Accueil
Envoyer à un ami
Version imprimable
Partager

È avà, i canistrelli "made in France"

Dop'à u figatellu di porcu chinese è casgiu corsu di latte pulunese, eccu u canistrellu fattu in Marseglia.



Sin'à induve anderà a scruccuneria di i falsi prudutti identitarii pè turisti è diaspora ?

Stu ritrattu mandatu da un lettore ci mostra un sacchettu di canistrelli (ma ùn hè precisatu ch'elli sò Corsi) fatti in... Gémenos, dipartimentu di e Bouches du Rhône.

Hè vera ch'elli ci sò assai Corsi in a regione di Marseglia. Ma ùn ci la feremu mancu à spurtà i nostri prudutti pè sti lochi ?

L'intrapresa, "Biscuiterie de B", serà tenuta da un Corsu ? Per avà ùn si sà.

Avà, sapemu chì n'importa quale pò dunque aduprà l'appellazione "canistrelli".

Seranu cuntenti i difensori di u "made in France".

Tuttu và bè.
È avà, i canistrelli "made in France"

u 18 di Ghjugnu 2013



1.mandatu da Calvoise u 19/06/2013 10:46
"avà" ?! Ci sò decine di marche cusì ! I Corsi (o micca) di Pruvenza anu sempre fattu a cucina Corsa. L'appellazione "canistrelli" ùn hè micca prutetta, appena cum'u "croissant".

2.mandatu da ANTO u 19/06/2013 11:08
Un so micca i soli a fa cusi ,c'hè una "marca" di biscotti venduti pè roba corsa e chi hannu stampatu a dossu a ogni biscutinu u "triskel" di britoni .Focu a ceppa !

3.mandatu da cugi u 19/06/2013 11:16
Arisera aghju manghatu un tajine in aiacciu!
E u géant di mezzavia vende i sushi, fatti in corsica!!!
E ricette un s'arrestanu micca e fruntiere di i paesi mi pare...

4.mandatu da circinelludiguagnenativupeliguagnesisusosanguaversatu u 19/06/2013 12:10
à dilla franca, à me po ùn mi dirangia manc'appena quissa : à u cuntrariu ! i falafel ebrei so ancu fatti in Pariggi... ciò chì mi sgena hè ch'ùn ci fussi micca scrittu ànnant'à u pacchettu: ricetta corsa o biscuttini tradiziunali di Corsica...
una cosa: calch'anni fà eru ind'un salon di u vinu in Marseglia, à buleghju à i pruduttori di l'Alpe, unu facciu u "brocciu" vindutu 1 o 2€ ind'una pipetta (una bona idea) è una faccia i... canistrelli. Tutti i dui mi hanu dettu ch'ell'erani ricetti corsi. Bon ! eddi vindiani vindiani !!! È à u stand di a Corsica mi diciareti ? et bien y'avait un stand "institutionnel" qui passait en boucle à la télé des images de la corse et un cageot de clementines offertes, vide !

5.mandatu da ococo u 19/06/2013 16:53
I canistrelli un so micca unicamente prudutti di corsica.... ci so ancu canistrelli fatti in italia

6.mandatu da bastiacciu stortu u 19/06/2013 19:09
Ci so ancu " clandestini " ....!!!!

7.mandatu da Leandri u 19/06/2013 20:30
ùn principiemu micca incù sti catafalchi di "canistrelli clandestini"

8.mandatu da o Corsi li mio fratelli u 19/06/2013 20:47
iè, ococo, fora chì i canistrelli taliani si chjamanu canestrelli; è s'è tù ai appena d'arechja ùn si prununzia micca listessu : canistrélli/ canestrèlli.

Focu à a ceppa o Antò

9.mandatu da babbo u 19/06/2013 21:44
Bouh, quessa hè un affaraccia !! aio tutti fratelli sunate lu Cornu,a Corsica hè in periculu,ma chi face u Fronte ?
Tutti in Corti sabatu prossimu,prestu una cunsulta per a salvezza di i nostri biscutini,Liberta per e frappe,i canistrelli, e bastelle e altre fritelle.
I pinzutti vendenu canistrelli e noi altri vendimu a nostra terra,e nostre case, e nostre muntagne,ma pocu imprema, avemu bisognu di soldi per parte in vacanza in francia per manghja...canistrelli

10.mandatu da Festiculu u 19/06/2013 23:56
E allora? Se no vulemu supranà i pépito e i cookies, ci vole a pruduce canistrelli in u mondu sanu!

11.mandatu da pastizzeru u 20/06/2013 15:18
o "corsi i mio fratelli" mi faci ride , hè vera chi da canistrelli à canestrelli ci hè una disferenza miraculosa di pronunzia(guasi s'ellu si ghjunghje à capì) ... tuttu cui chi face l'uriginalità di a nostra lingua cu a taliana !!!!!! è u "foie gras" fattu in corsica un serà un scandalu per i limousins ?!!!! aiò piantemu e cunnerie , torna un articulu chi pare di scopre a luna per un dì nunda ..

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta