Accueil
Envoyer à un ami
Version imprimable
Partager

È avà, eccu i "gendarmi pedagògichi"

Dopu à i "radars pédagogiques", eccu chì ghjùnghjenu nant'à e nostre strade i "gendarmi pedagògichi" in cartone.



È avà, eccu i "gendarmi pedagògichi"
Sarkozy l'avia prevenuta, a guerra contr'à l'insecurità stradale serà terribule. A lege s'hè rinfurzata contr'à quelli chì ùn rispettanu u codice di a strada è i punti nant'à u permessu saltanu di più in più in furia. Per quessa, u guvernu ùn manca d'idee.

Dopu à l'annunziu di Claude Guéant di a stallazione di " radars pédagogiques " nant'à e nostre strade, un altru prugettu serà forse messu in ballu : i falsi gendarmi in cartone, detti "gendarmes pédagogiques".

L'idea hè sèmplice : invece di mandà veri gendarmi pè cuntrullà a vitezza di e vitture nant'à a strada, si mettenu falsi gendarmi di taglia reale. Da luntanu, l'automobilisti ùn vedenu nunda è calanu a vitezza, pensendu ch'elli sò veri.

È quelli chì ghjunghjenu in faccia facenu i segni cù i so lumi pè prevene ch'elli ci sò i flicchi. Iè, nunda ch'è cun "l'appels de phares" si face calà a vitezza, senza fà spese supplementarie pè u Statu. In tempu di crisa è riduzzione di funziunarii, ci vulia à pensacci.

In Bastia i pulizzeri eranu chjamati "a pulizza gobba". Avà ci vulerà à dì "a pulizza gobba in cartone".

u 19 di Ghjugnu 2011



1.mandatu da ANTO u 19/06/2011 18:56
Un'hè micca un affare novu ,in dè l'anni 60 avianu dighja pruvatu a mette sse fiure in "contreplaqué" ma i risultati un so stati cusi boni .U megliu sarebbe di mette tutti i centu metri ssi famosi gendarmi chjinati (gendarmes couchés ) cume in dè citta .

2.mandatu da Ghjuvan'Marcu u 20/06/2011 16:38
Gendarmi chjinati... Ié... ma vivi !
Ci vole a mette dinù falsi pulitichi in u Cunsigliu Generale e ancu à la culletività territoriale per fà crede chi travaglianu.

3.mandatu da Tiru à u segnu u 21/06/2011 08:42
È s'è calchissia li tira di pistola (o di fucile) à sti gendarmi di cartò ...è ch'ellu ne tomba unu veru (senza vulella), si pò cunsidarà ch'ellu hè un accidente o nò?

Ghjè una dumanda à u serviziu ghjuridicu di a Piazzetta.

4.mandatu da Viaghju u 21/06/2011 17:24
Ne vogliu unu !!!
"Du plu bel effet" ind'è i cacatoghji !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta