Accueil
Envoyer à un ami
Version imprimable
Partager

Dopu à l'apéro géant di i giovani : la fête des voisins di i vechji

Eccu, a "San Vicinu" hè festighjata dinù in Corsica. Cun 10 anni di ritardu, a "Fête des voisins" hè stata un successu in Bastia. Risultatu di u fiascu di a sucetà corsa o cunvivialità ritruvata ? O ancu vuluntà di i vechji d'imbriacassi, ghjelosi d'ùn capisce nunda à Facebook è di i so apéros géants ?



Dopu à l'apéro géant di i giovani : la fête des voisins di i vechji
A "Fête des voisins" hè ghjunta in Corsica cun dece anni di ritardu. È u peghju, hè ch'ella hè stata un bellu successu da per tuttu induv'ella era organizata

Dopu à essesi felicitati di u fiascu di l'apéro géant (3800 membri pè u gruppu Facebook "Contre les apéros géants en Corse, c'est pour les Pumataghji"), eccu una nova forma di festa frestera chì vene ind'è noi.

Trà San Brancaziu è San Ghjuvanni, eccu à "San Vicinu".

Nata à a fine di l'anni 90, a Fête des voisins hè nata da a vuluntà di Parigi pè creà un ligame suciale chì ùn esiste più in e cità : "se rencontrer de façon conviviale... rompre l'isolement... tenter de créer un sentiment d'appartenance au quartier..."

In Corsica dinù dunque, ci vole à passane per quì per chì a ghjente si parli. In Bastia cum'è in l'anonimatu di e grande cità francese, ci vole à creà una falsa cunvivialità, una festa artifiziale per ritruvassi.

Allora ? Ci vole à felicitassi di una sulidarità ritruvata ? O inchietassi di a mutazione sempre più forte di a sucetà corsa chì và per sempre di più anonimatu è individualisimu ? O spaventassi di a moda di tutte e cunnerie chì vènenu da mare in dà, cum'è sempre cun 10 anni di ritardu ?

U mondu campagnolu avianu digià e so "feste di i vicini" cù e so fiere, e so feste è e so tundere.

Allora perchè micca dà un fiatu novu à e feste corse, cum'è San Ghjuvanni, Santa Maria, San Ghjisè in Bastia, Luddareddu in Portivechju ecc... A dumanda di cunvivialità citatina hè forte. Perchè micca dalli una identità nustrale ?

u 30 di Maghju 2010
u webmaestru



1.mandatu da Carlinu Rocchi u 30/05/2010 17:32
Chi a Corsica cuntinueghji a pighlja esempiu annant' a tuttu cio chi si passa in Francia e videremu da qui a pocu cio ch'ella serà.
Ma chi maladiaccia pervesa di vulè sempre cuppià cio chi vene d'altro e chi ci si manghja a picculu focu, pretestendu "l'ouverture au monde".
A sopravivenza di a nostra cursichella merita appena di piu di sumerinu.
Sole a 'ntelligenza, u lavoru, l'imaginazione e capacità di pighjacci in manu ci ponu da una ver'abertura versu u mondu.

2.mandatu da Sanguiraniu u 30/05/2010 17:53
Torna una tappa versu l'alienazione...ghjè une bella festa, postu ch'ella vene di francia...!!

3.mandatu da Anghjulufrancescu. u 30/05/2010 18:14
Eu dicu sempre in corsica ùn ci hè mai statu una gay pride..purtantu ci so l'inculati..!!
Una bella "Gay Pride" ùn sarebbe bè incu tutti i nostri eletti "bien pensant" ?? I
I naziunalisti anderebbinu sicuramente.... pè ùn passà pè cunservatori mà veri prugressisti e po in furiani si puderebbi dumandà un'aiutu finanziariu chi...... ci hè a muneta qualà....:-))

Aio, femu nostre e feste francese...!!

4.mandatu da anto u 30/05/2010 18:36
A quandu e "fest noz " di i britoni o puru s'omu sa piu chi festighja femù san culu !

5.mandatu da MaPi.. u 30/05/2010 18:46
Salute à tutti, in ssu ghjornu di festa mea ( oghje ghjè festa di e mamme, mà ghjè una festa francese;...).... anch'eo diceraghju a mea : Una festa di i Corsi, si u prefettu à vole bè è s'ellu si trova una piccula sala....!!!

6.mandatu da estrimei u 30/05/2010 19:41
noi , eri , avemu fattu una festa in l'onore di .....a nostra lingua .
vecchji e zitelli , ghjente struita e sumeroni , ricchi e poveri , ghjente chi si cuniscia o nò .
l'emissione di rcfm , Dite a Vostra avia chjamatu tutti quelli chi volenu praticà a so lingua a passà una ghjurnata inseme in paese di a Penta di Casinca .
canti , puesie , impruvisate, stalvatoghji, cuntrastate ,u pane e u cumpane (ci n'era forse troppu ) , un he mancatu nunda .
nimu un ha scagliatu , una ghjurnata sana a parlà corsu : o chi piecè!

7.mandatu da altore u 30/05/2010 21:22
mi scuserai o estremei ma s'o m'inchietu quandu vecu una "fête des voisins" chì ci vene da mare in là è chì mostra chè a sucetà corsa hè nant'à a falata, m'inchietu dinù di ste "serate o ghjurnate corse" in Corsica... u corsu u parlu in casa, in cherrughju, u cantu (o u sentu) in caffè ma ùn mi facciu micca una serata apposta...vene cusì quand'ella casca! (ancu di grazia quantunque à spessu!) osinò sè no ne simu "à la journée de la langue corse " què sì chì ghjè folklore (scusa ma ùn cunoscu micca a parolla corsa spergu perch'ella ùn esiste nancu). diceraghju ch'o mi serebbi più campatu à a penta ch'in piazza d'A' ma e duie feste sò quantunque inchietente.. no?

8.mandatu da estrimei u 30/05/2010 22:42
o alto' ,
eu stò in paese e m'impongu (impieggu stu termine chi so cume l'astri chi a mio lingua naturale , postu ch'ella he quella ch'aghju parlatu u piu , he u frencese ) di parlà a nostra lingua u piu ch'o possu .
ancu in paese , ma 'nu e cità he peghju :nu i cummerci, nu i caffè, nu i cherughji , he u frencese chi si praticheghja, quandu vò a e manifestazioni o a e reunioni pulitiche he sempre u frencese chi primureghja .
u corsu nu u parlu micca a lazziu ; u corsu , u parlu per ch'ellu he a lingua di u mio Paese e chi un accettu micca chi sta lingua sie suttumessa a una lingua strangera in casa soia .
serrà una disgrazia , ma un vale a bultulià , a lingua corsa ha bisognu d'esse difesa, e so chi he ancu di piu disgrazievulle he chi u Populu he pienu di lasciami stà .

9.mandatu da what a fair foot u 31/05/2010 00:22

Altò, iè ci hè da inchiitassi...Ma u fattu hè a cunsiquenza di u statu di a lingua, micca una causa...Ci vo' di fà piddà cuscienza chì u muvimentu "naturali" ' và versu a morti di a lingua corsa com'è di 3000 altri lingui in u mondu. A "stonda corsa' ùn hè folcloru ma prova di ritruvà u bagnu linguisticu ch'ùn ci hè più "naturalmenti" di solitu, di manera à sparghja dinò l'usu di parlà corsu, intrinendu quiddi ch'ùn sò avvezzi à parlà à lanciassi, par un dittu

10.mandatu da ARC u 31/05/2010 07:37
Francisazione di i corsi !!!!..Mà sta festa in Bastia ùn serà stata urganiZzata dà a Meria pè chi a ghjente di sti quartieri (induve ci gè pochu corsi) facinu cuniscenza....pè a San Ghjisè chi ghjè una vera festa corsa ùn hannu fattu tantu affari....

11.mandatu da Marcellu diCasamacciuliHèNativu u 31/05/2010 12:48
Sta festa ùn hè una nuvita in Corsica, arricurdatevi cio chì s'hè passatu in Cala Purcina. Mà ùn piace Micca à tutt'u mondu è à l'epicà ghjè u presidente di a francia chì avia messu u piu rimusciu. Forse ùn capia micca d'ùn esse statu invitatu ind'u so amicu clavier

12.mandatu da machja u 31/05/2010 17:51
Sa manera di cupià e scimiarie, un hè mica nova,assai corsi hanu, cio chi si chjama "u cumplessu di u culunisatu",cio chellu face l'invasore hè sempre megliu,simu cume i negri chi volenu imbiancassi,per assumiglia a cio ch'elli pensanu esse a puntà di l'attillatèzza,da per elli,per esse civilisatu bisognu a esse biancu,europeanu,e u fior di fior,francese.
E su velènu tutti i populi culunisati,l'hanu in lu sangue.

13.mandatu da ARC u 31/05/2010 18:03
E finitu quellu tempu pè i neri o Machja......... mà pè i corsi hè vera ai à raggio.....purtantu so sicuru chi parecchji di quelli chi ghjeranu à sta festa ùn eranu corsi...!! e po a resistenza culturale hè oghje più difficiule che 30 anni fà, tutti i medià, i pudere e po u "mimetisimu" so difficiuli à cuntra, pè un ghjovannu avà s'ellu ùn vole esse scantatu hè ubbligatu à fà cume a maghjurità....hè a maghjurità oghje ùn hè più a nostra....
pè cumpie in lingua culuniale : Ils se sont pas seulement acculturés ils sont acculturants...

14.mandatu da johnrossewingu u 31/05/2010 19:41 (da un teleffuninu)
Anghjulufrancescu parla di gay pride.ma mi pari chi dà quí pocu emu da fà a ''corsica pride'',chi ava semu minuritari nant'a a noscia terra.incù duí o trè ''char'' pieni di pastori barbutti,un sameri e dui pecuri.

15.mandatu da Anghjulufrancescu u 31/05/2010 20:30
Iè o JRossu, senza scurdassi di un omu di ghjesa cume "Prete Mondoloni" nant'à u carru...pè di à tutti chi ghjeramu cristiani....2o 3 carri basterebbinu no ??
Solu un'epidemia cume a pesta ci puderebbi solu salvà.....!!!

16.mandatu da Nadine Mouk u 31/05/2010 20:41
"Festa à u Cateraghju" dicianu i vechji....chi vulia di ??

17.mandatu da anto u 01/06/2010 18:00
Cum'ellu dice un ghjurnalistu di RCFM "attente a è fetes "

18.mandatu da U Rossu... u 02/06/2010 14:56
O Antò si stunatu di RCFM, eu no, e face un bellu pezzu ch' ùn i stò mancu più à sente.. mi pare peghju che "Radio Paris" in 1940....

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta