Accueil
Envoyer à un ami
Version imprimable
Partager

E mezefinale di Bastia

Contr'à Monaco, u Sporting ghjucherà a so ottesima mezafinale di cuppa "naziunale" (di Francia o di a Lega). N'hà vintu quattru è persu trè.



1972 : contr'à Lens (vinta)

Tandu e partite di cuppa si ghjocanu in dui scontri, andata è ritornu. Bastia batte à Lens 3 à 0 in Furiani (rete di Dogliani, Félix è Giordani). Ma u ritornu à Lens serà caldu è ci seranu incidenti.

U presidente di Lens, Gervais Martel, si ne vanta sempre oghje :

« À l'époque, j'étais en "première" comme simple spectateur (...) la pelouse de Bollaert, c'était un vrai volcan. J'ai l'impression qu'elle a fumé pendant tout le match. Il y avait des pétards partout. Pour l'anecdote, le chauffeur du maire avait amené une fausse mallette de soins remplis de fumigènes et autres engins explosifs. Pantelic (le gardien corse) devait sauter pour éviter d'être brûlé ! Et à 2-0 pour nous, Jean-Marie Elie eut une balle de 3-0... »

A notte era stata corta. Scrive La Voix du Nord

« On ajoutera que pendant la nuit précédant le match, la délégation bastiaise avait dû changer précipitamment d'hôtel car, sous ses fenêtres, des Lensois remontés roulaient des tonneaux sur le pavé. Ne le dites à personne mais Gervais Martel était de ceux-là ! »

In fine di contu, u Racing vince 2 à 0 ma Bastia hè qualificatu per a finale, chì serà persa contr'à l'OM.

E mezefinale di Bastia

1975 : contr'à St Etienne (persa)

Sta volta a mezafinale si ghjoca in un giru solu, nant'à u terrenu neutru di u Parcu di i Principi. Bastia tene un'ora, è finisce per incascià duie rete.

Risultate finale 2-0.


1981 : contr'à Lens (vinta)

Cum'è guasi dece anni nanzu, u Sporting trova à u Racing Club de Lens nant'à a so strada in mezafinale di a cuppa di Francia. Bastia vince di manera stretta à l'andata (2 à 1, rete di Jean-Louis Cazes è Roger Milla).

I Nurdisti prumettenu l'infernu à i Corsi à u ritornu chì tenenu à a so rivincita. Ma davant'à 40.000 spettatori, in fine di contu hè Bastia chì vince (1 à 0, rete di Louis Marcialis).

Cunniscite a seguita : una prima vittoria in finale, contr'à Saint-Etienne.


E mezefinale di Bastia

1982 : St-Etienne (persa)

A mezafinale si ghjoca in una sola partita, in Parigi. À u Parcu i verdi volenu a so rivincita è vincenu 2 à 0.

1995 contr'à Montpellier (vinta)

A LFP hà inventatu una cumpetizione nova, a Cuppa di Lega. Per a so prima edizione, Bastia (chì hè prumossu in L1) ghjunghje in finale. Nant'à a so strada trova à Montpellier.

Vittoria in Furiani 3 à 1 (Bruno Rodriguez, Franck Burnier, Antò Drobnjak).

A seguita hè più classica : una finale contr'à u PSG, nant'à u terrenu neutru di Parigi. Finale amara è arrubata è disfatta 2 à 0.


2000 : contr'à u PSG (persa)

5 anni dopu, Bastia s'alza in mezafinale dop'à una partita storica in quarti di finale contr'à l'OL (vittoria epica à Gerland). Ma tira u PSG in casa soia in mezafinale.

Disfatta orribile 4 à 2 (ancu Madar ne marcherà unu...). Tuttu què per perde in finale contr'à Gueugnon.

Almenu, ci ferma què :



2002 : contr'à Sedan (vinta)

10 anni dop'à a catastrofa di Furiani, Bastia ritrova una mezafinale di cuppa di Francia in casa soia. L'emozione hè cusì grande chì u publicu face di manera spuntanea... un minutu di silenziu chì ùn era micca previstu.

Christian Jeanpierre è Francis Lalanne sò quì per TF1.

Pè u Sporting ci hè Boumnijel, Uras, Lambourde, Soumah, Vanney, Nalis, Jau, Manso, Essien, Prince è Tony Vairelles.

Bastia vince 1 à 0 (penalty di Tony Vairelles). Robert Nouzaret riesce una prova di ghjunghje in finale à u SDF.

Cunniscite a seguita di a storia : Marseillaise fischata in finale, cummedia di Chirac, macciacciu, disfatta contr'à Lorient (chì fala in L2...) è suppa di musu.

E mezefinale di Bastia


u 4 di Farraghju 2015
U Webmaestru



1.mandatu da 8clos u 04/02/2015 19:59
in u 72, lens ha dovutu giucà a "huis clos" ???

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta