Accueil
Envoyer à un ami
Version imprimable
Partager

Droga : ancu Moïse fumava i tizzoni

D'appressu à un scentificu, quandu Moïse era nant'à u monte Sinai, ùn era micca cumplettamente chjaru. S'era ancu plasticatu u cerbellu à colpi di tizzoni...



Vi dumandate à chì ghjovanu i scentìfichi è ciò ch'elli cercanu ? È s'elli à rombu di circà, trovanu qualcosa ?

Allora eccu una nutizia chì hà da ralegravvi è una scuperta di prima trinca.

un prufessore israelianu chì a dice .

D'appressu à ellu, quandu Moïse hè fallatu da u monte Sinai è ch'ellu hà presentatu i so dece cummandamenti, ùn avia micca u so capu à segnu. Devia esse appena abambanatu da une pochi di prudutti allucinògeni chì l'anu plasticanu u cerbellu.

Attenti chì l'affare hè seriu : sempre d'appressu à u nostru spezialistu innù i riti religiosi di tandu si facia una grande cunsumazione di prudutti psicotropi, piante è tizzoni chì vi danu e visioni è vi facenu sente e voci...

Da chè spiegà i dece cummandamenti ?

Piuttostu rock'n'roll u nostru vechju barbutu di u Sinai, nò? ZZ Top ùn anu inventatu nunda.

Eccu, ùn era micca pè lancià un dibattitu nant'à a depenalizazione di e droghe trà lettori di A Piazzetta, ma ghjustu per dì chì certe volte, i circadori trovanu.

u 29 di Marzu 2008
U Sgaiuffu



1.mandatu da in cauda venenum u 29/03/2008 07:52
s'aghju capitu be u prufessore fuma i listessi tizzoni che moise allora mi ne buscheraghju qualch'uni anch'eiu

2.mandatu da Petru-Anghjulu u 29/03/2008 11:19
Un he novu, ci vula à piglia una droga per riavvicinassi di i dei...
sin'à entre in u statu d'affanu. U paese di i dei ha i so misteri !!!

3.mandatu da bruscu u 29/03/2008 13:53
un bè ! ! saria ora chi i nostri eletti di l'Assemblea di Corsica si fumessinu anchù èddi qualchi tizzoni ,hè cusi puddèranu guernà è anccu vedè megliu è cose di u nostru populu pèr arrangià i nostri affari chi vannu cusi di malè.... hè..hèèèè ....

4.mandatu da GWM u 29/03/2008 14:37
ZZ Top so più forti: Moise ùn sapia micca fà girà e chitarre.

5.mandatu da pascalix u 30/03/2008 14:23
Mansa di scridenzati, un avete micca vergogna di tene tali prupositi annanta i nostri prufeti ;-).
Per De Roc et Ange Santini s'elli si ciaccavanu qualchi tizzoni un saria che megliu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta