioni.

Ci vole à dì chì sta volta, anu fattu forte. Pocu casting ! Personne anziane, certe chì eranu morte, un cecu...

Una quindecina di gendarmi sò stati mubilizati pè l'operazione. Ma cosa vulianu truvà di cusì impurtante in Bastelica !

Sempliciamente per ritruvà l'autore di lettere anonime, ligate à una tentativa d'attentatu cù... un'apparechju chì ùn pudia saltà.

Hè vera chì ssa storia di paese meritava siguramente tanti mezi. Hè a sorte di a Corsica chì ne dipende. Piccula desillusione : ùn mancava ch'è u GIGN.

In tantu d'aspettà a cunclusione di l'inchiesta chì serà siguramente passiunante, sugerimu à u ghjudice Bonifassi d'interessassi à i numerosi affari d'assassinii mai risolti, à quelli di racket, di droga, di grande banditisimu chì sò a rimigna di a Corsica.

u 22 d'Utrovi 2008
U Sgaiuffu



1.mandatu da GWM u 22/10/2008 10:44
fin'tantu chi l'affari accadenu in Corsica, ognunu si nè futte...
Un ghjornu, si passerà què in una lucalità frencese è starete à sente i stridi di tutti i pensa-bè. Forse serà troppu tarde.

Dumandate à tutti quelli chi so stati cunvucati "senza oghjettu" ind' e merrie in l'anni quaranta...Eppo accade sempre avà quandu a pulizza vole chjappà unipochi di "senza documenti": so cunvucati in merria o à a scola è pan!

2.mandatu da orsufrancè u 22/10/2008 11:31
Un ci manchera più chè u nostru flicu naziunale JACK PALMER ( alias Christian Clavier ) per assigurà l'inquiesta è anchu a dà l'aiutu a i gjiandarmi.Ma indue andaremu in Corsica se noi videremu sempre fatti simuli ? ? ?CI vulèra sempre a supurta cose simule in li nosti paesi ? ? ?AIIIOOOO

3.mandatu da bah ... u 22/10/2008 12:46
... supurtemu cose cusì parchì u vulemu bè ... bastava d'ùn andà à gendarmeria 'po basta.

4.mandatu da estrimei u 22/10/2008 12:53
stu ghjudice vole praticà a "justice " ; a " justice " he a manera di fà capi a i corsi ch'elli so suttumessi a un putere putente e " juste".
per disgrazia, " justice " e ghjustizia un volenu micca di listessa cosa .
"justice" volle di prutensione,manghjeria, culunialisimu.
he sta " justice " chi ci ha da chjove tutti nu e priggio francese

5.mandatu da condamnator u 22/10/2008 18:54
è à quale si sente pè prutestà ? sempre i listessi !

induve so i zuccarelli, nicolas alfonsi è l'altre coglie di l'UMP ???

6.mandatu da rocca serra u 22/10/2008 22:05
ùn vi ni feti o ghjenti ! Pudarani fà tuttu so ch'iddi volini, ùn ci riisciarani mai ! è faci 2 000 anni ch'ella dura ! SEMPRI CUNQUISTA, MAI SUTTUMISSA !!!

Tanti saluta è basgi à i nosci frateddi di u supranu ma .... EVVIVA A CORSICA SUTTANA è l'ALTA ROCCA !!

7.mandatu da piratella u 24/10/2008 20:57

Una vera "dragonade" !

Ma ùn si riagisce mancu più tantu in Corsica...Si ponu permette n'importa chè.

8.mandatu da piratella u 24/10/2008 21:01

Ancu noi "l'associu di i Pirati corsi" avemu signatu! Ma mi dumandu s'è no ùn andemu cintru à i nostri interessi particulari...À quale emu da racchettà s'è no riescimu à parà u PADDUC???

9.mandatu da piratella u 24/10/2008 21:02

Ah nò, mi scusu, mi sò sbagliata di sugettu!

10.mandatu da massoudcorsi u 19/11/2008 22:30
u scopu di u statu francese ghjé di lampacci fora d'ind'é noi dunque face cio ch'ellu vole chi vulete militanti un ci ne piu tutti sti "cruchot" facenu i "cowboy" avà.
Seranu vergugnosi un ghjornu d'avvé dumandatu a i morti di vene in gendermaria

Novu cumentu :