Accueil
Envoyer à un ami
Version imprimable
Partager

Dopu à i pippol è i giandarmi, eccu i canacci di i pippol

L'affari ùn s'arrangianu micca à Corse-Matin. Dopu à i pippulacci l'estate, i flicchi tuttu l'annu, eccu chì u cutitianu conta dacci e nutizie di... l'animali di i pippol.



Dopu à i pippol è i giandarmi, eccu i canacci di i pippol
Hè una infurmazione impurtantissima chì Corse-Matin ci face sapè oghje.

A nutiziaccia hè cascata nant'à u situ internet di u giurnale.

À cosa pensate ?

Torna un mortu in a "guerre des gangs" chì tocca a Corsica da poi parechji mesi ?

Guasi : a vittima di a fucilata hè u cane di Guy Bedos.

Per avà ùn si sà nunda d'altru è cum'elli dicenu i giurnalisti, "la police n'exclut aucune piste".

Dunque, dopu à fanne tonne nant'à i pippol l'estate è quessa, tutti l'anni, dopu à fanne tonne è tonne nant'à i flicchi, è quessa tuttu l'annu, eccu ch'ellu ci vole avà à inchietassi di l'animali di i pippol...

Ùn si sà si Corse-Matin vole avvicinassi di più di "30 millions d'amis" o di "Voici".

Ùn si sà non più si u cane di Guy Bedos hè a prima vittima di a "Guerra di i Pippol" o s'ellu facia parte di a Brise de Mer.

In quant'à noi, semu sulidarii di tutti i cani tombi, assassinati, inciaccati da e vitture o avvelenati, ch'elli sianu quelli di Guy Bedos, di Christian Clavier, di François Feldman o di Jean-François Bernardini.

Sulidarità !

Luni 11 Ghjenaghju 2010
U Sgaiuffu



1.mandatu da filidatu u 2010-01-11 20:00
A tutta a squatra di a piazzetta: ci vulerebbe chè v'aghjustite nù i candidati à u titulu di catinu di l'annu tutta a squatra di giurnalisti di corse-matin, a si meritanu!

2.mandatu da Bragaghju u 2010-01-11 21:47
Rintin sempre vivu ! Curagiu à a famiglia !

3.mandatu da Acqualacciu u 2010-01-11 23:09
Eiu aghju persu u mio ghjattu è un c'hè nimu per scrive un articulu !

4.mandatu da arf u 2010-01-12 00:27
ùn manca ch'è a celebre frasa : "les tueurs n'ont laissé aucune chance à la victime"

5.mandatu da u spettatore u 2010-01-12 06:20
Mà chi facenu i flicchi?

6.mandatu da fiumorbu u 2010-01-12 07:28
Mi si pare che u ghjacaru era corsu, ma siguramente u cursinu impizutitu

7.mandatu da Acqualacciu u 2010-01-12 09:09
Ghjè un succidiu.

8.mandatu da KüG u 2010-01-12 09:28
sarebbe una squadra di u pumonte, detti i "ghjacari", chi hè cullata nant'à u cane di Bedos

9.mandatu da miccaèbastiacciuinnizza u 2010-01-12 11:52
chi tragedia ! pensate appena !
Lettu nant'à CadinuMatin "Ma femme d'origine bretonne, mais qui adore la Corse, comme tous les Bretons, l'avait pour rire, baptisé Malo. Pour nous, désormais, victime et martyr de la folie des hommes, il sera Saint Malo. Pour toujours ».


10.mandatu da GWM u 2010-01-12 14:29
... "désormais, victime et martyr de la folie des hommes"...

chi tanti Anna Politkovskaïa, Ghjuvanni Nicoli, Bobby Sands, o Giordano Bruno....

11.mandatu da malo u ghjacaru u 2010-01-12 14:59
Per a storietta,so andatu a fami una caccia a mossa incu dui amichi,ma mi so presu una palla in capu perche m'assumiglia assai a u cignale! Tengu a di quantunque che u tiru era bellu, ma murtale per me.A prestu o amichi

12.mandatu da Tarzan di a vechja cità u 2010-01-12 16:09
Chi n'emi à futtu di u so ghjacaracciu tontu, ùn ci ani micca da cacà un antru 06/02/1998...

13.mandatu da vargaglionu u 2010-01-12 16:13
Eiu prupongu di fà "une stèle commémorative" scarpeddinata da tony casalonga incù Santini chi tena un mazzolu di fiori è tutti è tutti i giandarmi ali strinti è ghjambi sparti.

