Accueil
Envoyer à un ami
Version imprimable
Partager

Dopu à u Corsica-Cola, u Breizh-Cola è l'Arab-Cola, eccu u Niolu-Cola !

Arab Cola, Breizh Cola, Corsica Cola... À ognunu u so Cocà identitariu. Avà, ancu i Niulinchi volenu u soiu.



Dopu à u Corsica-Cola, u Breizh-Cola è l'Arab-Cola, eccu u Niolu-Cola !
L'affare si pudia prevede. U successu di i Cocà identitarii hà fattu nasce l'appititti. Per luttà contr'à Coca Cola, sìmbulu di l'imperialisimu americanu è di a mundializazione, sò nati i cola alternativi.

Sò parechji avà nant'à u mercatu : Breizh Cola in Brittagna, Chtilà Cola in u Nordu, Fada Cola in Marseglia, Elsass Cola in Alsassia è di siguru u nostru Corsica Cola.

L'alter colà hè dinù puliticu : si trovanu u Mecca Cola è l'Arab Cola per i musulmani, è l'America Latina dinù cunnosce stu fenomenu. Ancu Cuba è Fidel Castro anu lanciatu u so cocà per luttà contr'à a sucetà d'Atlanta !

Ma in Corsica ùn pudiamu stà cusì. A vuluntà separatista di i Niulinchi si face di più in più forte (cunniscite tutti u famosu "Niolu Zone Libre"... ) è eccu ch'ellu hà da nasce u Niolu Cola !

I so prumutori prugettanu di vende a so bivenda à a diasporà niulinca spapersa in Corsica è appena da per tuttu in u mondu.

Siamu onesti : ci hè un prublema niulincu in Corsica. U periculu separitistu esiste. Ùn ci hè ch'è da vede i gruppi niulinchi nant'à Facebook : ci si trova "Niolu terra sacra; ; "Niolu tout simplement notre terre; ; "Niolu per a fede è per u fun; ; "per i niulinchi; ; è ancu un gruppu di lobbying "un seul réveillon de 31 dans le Niolu;... è ùn l'aghju micca tutti cuntati. Anu un prublema ssi tippi, nò ?

Serà u principiu di i prublemi cummunotaristi à l'internu stessu di u populu corsu ? Quale, di u Fiumorbu, u Tàravu, u Capicorsu o l'Alta Rocca hà da vulè anch'ellu u so cocà ? Risposta da quì à qualchì mese.

Dopu à u Corsica-Cola, u Breizh-Cola è l'Arab-Cola, eccu u Niolu-Cola !

u 28 di Ghjenaghju 2009
Marceddu Patulacci



1.mandatu da heliofobu u 28/01/2009 01:01
Sti trabbanati di Luresi sò ancu capaci d fà u "Seneca-Cola"...

2.mandatu da lunachjara u 28/01/2009 10:37
Iè,
pensu chì stu prublema puderebbe degenerà...
Cù a separazione niulinca, ci serà difatti quella capicursina è d'altri rughjoni...
è infine ghjunghjeremu cù e rivendicazione di i paisoli!!!!!!
Cumu dici tù, Heliofobu (mi dice qualcosa ssu nome....) i Luresi vuleranu u soiu! Ma s'ellu u chjamanu u "Seneca Cola" ci serà a guerra cù quelli di Pinu chì vuleranu chjamà u so cocà di a listessa manera (è à ghjustu titulu!).

Ci vole a sdradicà stu prublemu nanzu di ritruvacci à facci battaglie pè via di una bivenda gassosa chì , in più di dà a panza, tene a so origine in america!!!!

Micca guerra, micca cocà,
micca divisione in l'isula!

;-))

3.mandatu da Acquale u 28/01/2009 11:10
Avà basta cù i Niulinchi, sempre i Niulinchi.*
Puvete stà in Bastia !

è NZL !!!

;-))

4.mandatu da Ghjuvanpetru Coffe u 28/01/2009 12:56
iè ma Seneca ùn ci hè mai statu in Luri !

torna una muntasegheria di sti capicursini chi ci volenu fà crede ch'elli anu minatu un poveru rumanu à l'antichità...

5.mandatu da heliofobu u 28/01/2009 14:20
S'hè pigliatu una concia ch'ellu falava à bisticà incu e zitelle di u paesolu di Mercuri, un li piace tantu à i capicursini i furesteri chi venenu a dunighjà in li so rughjoni... Hè nata tandu sta mitica frasa "Ici, les philosophes, vous n'êtes pas chez vous, vous tolère..."

6.mandatu da piratella u 28/01/2009 21:26

Ùn hè più un'isula, hè un archipellu!

Ùn hè mai statu unitu u populu corsu quand'ellu esistia, allora avà ch'ellu sparisce, hè a "sbandata"...heu....ùn sò s'ella si pò dì cusì "débandade" o Sabnditu?


7.mandatu da evviva doria ! u 29/01/2009 14:37
INF !!!

8.mandatu da piratella u 29/01/2009 19:23

i più belli ochji turchini di Corsica sò in Niolu, allora, tenimucili !!

9.mandatu da Culomba u 30/01/2009 02:04

U megliu di i Cola hè quantunque u

MICCA COLÀ

ed hè u menu caru...

Astrimente, avemu dinù u FiumicciCola !

10.mandatu da cavalarecciu u 07/02/2009 16:47
cu a nascita di u niolu cola, i niulinchi chi volenu impone a so legge; Noi fieri corsi di u righione di due sorru, avemu cu a nostra armata fa pianta sta cumeria. Attenti niulinchi, a vostra productionne a da saltà, avemu da impone u nostru produttu "cola in due sorru ". E cusi l'unita di a cursighella si fara sottu u nostru putere. A legge di i piu forti.
e cusi è u nostru populu.


11.mandatu da Pasqua Chimbonda u 08/02/2009 19:15
I più boni sò u Niolu-Cola è l'Arab-Cola. u primu ha u gustu di casgiu è l'astru ha un savore urientale di prima scelta. Per me u megliu stà u Negru-Cola u più famosu Cola in Centre Afrique. Gustatelu.

12.mandatu da paulo u 26/02/2009 16:45
Eiu pensu chi ghjè a porta aperta a tutte e finestre....
Dumane ci sera un coca pè tutte e pieve è pò seremu tutti grassi cume L'americani. Allora avà ci vole a rivultassi pè Fà un solu Coca in u mondu, U Paoli Cola
Da Bia incu muderazione

13.mandatu da PICCHJACCANTU u 30/03/2009 00:04
pensate appena à ghjente di u nebbiu, chi s'imbriacca à u CONCA-COLA...

14.mandatu da l'acquale U PAESE u 22/04/2009 13:50
I NIULINCHI
un so micca un sugettu di cumparazione alora avà basta

NZL IN FORZA

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta