Accueil
Envoyer à un ami
Version imprimable
Partager

E facce di i nostri eletti nant'à i battelli di a SNCM ?

Hè a prima azzione di u novu "guvernu Giacobbi". Cum'è a Moby cù e facce di toons, a SNCM hà da mette e facce di i nostri eletti nant'à i so battelli.



E facce di i nostri eletti nant'à i battelli di a SNCM ?
Paul Giacobbi l'avia detta durante a so campagna, i trasporti seranu un puntellu maiò di a so azzione à u capu di a CTC. Hà tenutu parolla.

Ùn si sà si l'idea vene da quelli chì Corse-Matin chjama "les hommes du président ", i spin doctors di l'ombra Mimi Viola è Dumè Domarchi, o s'ella vene da u novu capimachja di l'Offiziu di i trasporti, Paul-Marie Bartoli.

L'idea hè orìginale hè marca bè. Cum'è a Moby Lines è i so battelli cù e tronsce di Daffy Duck è Bugs Bunny, avà a SNCM duverà mette e facce di i toons di a CTC.

Hè cusì, senza ritratti nant'à i battelli, ùn ci serà più suvvenzione di a famosa "continuité territoriale". Alain Mosconi è u puverettu di Jean-Paul Israël ùn anu ancu decisu si i marinari devenu fà greva contr'à quessa.

U mutivu avanzatu da a CTC hè chì cusì i battelli seranu più faciule à ricunnosce. Hè vera, imaginate l'effettu ch'elle ponu avè e chigne di Paul Giacobbi, Emile è Jean-Jean Zuccarelli, Marcel Francisci, Balthazar Federici o Dumè Bucchini nant'à i battelli.

"Tè, avà ghjunghje Giacobbi."
"Alè, Zuccarelli hè in ritardu !"
"Quant'ellu ne ghjunghje pumataghji è camping-car, stu Talamoni !"
"Ange Santini hè in greva, hè sempre bluccatu da a CGT in Marseglia."

è di siguru "Rocca Serra s'hè sprufundatu".

E facce di i nostri eletti nant'à i battelli di a SNCM ?

l'11 di Maghju 2010
U Sgaiuffu



1.mandatu da ghjuvan'marcu u 11/05/2010 10:09
In francese, si dice "figure de proue", eiu dicu "figure de prout"; in corsu diceremu "faccia di currighja" pè certi... chi naviganu sempre in acqua torbida. Un ci vole micca metteli nant'à i battelli di a SNCM ma mandali in galera chi t'anu l'abitudine di ramà pè piglià e dicizione... o di fà ramà a povera ghjente.

2.mandatu da estrimei u 11/05/2010 11:00
d'accunsentu a 100% 'ncu Ghjuva'Marcu

3.mandatu da Bobò di Bastia.. u 11/05/2010 11:06
Ci si vole à mette allora a Fiure di Stu Nazone traditore di J-C Angelini, ellu apre a bocca cume u Batellu pè manghjassi u naziunalisimu, e Gilles in darettu pè fà pinzutti a stalassi qui pè fali vutà per elli, eccu u veru periculu ellu so pè i battelli....

4.mandatu da Titanic "ta mère" u 11/05/2010 11:15
Perchè solu i nostri eletti, e Rachida Dati e Rama Yad un so francesi cume noi altri (forse di menu ..) invece di ride di i nistri eletti chi certu ùn valenu tantu, e megliu di ride di cio chi a francia averà di peghju, a basterdizazzioni di a suciètà.....

5.mandatu da ventu in pòppa u 11/05/2010 13:31
E un batellu incu a faccia di Olivier Sauli, omancu quessu ghjunghjerebbe viotu.

6.mandatu da machja u 11/05/2010 14:13
A me mi piaceria piu di vede u visu e u restu, di Laetitia Casta, entre in lu portu d'Ajacciu o di Bastia,e vede u versu quand'ellu sorte!!

7.mandatu da estrimei u 11/05/2010 15:20
è di siguru "Rocca Serra s'hè sprufundatu".
u conte di Cala Purcina he appughjatu a bonne culonne: quand'omu he deputati d'eree in purree un si pate a fame!

8.mandatu da NGV..... u 11/05/2010 17:18
Mà u batellu à "Vela o à Vapore" ùn si sà ne pè Fanfan a "Betonnière" di Furiani o pè "Simon" u Travestutu...aiaccinu...!! Elli si chi s'aprerebbinu...

9.mandatu da ARC u 11/05/2010 17:50
I batelli so un nostru casticu, menu ci nè sarà megliu ci senteremu.....Un Isula deve esse isulata, solu i Batelli pè noi altri pè andà à girà u mondu mà micca pè fà ghjunghje roba culuniale.................

10.mandatu da ghjuvan'marcu u 11/05/2010 18:45
O Bobbò di Bastia,
U battellu cu a faccia di Nasone esiste dighja, viaghja a veolia e a vapore ; si chjama « Passa portu ». Ma s’è arrinatu e ava t’ha qualchi squarcini nant’ u so fasciame.
Aghju pigliatu una foto, fighjatela nant'à u mo blogu.

O Machja,
Preferiscu da u nome di Letizia a un portu ; Qual'è chi vole fà a navetta?

11.mandatu da capitan'Accabu u 11/05/2010 19:36
E comu si chjama u batteddu chi c'à da arricà i cicculati pà Natali: Anna Maria!

12.mandatu da Uscemarellu.... u 11/05/2010 20:42
Mà tutte ste nave e batelli ripresantanu una certa Corsica, a parè meiu, so peghju che l'Exxon Valdez o l'Erika .....

13.mandatu da PEPITO u 11/05/2010 22:17
"USS Corsica"...dicianu l'americani...

14.mandatu da Acqualacciu u 11/05/2010 23:18
A faccia di Zuccarelli nant'à u Pascal Paoli, à più bella !

15.mandatu da Corsicana bad boy u 11/05/2010 23:24
nurmali, ci portani aghjà in batteddu...

l'idea hè da ripiddà nantu à i treni, l'avviò, è po dopu i vitturi, i paeò, i tuvaddoli di bagnu, ...

Tandu u sunniacciu sarà cusì insuppurtevuli ch'è no i lamparemi tutti in mari!

16.mandatu da jean-phi u 12/05/2010 10:29
Torna l'avviò sò i "parent pauvre" di a cullettività
a CCM dinù vole i so avviò cù e face di i nostri eletti!!!

Vulimu i nuvelli AIRBUS è ATR pinti di a listessa manera

17.mandatu da PEPITO u 12/05/2010 17:58
A faccia di B Federicci starebbe propiu megliu nant'à u "Portu-Aviò" o una "Frégata"....no ?? Chi nè pinsate..???

18.mandatu da Maremossu u 12/05/2010 18:08
E quellu di a "Croisière s"amuse" incu e faccie di u "Bellu Alanu" e di u so amicu GilbertCOPTER Casanova....

19.mandatu da croce u 12/05/2010 20:00
in daretu di i battelli ci vuleranu facce di culu, ci vole à sceglie,

20.mandatu da ARC u 12/05/2010 21:02
@ Croce, hè megliu a mette quelli à quale piace mostrà u so culu...i finocchji cume Fanfan, o Paulemploi mi parenu esse belli esempii...

21.mandatu da ARC u 13/05/2010 08:41
Chi ne pinsane di un batellu incu a Faccia di "A Nivaggioni"...........

22.mandatu da ARC u 13/05/2010 10:21
* Pinsate, scusate mà di matina....

23.mandatu da AFP u 14/05/2010 21:08
E un batellu a vapore incu a faciaccia di JG Poletti .... pè fà paura a i zitelli chi ùn manghjanu a so zuppa....

24.mandatu da tinelu u 16/05/2010 08:43
Eu riconoscu a faccia di TAZ

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta