Accueil
Envoyer à un ami
Version imprimable
Partager

E cinque finale di Bastia

Bastia hà da ghjucà a sesta finale di a so storia l'ondeci d'aprile contr'à u PSG. Nanzu, ci sò stati macciacci, fischji, differenti presidenti di a republica, fanga, è una sola grande vittoria. Eccule e cinque finale di u Sporting.



1972 : a prima

Hè per a finale di a cuppa di Francia di u 1972 ch'ellu hè inauguratu u Parcu di i Principi. U presidente hè Pompidou è in Corsica si cummencia à avè u rimusciu. Dapoi un mese, u liturale corsu hè imbruttatu da misteriose fanghe rosse chì tomba i pesci. L'affare sbuccerà nant'à una forte mublizazione di i Corsi è un battellu talianu plasticatu in mare.

Per alzassi in finale, u SECB hà eliminatu l'ACA, Avignon, è u RC Lens, cù una mezafinale piena d'azzuffi trà nurdisti è bastiacci.

In finale Bastia perde contr'à u campione di Francia, l'OM di Skoblar è Magnusson.

Bastia ghjucava cusì : Pantelic – Mosa, Luccini, Savkovic, Tosi – Dogliani, Calmettes – Kanyan, Félix, Franceschetti (capitanu), Giordani (Papi 75u).
Intrenore : Pierre Cahuzac.

Parechji testimoni di l'epica, sopr'à tuttu studienti, dicenu avè pigliatu cuscenza di a so cursitutine cun sta finale, cun tutte ste bandere corse in e tribune...
E cinque finale di Bastia

E cinque finale di Bastia



1978 : a cuppa d'Auropa

Ùn vale a pena di fà u resucontu di u parcorsu di Bastia in cuppa di l'UEFA, cunniscite a storia à mente. Papi, Rep, Orlanducci, Newcastle, i guanti rossi di Krimau in a neve di Turinu è Zurich.

Eppo a finale contr'à u PSV Eindhoven. Si ghjoca tandu in duie partite, andata in Furiani, ritornu in Olanda.

Ma accade chì di maghju, piovi à rivoccu nant'à a Corsica. A partita in Furiani ùn si pudia ghjucà. Ma l'UEFA, per via di u mundiale in Argentina chì principiava pocu dopu, ne hà decisu altrimenti. 0 à 0 in Furiani, disfatta 3 à 0 in Eindhoven.
E cinque finale di Bastia


A squadra à l'andata :
Hiard - Burkhard, Orlanducci, Guesdon, Cazes - Papi, Lacuesta (Félix 55u), Larios - Rep, Krimau, Mariot.

À u ritornu :
Hiard (Weller 75u) - Marchioni, Orlanducci, Guesdon, Cazes - Lacuesta, Larios, Papi - Rep, Krimau, Mariot (de Zerbi 58u).

Intr. : Pierre Cahuzac.


Maladettu mese di maghju.
E cinque finale di Bastia

E cinque finale di Bastia
Ghjucadori olandesi vestuti in ghjucadori di Bastia. Bah.

E cinque finale di Bastia

1981 : a vittoria

Eppuru, ci n'hè stata una. Sta volta hè a prima finale di u presidente novu, François Mitterrand. Bastia elimineghja à Caen, Auxerre, Monaco, nanzu di cascà cum'è un lonzu contr'à Martigues (D2) in quarti di finale. Surpresa, a disfatta hè secca : 3 à 0. Pè u ritornu i pruvenzali trovanu un Furiani infiaratu è perdenu 5 à 0 !

In mezafinale eccu torna u RC Lens, cum'è in u 1972. Ma di rivincita ùn ci ne serà. Doppia vittoria : 2 à 0 in Furiani, è 1 à 0 à Bollaert.

A finale hè contr'à u grande Saint-Etienne di Platini è d'Herbin, campioni di Francia. Ma à u Sporting ci hè un certu Roger Milla chì ghjoca è Louis Marcialis (rete à u 50u è 58u). U penalty di Jacques Santini ùn cambierà nunda. Vittoria 2 à 1, a cuppa hè corsa è Marchioni schjocca un basgiu à Mitterrand.

A squadra :
Hiard - Cazes, Marchioni, Orlanducci, Lacuesta - Desvignes, Marcialis, Fiard, Milla, Henry, Ihily
Intrenore : Antoine Redin

I detagli nant'à u parcorsu in cuppa : 1981 : a cuppa hè nostra !

E cinque finale di Bastia

E cinque finale di Bastia

E cinque finale di Bastia


1995 : a scruccunata

Per u so ritornu in D1, a stagione di Bastia ùn hè micca tranquilla. À principiu i turchini strazieghjanu, Léonce Lavagne, chì avia riesciutu a prova di fà cullà u club hè licenziatu, Furiani hè suspesu per a baruffa di Monaco di nuvembre...

Malgradu quessa, a squadra di Frédéric Antonetti ci la face à ghjunghje in finale di a cuppa di a lega, chì vene d'esse creata. Hà eliminatu à Amiens, Nantes in casa soia (cù a squadra "B", rete di Lalanne), Guingamp, Montpellier.

Per a finale si trova à ghjucà contr'à u PSG à u Parcu, in casa soia. Serà dunque a finale di a scruccunata. Laurent Casanova sorte feritu prestu, una rete d'Antò Drobjnak hè ricusata allora ch'ellu ùn c'era nunda.

Finisce cù una disfatta 2 à 0, è un azizume di quelli.

A squadra :
Valencony - Debu, Leclerc, Burnier, Santini - Casanova (Rool 17u), Faye, Ziani - Rodriguez (Camadini 82u), Drobnjak, Vandecasteele. Intr. : Antonetti.

Da leghje nant'à corsefootball.fr


E cinque finale di Bastia

2002 : i fischji è u fiascu

"Ils sifflent ? Je m'en vais". Chirac (chì sapia chì a Marseillaise saria fischjata) face a cummedia. Ùn ci serà micca macciu contr'à Lorient, chì purtantu fala in segonda divisione. A preparazione pessima di sta finale (lìtiche cun Nouzaret...) ferà di sta finale un grande appuntamentu mancatu.

Nanzu, c'eranu state l'eliminazione di Sochaux, Nancy, Libourne-Saint-Seurin è Sedan in mezafinale in Furiani.

A squadra :
Boumnijel - Uras, Soumah, Mendy, Deguerville (Dieuze, 53u), Jau, Nalis, Essien, Jeunechamp (capitanu) (Beneforti, 75u) - Vairelles, Prince Daye (Demetrius Ferreira, 87u). Intr. : Nouzaret.

U filmu di i fischji.

20.000 Corsi stumacati, è u principiu di i guai.


E cinque finale di Bastia

u 6 d'Aprile 2015



1.mandatu da U Pinu u 06/04/2015 14:06 (da un teleffuninu)
Si pò aggiuntà a Finale di a Cuppa Intertoto in 1997 (contr'à Halmstads) quandu Soumah ha marcatu in prulongazione è he surtitu ferritu di u terrenu

2.mandatu da allez bastia u 07/04/2015 22:41
hè tandu ch'ella cumminciò alzheimer pè u sgiò Chirac !!!

3.mandatu da nouzavechju u 07/04/2015 22:53
ah ah ! è per Nouzaret dinù.

Novu cumentu :