Accueil
Envoyer à un ami
Version imprimable
Partager

È avà, A Piazzetta diventa dinù un giurnale...

Un annu dopu à a so creazione (è più di 150.000 visite), esce a versione in carta di u vostru situ preferitu. Eccu dunque u primu tabloidu nustrale !



È avà, A Piazzetta diventa dinù un giurnale...
Dopu à u situ internet, A Piazzetta hè diventatu u primu giurnale gratisi in lingua corsa. U numeru 0 hè distribuitu dapoi eri intornu à Bastia, è in Aiacciu, Corti è Portivechju. Puderete truvallu in e panatterie è picculi cummerci.

16 pagine in culore, 10.000 esemplarii, un numeru tutti i dui mesi... Eccu a sfida nova di a squadra di apiazzetta.com !

Allora tù, lettore fanàticu di A Piazzetta, sì invitatu à l'apperitivu di lanciamentu di u giurnale chì si tenerà in Bastia u marti 10 di ferraghju, caffè L'Idéal, à parte si di 6 ore di sera.

Ci serà da beie, ma dinù da beie.

Màrcuri 4 Farraghju 2009
u webmaestru



1.mandatu da estrimei u 2009-02-04 10:24
eccuci un' edeone a prò di a nostra lingua , di u cunstratu e di a fratellanza naziunale .
di sti tempi , u marti ,
un'aghju micca vittura e un puderaghju micca fallà a imbriaggami 'ncu voi , ma per quelli chi a si sentenu forse ci'vuleria a dalli l'ora.
eviva a piazzetta !

2.mandatu da machja u 2009-02-04 10:29
Eccu a prova, chi quandu ci hè a vulunta si po fa qualcosa in corsica, hè un bellu esempiu che vo date a tutti chelli chi si lagnanu sempre
Fa un Di

A PIAZZETTA che bellu titulu per un giurnale corsu !!!!!
Dumane a da rinpiazza u "torche matin"

Longa vita a A Piazzetta

3.mandatu da renusinca u 2009-02-04 10:41
felicitazioni!!! fate un travaglione! cuntinuate cusi ;)

4.mandatu da IN CAUDA VENENUM u 2009-02-04 10:50
FELICITAZIONE VENTU IN POPPA STRADA DIRITTA FORZA PER SEMPRE TANTE AMICIZIE E INCURAGIAMENTI PER L'AVENNE

5.mandatu da pastizzone u 2009-02-04 11:03
aiò ! o estrimè fà un sforzu ! NOI VULEMU ESTRIMEI MARTI CHI VENE !!!

6.mandatu da estrimei u 2009-02-04 11:19
ti ringraziu o pastizzo', ma dopu beiu e traparlu ,e sta festa ci'ole ch'ella sia degna di a piazzetta

7.mandatu da Piratella u 2009-02-04 11:48

Bravi!! Opara di salute publica (ùn parlu micca di a beveria)

Femucila dinù in Aiacciu una festa

8.mandatu da Sbanditu u 2009-02-04 12:48
Pensu chì a presenza d'Estremei ùn si discuta micca. Hè UBLIGATORIA ! Listessa per Machja, Piratella, Ghjuvan'Felice, Renusinca, Heliofobu, Quill'altru... Site tuttti tutti invitati.
A Piazzetta serebbe cusì biota senza voi! Si mai, s'omu hà un prublema di trasportu, ch'ellu ci la fessi sapè. U virtuale hè bellu è bonu ma s'è ci pudemu tuccà un bichjere, hè ancu megliu!
@ marti!

9.mandatu da Santa u 2009-02-04 13:46
Ne vogliu unu subitu!!!!!Chi bona nutizia!! Vi auguru un long'avvene!! Una bona lettura é risate per no ;-)

10.mandatu da Leonel u 2009-02-04 16:46
L'idéal, induve tuttu ha principiatu, innò ?

"Ô 76, un bloggu corsu induve si parla ancu di musica... chì ne pensi ?"

11.mandatu da Leonel u 2009-02-04 16:48
Mandate in Australia ?

12.mandatu da ummbeu u 2009-02-04 18:27
ci si po leghje nanta internet ?

13.mandatu da Addiu u 2009-02-04 18:32
mi pare ch'ellu ci sia stampà è stampà...

14.mandatu da Piratella u 2009-02-04 19:31

eh, à chì ora??

15.mandatu da u webmaestru u 2009-02-04 19:31
Serà à parte si di 6 ore di sera...
http://www.wmaker.net/apiazzetta

16.mandatu da OMU SERIU u 2009-02-04 21:23
Si pò spirà chi ùn ci sera micca publicità ???

17.mandatu da altore u 2009-02-04 21:53
pè i paisani cum'è mè pudete dì induv'ell'hè l'ideal?

18.mandatu da kalash' u 2009-02-04 22:03
Omu Seriu, cumu voli fà un giurnale gratisi s'ellu ùn ci hè publicità ? spiegami cumu u poi finanzà ?

altore >>> nant'à a piazza di u mercà

19.mandatu da altore u 2009-02-04 22:02
à ringraziatti o kalà...

20.mandatu da erbaghju u 2009-02-04 23:01
Vi feliciteghju per u travaglione chì vò fate è u ralegru ch'ellu ci porghje!
Vi feliciteghju per a mossa di u vostru situ è prestu per quella di u vostru ghjurnalettu!
Un vi scurdate di facci sapè i lochi induve pudaremu truvà issu libracciolu tantu aspettatu!!


http://erbaghju.unblog.fr/

21.mandatu da altore u 2009-02-04 23:18
ghjè quantunque megliu chè u forum di l'adecec tuttu scrittu in talianu! cuntinuate è chè vo campite 100 anni!

22.mandatu da capicursinu u 2009-02-04 23:53
Felicitazione!!!
ghjè incun grand'piacè che no leghjeremu istu novu ghjurnalettu...

23.mandatu da Heliofobu u 2009-02-05 00:18
O ghjenti, se tutte quelle ch'hanu prumessu a so affacata marti (annant'a facebook) spuntenu... Ci ha da esse pezzoni a palittate ! ;-)

24.mandatu da le rocher de sainte hélène u 2009-02-05 09:18
Prima vi vulia felicità, tutte e matine hè un incantu, tempu ghjuntu à u travagliu di leghjevi, eppò, perchè chi vo ùn farestete micca una presentazione in aiacciu ?

25.mandatu da filidatu u 2009-02-05 23:53
vuleria sapè si nù stu giurnale ci seranu articuli sfarenti di quelli di u bloggu o nò?

26.mandatu da u webmaestru u 2009-02-06 00:37
a maiò parte di l'articuli ripiglianu quelli chì sò nant'à u blog (ùn vi scurdate ch'è no semu tutti benevulenti o zitelli ! ùn hè u mistieru di nimu...) ma ci n'hè qualchì unu in più.

circheremu d'esce un numeru tutti i dui mesi.

dateci puru e vostri impressioni, critiche, idee, insulte, scecchi...
http://www.wmaker.net/apiazzetta

27.mandatu da bianchini u 2009-02-06 11:52
ié ié ma in Aiacciu indu u pudemu aélu u giurnale ...adia invia u me babu ! soghu luntana da vo ! felicitazione

28.mandatu da Capitanu Albatoru u 2009-02-07 15:20
Tanti ringrazi ! Cuntinuate cusi ! Ete da diventà un fenomenu di sucietà !

29.mandatu da Pastacciu u 2009-02-08 14:59
Infine un giurnale tuttu in lingua corsa !! Felicitazione per u vostru travagliu, per u vostru spiritu stuzzigaghjolu e per a vostra riescita !! Longa vita à A PIAZZETTA !!!

30.mandatu da U Solidu Snaku cu u "Garton" u 2009-02-08 16:22
Di piu hè gratisi, vistu chi so a pena rancciu nantu a i bordi, mi piace.
U 10 di feraghju, veneraghju a piglia « l’apero » pa a surtita di u ghjurnalu, surtemu u Pastissu, e i Cacahuetti, mettite i vostri «  t_shirt Balantines ». Eiu seraghju qui.
Eccu un ghjurnalu in a nostra lingua chi parlu di a nostra cultura.
Evviva a Piazzetta è a scimia per marti
Sentu chi a settimana se passera bè.

31.mandatu da Imagination u 2009-02-09 16:14
un'illusione di ghjurnale, ùh ùh ùh ùh àààh àh

32.mandatu da 76ers u 2009-02-09 17:06
L'idéal, induve tuttu ha principiatu, innò ?

"Ô 76, un bloggu corsu induve si parla ancu di musica... chì ne pensi ?"


ié perchè micca ! è un blog in corsu nantu a cultura australiana : i kangourous vs i muvrini, a pietra vs a forsters, crocodile dundee vs guy cimino ??? chi ne pensi ?

33.mandatu da lolo u 2009-02-12 19:18
Vogliu un annu d'un abonamentu cu stà bella brunetta chi face a prumuzione di a piazzetta

34.mandatu da Culomba1 u 2009-03-20 21:41

A PIAZETTA SUPER STAR : Bellu articulu in "la Corse votre hedbdo" da M.Biancarelli...!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter