Accueil
Envoyer à un ami
Version imprimable
Partager

E bone risoluzioni ch'è vò ùn piglierete micca

Tutti l'anni di ghjennaghju riprincipia a cumedia di "les bonnes résolutions". Ùn vale a pena, ùn ci la ferete micca à tenele è di tutte e manere hà da esse a fine di u mondu.



E bone risoluzioni ch'è vò ùn piglierete micca
1. Piantà a panza : Tutti l'anni ci cridite, tutti l'anni cumprate un survêt' pour faire du sport ma à capu di duie settimane, u vostru survêt' vi ghjova solu à fidighjà à Michel Drucker o L'Equipe du Dimanche nant'à u vostru canapé. Lasciate corre, ùn ferete nè muscu, nè yoga, nè footing.

2. Piantà a sigaretta : Per quelli chì fumanu, pudete sempre pruvà a cigarette electronique per avè l'aria appena di più baullu ma ùn ghjuverà à nunda.

3. Piantà di vutà per i listessi : Quantu volte avete dettu "hè l'ultima volta ch'à votu ste narpie !" Eppo...

4. Piantà di fà u musu cù i so culleghi di travagliu : Hè talmente megliu d'esse azezu... Eppo di tutte e manere, hè a crisa è da quì à pocu ùn ci serete più à u travagliu.

5. Piantà di fà u connu à u karaoké : Svegliatevi, ùn semu più in 1994.

6. Piantà di fà u criticone : Hè talmente più faciule d'ùn fà nunda è di criticà à l'altri...

7. Piantà di manghjà n'importa chè : Sushis cù u Nutella, pizze cù i knackis, salciccia cù i Pringles... Di tutte e manere, ci ferma menu d'un annu nanzu à a fine di u mondu.

8. Piantà di perde u vostru tempu nant'à Facebook : Hè vera, saria megliu di leghje un libru, di vede un filmu o di sorte fora. Ma di tutte e manere ùn avete nunda d'altru à fà...

9. Piantà di vutà per un "figliolu di" : Micca faciule, neh ?

10. Piantà di cumprà n'importa chè : Quandu volte vi site dettu : "perchè aghju cumpratu st'affare goffu chì ùn ghjova à nunda ?" o "ma perchè aghju cumpratu tutta sta rubaccia micca bona ch'o ùn manghjeraghju mai ?". Ebbeh serà peghju in 2012.

11. Piantà di mughjà contr'à i turisti l'estate : Mancu à pensalla !

12. Piantà d'esse pessimistu : Hè a fine di u mondu, u disimpiegu, i prezzi chì collanu, Fukushima, a Grisa, u calindariu di i Mayas (è di l'Incà dinù), u riscaldamentu climàticu, u tsunamì, u "triple AAA", Mafiosa 4, l'elezzioni à vene, u petroliu, François Hollande, u PSG... basta ! Quessa a risoluzione, ci vuleria à tenela da veru !

u 3 di Ghjenaghju 2012
U Sgaiuffu



1.mandatu da Muntese u 03/01/2012 03:27
Piantà di crede in l'indipendenza!!! Avemu bisognu di e "subventions"

2.mandatu da U Palatinu u 03/01/2012 08:34
U più simplice hè d'ùn piglià nisun resoluzione, è cusì, ùn c'hè nisun prublemu per tenelle.

3.mandatu da U Palatinu u 03/01/2012 08:38
Ma piantà d'esse pessimistu, mi pare propiu impussibile. Sopra tuttu per quelli (cume mè) per i quali hè u statu nurmale.

Aghj'à piuttostu piantà di fumà. Postu ch'ùn fumu dighjà micca, ùn serà micca troppu difficiule, pensu.

4.mandatu da U Palatinu u 03/01/2012 08:42
È cuncernendu e suvvenzione o Muntese, seria bè ch'e amparessinu à campà senzu, chì più anderà, è menu ci ne serà.

5.mandatu da Marboeuf u 04/01/2012 00:23
Popopopopo "Mafiosa"... Un ci pensava più a st'abuminazione... E tutt'i carnavali ch'anu da andà a pienghjulà ind'i casting cridentu di diventà u nuvellu De Niro... Eccu ciò ch'ellu hè diventatu u Corsu : Un "figurant" per i bobo parigini carc'a soldi...

6.mandatu da U Palatinu u 04/01/2012 14:31
Postu ch'e ne parlate o Marbò (bùù chì gattivu nome), invitu tutti quelli chì serianu interessati da fà un filmu in Corsica nant'à a Corsica di fàssi un giru nant'à u mio situ, chì cusì, incù tutte e fizzione chì ci avemu scrittu quallà, idee ci ne seranu sicuramente.

L'altri dinù.

7.mandatu da mijagavignanica u 05/01/2012 02:27
Un vale a pena di piglia resoluzzione ne di fa prugetti perche secondu u calendariu maya avemu da more tutti a tempu di dicembre ! Ecu !!!
Allora manghjemu! Biemu ! Cantemu ! Fumemu ancu u "chichon"! E cetera e cetera!! E dalli va !!!

Novu cumentu :