14.mandatu da alanu bugranu di u burru u 2010-01-12 16:28
Malo di st malo gloria a te!

15.mandatu da malus u 2010-01-12 17:38
Bruscu hè infine statu vindicatu !

EVVIVA A VINDETTA

16.mandatu da Mala u 2010-01-12 18:38
Ch'ellu fussi di Guy Bedos o d'un altru, tumbà un cane hè una vegogna ! Quellu chi ha fattu què ha un seriu prublemu, chi cerbellone !

17.mandatu da Bustannicu mortu u 2010-01-12 18:43
Anu tombu à Malo ?!








Poh chì cani !

18.mandatu da aux armes citoyens u 2010-01-12 18:48
Un cane é mortu d'una balla in capu ,bella morte .
O amigu canus un fa micca cunfidenza a l'omu .

19.mandatu da Bragaghju u 2010-01-12 18:50
Dopu à "u giardinu Laetitia Casta" c'o à fà "u giardinu di u cane di Guy" !

20.mandatu da piratella u 2010-01-12 22:06

L'attu in sè hè una malfatta è u tippu chì pò tumbà un cane cusì pò tumbà un omu listessa, è s'ellu l'hà fatta contru à Bedos perchè hè un "people" ferma un barbaru, ma a questione hè PERCHÈ FANNE UNA NUTIZIA "NAZIUNALE", quandu nimu sà quale hè u tumbadore, nè perchè, è chì ùn serà u primu cane ammazzatu in Corsica nè in Francia nè in altrò? A risposta a cunniscimu.

21.mandatu da fiumorbu u 2010-01-13 07:39
O piratella, cume l'ai detta un sapemu micca perche anu tombu a malo, dunque pensu micca chi s'tomu puderia a tumba un omu listessa ,ava siguru che l'attu ferma una malfatta. Ma disgraziosamente si ne tomba tuttu l'annu ghjacari in corsica, e per a maio parte ghjé colpa a i proprietarii chi s'occupanu di i ghjacari

22.mandatu da lurese u 2010-01-13 11:25
Se era u cane di Clavier, Sarkozy avra chiamatu u FBI...

23.mandatu da ZIU ANTO U PURCAGHIU u 2010-01-13 11:51
quandé s'tatu tombu u mé ghjiacaru Turcu un n'aghiu intesu tanti lagni.E vera qui cueddu chi li a messu é trippé di fora era un cignalacciu chi inquant'a mé pisava 150kilo é s'ellu un fussinu ancu di più.A llora per contu meiu a morté di malo a mi pigliu in l'organu,é mi né in futtu quanté di l'annu quaranta ...

24.mandatu da vaticanus u 2010-01-13 21:58
Sed libera nos a malo

25.mandatu da Beconcini u 2010-01-15 06:32
sarkozy vuleria vene in Lumiu
http://sfr.fr

26.mandatu da Cumpalliols u 2010-01-15 08:16
À contu meiu, ùn seraghju micca cusì duru contr'à Jacques Dutronc, perchè, è cio chì v'aghju da dì v'hà da sicuramente surprende assai, ma per u colpu, ùn hè manc'appena una macagna, hè chì Jacques Dutronc hà dumandatu a so Carta Naziunale d'Identità Corsa... à a Cunsulta Naziunale !!
Dunque, podasse ch'ellu l'hà fattu solu per muntàssi a sega o perch'ellu avia paura, ma ùn vogliu micca scartà cumplettamente l'ipotesa ch'ellu sia statu sinceru.
http://cumpalliols-in-corsu.over-blog.com

27.mandatu da Cumpalliols u 2010-01-15 08:17
scusate... scusate...

Mi sò sbagliatu d'articulu...

Pò accade...
http://cumpalliols-in-corsu.over-blog.com

28.mandatu da Antone u 2010-01-21 03:49
Forse sarà un chinese chì l'hà tombu à stu ghjacaru...

29.mandatu da Mamone u 2010-02-14 16:39
un n'hè micca un fattu novu ,di pigliassine a l'animali per di qualchosa a u patrone ...e qui u patrone hè un pipolo chi cume Clavier e tutti l'altri "li piace à Corsica" ma forse senza i corsici....E po' ,hè statu un'affarone a morte di su cane!Oimè !

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter