Accueil
Envoyer à un ami
Version imprimable
Partager

È avà, tutti à l'acqua !

Passate e feste cù i so eccessi di cicculate, di champagne è di Johnnie-coca, hè ora di u mese di ghjennaghju, u mese di l'emmerdamentu è l'azizume.



È avà, tutti à l'acqua !
Ma serà pussibule di manghjà è di beie tantu in cusì pocu tempu ? O quant'è no pudemu tichjacci trà Natale è Capu d'annu ! Pulenda, caprettu, bûche de Noël, gàmbari, foie gras... Una vergogna !

Di modu generale, e vacanze di Natale sò quelle induve collanu i chilò nant'à a bilancia è u cholestérol in u sangue.

È à u comptoir, ùn hè micca megliu. Trà l'apperitivi pigliati per vede l'amichi chì sò vultati per e feste, u champagne ch'ellu si stuppa pè u 31 è u licore ch'ellu si tocca in famiglia, poche l'occasioni di beie... Quant'è vò l'avete fatti soffre u vostru stòmacu è u vostru fegatu st'ultime settimane !

Ma passata a festa, capulatu u santu. Avà hè ora di ridiventà serii è di piglià e cose in manu. Dichjarate a treva à u vostru fegatu, ricumminciate à beie appena d'acqua !

Di tutte manere si tuttu và bè, site fusciatu. Dop'à a Natale, u 31, i soldi (ancu à -50%) è a crisa, site sbagliuccatu è sò viote e stacche.

Cunsulatevi cusì : ghjennaghju ùn hè micca un bellu mese. Trà u fretu, l'azizume generale è u tempacciu, ùn perdite nunda à stavvi in casa vostra. Fora ci hè cusì poca ghjente, for'di i briagoni è i losers abituali in perdizione.

Alè, San Ghjorghju per tuttu u mondu, hè a meia ! Curagiu, u veranu hè davant'à noi...

u 10 di Ghjenaghju 2009
Chuck Norizzu



1.mandatu da Heliofobu u 10/01/2009 10:43
I veri "losers" sò quelli chi sortenu pè' capu d'annu... (ò u sabbatu sera...)

2.mandatu da orsufrancè u 10/01/2009 11:38
Doppu a stè festè di tichine hè ora di metesi a fa u regime.andate piu tostu a fà ligname pè u foccu .Cusi vi fara bè per ripiglia aspitendu à carnava hé è feste di Pasqua.
Pulenda capretu,fritelle incu u brocciu,agneddu arrustitu,hè vinu corsu.Cusi tira avanti hè tocca . . . . .

3.mandatu da in cauda venenum u 10/01/2009 12:23
O ZITELLI CU A PULENDA UN BEVITE MICCA ACQUA D'OREZZA PIGLIATE U RISICU DI SPLUSA

4.mandatu da aiaccini u 19/01/2009 10:45
u vostru blog hè bè ma ùn parlatti di i prublemi di a droga. Parchi corra in aiacciu che vo setti drugati...

5.mandatu da Piratella u 19/01/2009 12:51

Drugati à l'INTERNET, iè, sarà...

6.mandatu da Heliofobu u 19/01/2009 14:30
"Drugatu", dettu da un Aiaccinu, hè un cumplimentu, nò ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta