Accueil
Envoyer à un ami
Version imprimable
Partager

È avà, quale pè rimpiazzà à Hantz ?

Quale averà a missione difficiulissima di rimpiazzà à Hantz à u Sporting ?



È avà, quale pè rimpiazzà à Hantz ?
Un cìculu s'hè compiu in Bastia. Hantz si ne và, ognunu averà a so làcrima sabbatu, è avà ci vole à pensà à l'avvene. L'intrenore era assai pupulare è a missione ùn serà micca semplice per quellu chì hà da vene. Una volta di più, ci vole à ricustruisce tuttu. Cusì hè a storia di u Sporting dapoi sempre...

Eccu un listinu di qualchì intrenore chì puderia vene à u club. Sapendu ch'ellu ci vole à qualchissia chì cunnosce a L1, chì hà sperienza, capace di custruisce... Fate a vostra scelta !

Raymond Domenech
U vechju Raymond hè nant'à a lista di l'intrenori liberi di l'UNECATEF, u sindicatu di l'intrenori francesi. Ùn vi piace micca Domenech ? Un tippu chì hà ridiculizatu l'équipe de France à stu puntu merita u nostru rispettu.

Jean Fernandez
L'intrenore u più defensivu di Francia vole vene à u Sporting. Cun ellu nisuna surpresa, simu siguri d'annuiacci cum'è topi morti in Furiani.

Élie Baup
Campione di Francia cun Bordeaux, vice-campione cun Marseglia. A so beretta è u so azizume depressivu seranu forse nant'à u bancu di Furiani quist'annu chì vene. Dop'à trè 0 à 0 à fila in Furiani, risicheghja d'esseci l'ambianza.

Freddy Antonetti
U casinchese cunnosce u club, cunnosce bè u futbol francese, mughja quand'ellu ci vole, avia ancu circatu à minà à Lachuer, u so propiu ghjucadore perchè ùn era micca statu cuntentu di fassi rimpiazzà durante una partita. Cun ellu Bastia hà avutu risultati è spetàculu. U Sporting hà battutu tutti i più grandi in Furiani è ancu fattu u so ritornu in UEFA. Pè certi hè un ìdule, è d'altri ùn u ponu pate. Ùn face micca l'unanimità, li rimpruvereghjanu d'ùn avè fattu cunfidenza à i ghjucadori corsi è a so distanza cù i sustenidori à l'epica. Iè ma ci hè megliu ?

Luis Fernandez
Hè u puttachju numeru 1 in Bastia. L'animatore di RMC vuleria firmà à u Sporting, ch'ellu hà spessu difesu. Face una stonda ch'ellu ùn hà più avutu risultati pusitivi in tantu ch'è intrenore, ma hè sempre pupulare è hà a fiura d'un omu chì pò riesce in Corsica.

Joël Muller
Arricurdatevi di u grande Metz, di Pires, Pouget, Songo'o, Kastendeuch... è di a so faccia à pattoni.

Bora Milutinovic
U serbu hà intrenatu nant'à tutti i cuntinenti, hè statu u capimachja di e squadre naziunali di u Messicu, di i Stati Uniti, di a Giamaica, di a China. L'ultimu paese induv'ellu hè passatu era l'Irak. Allora Bastia à cantu...

Hervé Renard
Hà rissuscitatu à Sochaux chì era guasi mortu. Hà un cugnome digià trovu : a volpe. Ma serà interessatu per vene in Corsica ?

José Anigo
Ùn face mancu più ride.

Guy Lacombe
Veramente ?! Bon, almenu averemu un intrenore mustacciutu, capace di rivalizà cun Thiriez. Basterà ?

Claude Leroy
Claude hè un amicu di a Corsica. S'hè spessu parlatu d'ellu per vene à u Sporting in l'anni 90. Hà intrenatu u Camerun, u Sénégal, u Congò, a Sirìa. Allora a Corsica à cantu...

Fabrizio Ravanelli
MWAHAHA !

Jo Bonavita
Quist'annu u stregu di Furian ci hà fattu vince trè punti. Perchè micca una prova nant'à u bancu ?

Dominique Bijotat
Almenu cun ellu simu siguri induve andemu. Ùn ci hè megliu per accumpagnacci in L2.

Christophe Pélissier
U coach di u Luzenac Ariège Pyrénées hà riesciutu a prova di purtà un paese di 600 abitanti in Lega 2. Imaginate Luri o Antisanti à u livellu prufessiunale... Nò hè megliu micca.

Bernard Casoni
Bon eccu, hè liberu anch'ellu...

Adolphe Ogouyon
Iè iè, esiste è hà i so diplomi. Nunda ch'è per u nome. Averia mandatu un fax à u club per prupone i so servizii.

u 15 di Maghju 2014



1.mandatu da ufootmininfuttu u 15/05/2014 12:39
PIERRE YVES ANDRE !!!!!!!!!!!!!!!

2.mandatu da amstradu u 15/05/2014 14:16
Léonce Lavagne

3.mandatu da JoeM u 15/05/2014 14:25
Joe Murati

4.mandatu da sardu u 15/05/2014 14:26
domenech ahahahahahahahahahahahahahahahahahahahahahahahah!!!!!!!! vulete antonio conte, chi da a juventus si ni va?!

5.mandatu da DOS SANTUCCI u 15/05/2014 16:44
Keruzoré

6.mandatu da Hantzu u 15/05/2014 16:49
François Ciccolini

7.mandatu da turchinu u 15/05/2014 18:23
Popopopo... l'avemu da rigrettà u nostru Hantz...

8.mandatu da Ghjurnata di a gona u 15/05/2014 21:08
jean martin verdi ??

9.mandatu da osezla forme u 15/05/2014 21:24
iè s'ellu ci hè da ruspà soldi ghjè l'omu chi ci vole, mortu più chi l'anu vistu rantulà pè e vestiaire

10.mandatu da body prestige u 15/05/2014 21:25
adriana Karambeu, tandu si chi anu da corre ste capre

11.mandatu da Pôle emploi u 16/05/2014 07:01
Jeanjean de Papa...

12.mandatu da STORTU u 16/05/2014 08:11
HUBERT TEMPETTE

13.mandatu da ceccu u 16/05/2014 17:30
ANTONETTI FORSE

14.mandatu da plus rien ne bétonne u 16/05/2014 21:13
Per fa megliu ché Hantz hà da esse difficiule ,si bastia finisce ottesimu....

15.mandatu da stumacatu u 16/05/2014 21:49
Guus Hiddink...

16.mandatu da stum u 17/05/2014 11:57
micca Guy Lacombe, per carità....

17.mandatu da *-* u 17/05/2014 12:59
E perchè micca Didier Deschamps ?
Hè suscettibile cum'è un corsu... no ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta