Accueil
Envoyer à un ami
Version imprimable
Partager

È corre u bettonu...

Ùn ci hè bisognu di u PADDUC per cuntinuvà a bettunizazione di u liturale corsu. Ange Santini ne face a prova in Calvi cù una sucetà di u Var.



È corre u bettonu...
Passatu u Padduc, mortu u perìculu di a bettunizazione di u liturale corsu ? Pensate...

U lobby di u bettonu ùn s'hè mai purtatu cusì bè è prugetti immubiliari sortenu in ogni locu.

"Les Rivages de Calvi", cunniscite ? U giurnale 24 Ore hà lanciatu a pulèmica ripigliendu una infurmazione data da Corsica Libera.

U prugettu immubiliare tamantu (97 appartamenti), à 200 metri da u mare, appartamenti "sur le sable" è piuttostu guffissimu : pare tuttu l'ospidale di Falcunaghja in u pinetu di Calvi.

A prova ch'ellu ùn ci hè bisognu di Padduc per custruisce da per tuttu è n'importa cumu. In stu prugettu calvese truvemu ancu una sucetà frestera, a Semexval chì ci vene da u... Var. E spiegazioni di u prumutore in 24 Ore un certu Joseph Rossi ci rassicureghjanu : "Je suis Corse, j’ai travaillé avec Pierre Pasquini". Semu salvi.

Per Calvi Altrimenti, e cose sò chjare : « Tout ça s’est fait à grands coups de publicité dans Paris-Match, Le Figaro, à l’aéroport de Nice, avec des textes en allemand et en anglais. Ce seront des résidences secondaires, dont quelques propriétaires seront certainement inscrits sur les listes électorales. Le prix du m2 s’échange entre 4 et 6 000 euros ».

Cuntinuvemu cusì...

u 14 d'Utrovi 2010
u webmaestru



1.mandatu da ghjuvan'marcu u 14/10/2010 10:46
L'affare sò in francese, a risposta d'i pulitichi hè stata "Assises du foncier"; ùn ci vole a stà pusati, alè, tutt'arritti ! U prossimu prughjettu imubiliaru sarà quellu di Natali, in u Borgu, anch'ellu vicin'à u mare e ind'un pinetu. Ch'aspettemu ?

2.mandatu da estrimei u 14/10/2010 11:02
"È corre u bettonu..." !!!
'mbè! ...
salva a lingua , salvatu u Populu.

3.mandatu da estrimei u 14/10/2010 11:11
o Ghjuva'me',
dici: " Ch'aspettemu ? "
eu aspettu chi u Populu corsu si discedi , chi so i s'affari.
tutti i ghjorni he puntatu appenna di piu fora di casa soia , e mentre ch'elli u puntanu , ellu sunieghja.
so un mi sbagliu , a l'ultime regiunale ,Santinì ha fattu tombulla in Calvi !
cunsigliu a quelli chi so interressati , d'andà nantu a pagina "recensement des subventions" di a cullettività

4.mandatu da orsucciu u 14/10/2010 12:21
+1 estrimei, si dici "l'astracu"...

Chì fà? ...


5.mandatu da spartacus u 14/10/2010 13:08
umbeh... mi stunava ch'ellu ùn ci fussi dui astuti per truvà qualcosa à dì nant'à u vucabulariu !

"ùn ci vole micca à dì cusì... ci vole à dì..." facia un pezzu ch'ellu ùn si lighjia più stu generu di cunnarie nant'à A Piazzetta !

EVVIVA U BETTONU

6.mandatu da MOA u 14/10/2010 13:48
ci vole da sappè chi in stu loccu c'eranu digia casacciè "rose bonbon" chi anu saltatu , e ci è vulzutu 10 anni pe caccia ste merde !! Pruvanu un altra volta !!


7.mandatu da orsucciu u 14/10/2010 13:53
Ah, scusami O spartacus, mi scurdaiu chì u vucabulariu era una cunnaria!

Sopratuttu chì 2 articuli nanzu, hè statu apertu un dibattitu nant'à i stroppii ind'i nomi di lochi...ma postu chì chjachjarà nant'à què ghjè fà prova di cunnaria, lachemi puru corra... 50 cummenti pà cunnarii, semi numarosi à essa astuti!


8.mandatu da orsucciu u 14/10/2010 13:57
Pà rivena nant'à u sughjettu, mi pari chì ssu prughjettu hè in baddu dipoi un pezzu, è dipoi l'iniziu, mi pari chì ùn ci hè nisùn dubitu nant'à l'aspettu spiculativu di 'ssu prughjettu.


9.mandatu da Avulpaccia u 14/10/2010 14:03
Truveranu sempre una raggione ò una pussibilita di fà ciò ch'elli volenu chì manghjanu tutti inseme ghje "a pulitichella " hé cusi. Dà pé tuttu. Una mana lava

E noi chì fà ò chì si pò fà?

Bisogna a plastica... Pè u mumentu.
É in tempu d'elezzione ferianu megliu di bé riflette.
Si criticheghjanu i naziunalisti mà s'ellu ùn c'eranu seriamu lecchi! Dapoii un pezzu!




10.mandatu da orsucciu u 14/10/2010 14:06
I Casacci rose bonbon, ci n'hè sempri in Algaghjola...quì dinò, una bona spedizioni estetica ci faria prò...

11.mandatu da anto u 14/10/2010 14:19
Site veramente cattive lingue ,Santini ha dettu ch'ell'éra alloghju sughjale ,allora perchè micca credelu ?

12.mandatu da marboeuf u 14/10/2010 14:43
Hà ragiò hè toia O Spartacus, per perde u so tempu incù u vucabulariu c'hè "Dite a vostra " anant'à RCFM...

13.mandatu da marboeuf u 14/10/2010 14:43
"a" ragiò

14.mandatu da Avulpaccia u 14/10/2010 16:03
Ae ci n'he ferebbe megliu di parlà megliu di chjodilla.
Forse ci sò chì cumentanu... E ancu assai.
Mà ci n'he chì ghjughjicheghjanu in furia isse ghjente..

Simu quì per dì u nostru pare micca per esse ghjughjicati dà certi, allora fate provà d'appena di maturita ind'è i vostri cummenti, trà unu chì face "i sparaggi" eppò un cumpagnu a "zuccarell"i qui va bè ...

U suciale Hé sempre una bella scusa cum'e altre..
Ma seranu sempre per listessi s'elli so fatti...

Aio, ùn sò micca ghjenti di spiritu, sò omi pulitichi ! U scopu sò i soldi, a specculazione..
Cume sempre ghjunghjendu di isse ghjenti custi!
"U guvernu hé fattu di serrature à chì troppu à chi micca é nata a legge nata a malizia"
Issi duii pruverbi serranu sempre d'attualità.

Eppò riflettite appena quantu volte si sente isse cacciate

Ohime povara noi!

15.mandatu da Balbuzard... u 14/10/2010 16:06
Facenu quessa perchè hà ponu fà senza paura nè timore.......si so ritenuti 20 ANNI avà si capianu..... ucpeghju hè di sente di chi una certa lotta ùn hè ghjuvata à nunda..tandu ùn era cusi.. è ancu i "corsi storti" si stavanu zitti.....

16.mandatu da jean pierre madère u 14/10/2010 16:30
hè quessu u più impressiunante. Santini dice : "ne vous inquiétez pas, on fait des logements sociaux, la ville en manque"

ma des "logements sociaux" cun publicità in u giurnale, in le figaro, in inglese è in alemanu.

ci piglianu forse appena per conni, ùn truvate micca?

17.mandatu da Muntagnolu u 14/10/2010 17:11
t'hai a ragio o orsù

18.mandatu da estrimei u 14/10/2010 17:52
forse ci'olenu i " logements sociaux" per accasà tutta sta ghjente impieggata pe a staggione , e chi , ghjuntu settembre , si ne voltanu in casa soia ?

19.mandatu da per ride u 14/10/2010 18:20
Ùn capiscu micca tutti sti mughji è brioni.

U tarrenu sò corsi chì l'anu vindutu: sò soldi pà i corsi.

U prumutore hè corsu di a diaspora: sò dinò soldi pà i corsi.

L'eletti sò corsi: sò sempre soldi pà i corsi.

Sò soldi, è po soldi, è po soldi PÀ I CORSI. È tandu quì ghjè a pedica? Ch'elli sianu stranieri i clienti? À sti prezzi ùn ci hè periculu ch'elli sianu corsi, nò?

