Accueil
Envoyer à un ami
Version imprimable
Partager

E canzone di campagna di e municipali

À ogni campagna eletturale i so candidati. À ogni candidatu, a so canzona di campagna. Quelle chì sò scelte bè vi marcanu, ma ci sò dinù i fiaschi. Eccu un cumparativu di i primi meetings di a campagna in Bastia.



Gilles Simeoni : "Mi ne vocu" (Vitalba)
A canzona di Simeoni ùn hè più "Sinfunia nustrale", ma u tube di Vitalba "Mi ne vocu". Ambianza assicurata durante i meetings. Piace assai, a scelta pare bona per una canzona di campagna. Gilles si ne vole andà, ma induve ? Pè "e fureste di sole, i chjassi di u sperà" cum'ella a dice a canzona ? O pè a merria di Bastia, cum'ellu a dice u sundagiu Ipsos Corse-Matin / France 3 Corse / RCFM ?

François Tatti : una musica tecnò
Hè a scelta a più strana di sta campagna. Per u primu meeting di a lista Tatti-de Gentili, s'hè intesu una musica tecnò chì solu i fans di tunning ponu cunnosce, "Twerk anthem" di u dj Tony Junior. Alè Francè, si pò fà megliu !

Jean Zuccarelli : "Wake Me Up" (Avicii)
A canzona di Jean Zuccarelli per u so primu meeting hè stata "Wake me up" d'Avicii è Aloe Blacc. E parolle dicenu "wake me up when it's all over"... traduzzione : "discitatemi quandu tuttu serà finitu". Eccu un bellu prugramma.

Jean-Louis Milani : "Wake Me Up" (Avicii) dinù è Jean-Michel Jarre
U candidatu di l'UMP hà fattu a listessa chè Jean Zuccarelli pè a presentazione di a so lista : "Wake me up" d'Avicii. Hè cullatu nant'à a scena nant'à una canzona di Jean-Michel Jarre. Nustalgia di u RPR di l'anni 80 ?

Eric Simoni : "Un'alba nova" (L'Arcusgi)
Nisuna surpresa à Corsica Libera chì torna à ripiglià a canzona "Un'alba nova", fatta per l'ultime elezzioni territuriali. Hè una ripresa d'una canzona di Joan Baez, "The Ballad of Sacco and Vanzetti". Classicu, è sempre efficace.

Bonus track. Jacques Chirac in u 1988 : "The final countdown" (Europe)
Iè, in u 1988, u candidatu di u RPR cullava nant'à a scena nant'à sta canzona.


Pè l'altri candidati, aspettemu di vede i so meetinghi.



u 21 di Farraghju 2014



1.mandatu da Harry Styles u 21/02/2014 13:15
E ancu Jean-Michel Jarre e u so Rendez-Vous IV per Milani !

2.mandatu da corrado de lu salentu u 21/02/2014 15:51
Cantata da Joan Baez, ma scritta da u grandissimu Ennio Morricone : "The Ballad of Sacco and Vanzetti".

3.mandatu da anto u 21/02/2014 16:42
A sabiamu ch'elli ci purtavanu di fole in canzone !

4.mandatu da Victor defendini u 22/02/2014 04:10
Arrestate

5.mandatu da bastiacciu stortu u 22/02/2014 10:17
a " Danse des canards " per tutti .... tantu nunda un cambiera ....!!

6.mandatu da misjiu salvaticu u 22/02/2014 22:58
a scimia di tavagna per i meri chi si riprisentanu é ancu per pm bartoli

7.mandatu da Andria u 23/02/2014 15:50 (da un teleffuninu)
Jean Zuccarelli hè scemu compiu

Novu cumentu :