Accueil
Envoyer à un ami
Version imprimable
Partager

È avà, eccu i gendarmi cuntaminati à u H1N1 !

Una gendarmeria cuntaminata da l'influenza A in Bunifaziu ? È s'ella era a prima utilizazione d'arme batteriològiche contr'à i Corsi ?



È avà, eccu i gendarmi cuntaminati à u H1N1 !
Sapiate chì i gendarmi ci rumpianu e stacche, ch'elli sò quì per impedivvi di fà a festa è di beie appena. Avà sapete dinù ch'elli ghjovanu à purtà a grippa purcina in Corsica.

L'infurmazione hè stata data eri da Pierre Ciabrini : ci sò parechji casi di cuntaminazione à l'influenza A à a gendarmeria di Bunifaziu.

Allora nanzu ch'è no ci passimu tutti è prima di tichjavvi di Tamiflù, eccu qualchì cunsigliu :

- s'elli vi facenu segnu di piantavvi nant'à a strada, ùn v'arrestate micca. Mettite un colpu d'acceleratore è scappate !
- sì malgradu quessa, riescenu à favvi piantà, ùn calate micca u vetru di a vostra vittura. Fintantu chì u gendarme ùn porta micca una cagula o una maschera, ricusate di parlalli.
- s'è vo site gendarme, fliccu, CRS o RG, sopr'à tuttu, statevi in casa vostra !

Di manera più seria, ci pudemu dumandà ciò ch'elli sò stati mandati à fà sti gendarmi cuntaminati in Bunifaziu. Si sà chì l'arme biològiche esistenu dapoi l'Antichità. L'epidemie, e malatie sò spessu state planificate è prugrammate durante e guerre (pesta, variole ecc...) è chì ghjente cuntaminate sò digià state inviate per intussicà e pupulazioni civile.

Allora dumandemu ch'elle sianu chjose d'urgenza tutte e gendarmerie di l'isula è turnemu à mandà i gendarmi impuzzichiti in casa soia !

È avà, eccu i gendarmi cuntaminati à u H1N1 !

u 2ndu di Sittembre 2009
U Sgaiuffu



1.mandatu da Paulu u 02/09/2009 11:21
spirendu ch'iddi siinu tutti cuntaminati e sterminati, sicuru.

ô beddi, ci vole à fallu ! fa vene i flichi di Valenciennes ... n'aviami miccà abbastanza in corsica suttana ò chì ?

2.mandatu da jean claudusse u 02/09/2009 12:05
ci vuleria à fà listessu è mandà unepochi di militanti UMP cuntaminati à a pesta in francia !

3.mandatu da ANNA LIVIA u 02/09/2009 19:39
I GENDARMI FORA !


4.mandatu da Cumpalliols u 03/09/2009 11:41

Novu cumentu :