È pà finisce, s'elli erani alloghji suciali tandu parechji si sarianu lagnati ch'elli eranu : arabi, zingari, povari, andaciani...i clienti, nò?

A spessu parechji ci mettenu à paragone cù l'abrei (massada, diaspora, lege di u ritornu, lampà fora i stranieri...), par piglià u listessu versu forse ci tuccarà à fà UN MURU DI I LAMENTI NUSTRALE.
A ci femu un'operata???

20.mandatu da nuit bleue u 14/10/2010 19:26
O per ride U MURU DI I LAMENTI NUSTRALE si chjama A Piazzetta !!!!!!!!!!!!!!!!!!!!!

21.mandatu da Balbuzard... u 14/10/2010 19:33
mà st'appartamentu o per ride ùn so pè i corsi, è so custruitti pè ghjente chi ùn so corsi è chi piglianu soldi qui è chi campanu qui !!


22.mandatu da GHJACUMU MES-RINE u 15/10/2010 09:37
IE MA EDDU E CORSU E LASCHIEMI FA !

EDDU , A U DIRITTU ... E NOI UN N AVEMU MICCHA U CURRAGGIU DI FA A EDDU A LISTESSA COSA CHI I STRAGNERI .....

TRA CORSEU S ARRAGNEMI SEMPRI ... E PAS QUISSU CHI A CORSA S ARRAGNA MICCHA !!

23.mandatu da per ride u 15/10/2010 19:13
TRA CORSEU S ARRAGNEMI SEMPRI ... E PAS QUISSU CHI A CORSA S ARRAGNA MICCHA !! GHJACUMU MES-RINE hà dettu


"Si ghjudicheghja è si cundanna cù l'apparenzi.
Stravesti cusì a VERITÀ è l'ingannu s'arregna l'universu"
RINATU COTI
"Una Spasimata" (1985)

U Ragnu ingordu tesse a so tilatica, a so ragnata, è quandu saremu TUTTI pigliati in la so reta, tandu ci magnarà vivi vivi, suchjendu è surpendu tuttu u nostru sangue, lascendu solu un inviluppu biotu è seccu.

Andate à cumprà à NEOCIDE , cù NEOCIDE stirpate i ragni gattivi è ingordi !

20% di scontu s'è vo u cumprate cù A PIAZZETTA in manu.

24.mandatu da Avulpaccia u 15/10/2010 20:21
Va chì nunda Hè fattu ancu i calvesi ùn sò cuntenti...
Perchè ùn sò tanti stati infurmati, eppò ancù s'hè u tippu face travaglià intraprese corse ...
Eppò soldi soldi mà micca per i Corsi per e stacche du Rossi é l'altri chì sò daretu.. U peghju hè statu a cacciata di Rossi Che s'hè ùn si face u prughjettu será.
" A Calvi, dunque ancu à i Calvesi, di rimburzà ciò ch'ellu hà persu" ghje ùn colpu di viziu infernale.
Chì scruccuneria cume sempre .
Ùn n'he parlemu fora di a rivolta, e di a viulenza si pò fà nunda .
Ghjunghjera ancu què.

25.mandatu da ghjuvan'marcu u 16/10/2010 16:02
@ Estrimei, Orsucciu e Spartacus,
Un vi liticate micca, a u webmaestru li piace assai ghjucà 'ncu e parolle; vole fà u ligame trà i prughjetti imubiliari e i soldi: scribe "e corre u betonu" in piazza di "e corre l'àstracu" perche si face subitu a traduzione "le béton court", cum'è Liliane a banchiera di l'UMP. CCSVAD (CQFD in Corsu) !

26.mandatu da estrimei u 16/10/2010 20:17
o Ghjuva'ma' ,
un letecu micca , lasciu dà a ognunu u so parè - he so chi primureghja 'nu i cuntrasti -.


ancu si , a dillà franca , di fammi tratta di " conu " , un mi gherba tantu.

27.mandatu da Serra Stefanu u 17/10/2010 17:56
L'infurmazione era stata data a u giurnale 24 Ore da Calvi Altrimente, u gruppu d'uppusizione calvese, e micca da Corsica Libera... Un azzione hé privista per u principiu di nuvembre cu tutte e forze pulitiche chi ci vuleranu esseci per lutta contru a stu prugettu e dumanda

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta