Accueil
Envoyer à un ami
Version imprimable
Partager

E newtizie à l'accorta



E newtizie à l'accorta
Ghjustizia per Florence Cassez
Florence Cassez, una francese cundannata à 96 (!) anni di prigiò à u Messicu per kidnapping mubilizeghja l'opinione nant'à a so sorte. Da a prigiò di Mexico, cuntinuveghja di mughjà ch'ella hè nucente è dumanda chì ghjustizia sia fatta... Ùn vi ramenta nunda ? Nicolas Sarkozy vene à u so succorsu è n'hà da parlà à u presidente messicanu. Carla Bruni hà da dumandà di visitalla in prigiò. Sarko dumandà "une justice équitable", l'averemu tutte viste. Segondu ch'è vo siate di Carghjese o di Parigi...

Froda : Miss France dinù !
S'è vo aviate vutatu per sms à l'ultima elezzione di Miss France, trippa per voi ! S'hè amparatu chì i 500.000 sms di u publicu ùn anu ghjuvatu à nunda, l'elezzione hè stata trafficata ! In i voti di i telespettatori, a Miss France hè ghjunta in terza pusizione sola. Chì Geneviève de Fontenay venga à dacci lezzioni nant'à l'usu corsu di l'elezzioni, avà !

United colors of cunnerie
Dopu à i gàmbari turchini, u cane verde, eccu ch'ellu s'hè trovu un delfinu rusinu. À parte quessa, a natura si porta bè, tuttu hè normale. Merci.

L'armata di l'ombra di l'Enfoirati
L'ultima canzona di Les Enfoirés ch'ellu si sente da per tuttu "Ici les enfoirés " risica di pone prublema. Dicenu cusì e parolle "Ici les Enfoirés, rejoins notre armée". Passemu nant'à st'armata di ribattò, cun Franck Ribery, Sébastien Chabal, Mimi Mathy, Pascal Obispo è Pierre Palmade. Quelli chì feranu una versione in corsu piglieranu u risicu d'avè i prublemi di a DNAT : "Raghjunghji a nostra armata"... Pesta ! Mancu L'Arcusgi ùn l'avianu cantata quessa !

Michael Jackson di ritornu !
Hè Halloween in avanzu : Michael Jackson hà da fà u so grande ritornu. 10 cuncerti sò previsti in fatti per... pagà e so debite. Postu ch'è no ci semu, un cuncertu in più pè salvà u PEI dinù, nò ?

u 9 di Marzu 2009
u webmaestru



1.mandatu da Rumanu Colonna u 09/03/2009 15:43
Dui ghjorni à u prucessu d’Yvan Colonna o quandi una ghjustizia incridibule hè à palesu !!!

Ghjovi è Venari u 5 è u 6 di marzu :
Vurria in calchì parolla pailsà l’ambiu di u prucessu, ancu puru s’è unipoche di ligne ùn bastanu à traduce tutte e sviate di ssu tiatru induva ella hè in ballu a vita di un omu. Aldilà di u sustegnu simplice è sinceru ch’e pudaria purtà à Yvan è a so famiglia, vogliu quì tene mi solu à i fatti stalvati à u prucessu. A v’assigurgu hè dolce Antoine Sollacaro cù u prisidente.
U rolu di u prisidente di a corte : hè stata detta parechje volte da tutti quelli à capu di a Ghjustizia ma ci tocca à ramintà la torna una volta :
- hè quì u prisidente pà avvià u dibattitu, pà chjarisce l’accuse, hè detta ! Ma dinò pà astradà i punti à scariga di l’accusatu. È ciò chì stupisce subbitu hè chì quessa a funzione ssu prisidente a s’hà lasciata in casa, postu ch’ellu và solu in lu sensu di l’accuse. Hè incridibule, ci vole à vede la pà crede ci !
Ùn si vede alcuna diffarenza trà u prisidente, l’accusazione è l’avucati ginarali. A sinsibilità hè a listessa, u discorsu hè u listessu, u disprezzu hè u listessu. 3 in 1, mancu male !
- hè quì dinò u prisidente pà fà rispittà l’intarazzione trà e partite, da schisà l’insulte, chì a ghjente si parli cù e regule, ecc… :
Hè in traccia di passà Michèle Alessandri, a difesa li face calchì dumanda. In sottu sottu Chabert lampa un gravissimu « ça serait terrible pour elle de dire la vérité » chì a difesa sente. Li dumandanu subbitu di ripete è di parlà à voce alta cum’ellu hè l’usu. Colla a prissione, crescenu e voce, Yvan s’arrizza in la so gabbia è dumanda torna ellu à Chabert di ripete.
Riazzione di u prisidente : u solu affare chì l’intaressa hè di rifà pusà à Yvan « M. Colonna, rasseyez-vous ! ». Mancu un rimprovaru à Chabert, mancu una rimessa à l’ordine, cum’è s’è nulla fussi…

Hè in traccia di passà J. Versini : à a fine piglia a parolla Yvan Colonna pà fà li una dumanda. Sò bastate 10 o 15 sigonde da chì u prisidente dicessi à Yvan chì parlava « il faut poser votre question M. Colonna, vous devez posez une question » quand’ellu lascia l’altre partite sprime si ore è ore…
L’avucatu Garbarini intarrugheghja u tistimoniu, insiste è quì subbitu dice Wacogne « le témoin a répondu à la question Maître » da ch’ellu pianti Garbarini. Listessu casu pà e partite civile à pena dopu, chì face u prisidente di u tribunale : nulla ! Garbarini a li face rimarcà !
Hè in traccia di passà Maranelli, parla à un mumentu datu di Pitrusella è sottu intesu di l’affare Erignac ma u prisidente duranti una mezora a si piglia cù a difesa pà fà li capisce chì i dui affari di Pitrusella è d’Erignac sò diffarenti. Una stonda dopu u listessu prisidente in u casu cuntrariu hè quì à dì « allez allez passons les deux affaires sont sensiblement liées… ». Face ride una parte di a sala !
Hè in traccia di passà Didier Maranelli : a difesa chere unipoche d’infurmazione in più da a so parte nantu à pussibilità ch’ella ci sia più ghjente cà sette. Stonda impurtantissima di u prucessu, u tribunale hè colmu di tinsione, u silenziu in la sala s’allonga, hè trimendu ssu silenziu. Invece di lascia lu sfilà da ch’ellu possi risponde u tistimoniu, chì face u prisidente ? Anticipendu a risposta di Maranelli, u si taglia, cum’è pà schisà calchì risposta chì scumudaria. « alors Mr vous pouvez répondre ou pas ?! » dice quellu.
Hè in traccia di passà Alain Ferrandi. U triò prisidente-partite civile-avucati ginarali hà compiu e so dumande, tandu vole piglià a parolla Yvan. Subbitu l’intarrompe u prisidente, dicendu li ch’ella tocca à a so difesa à sprime si prima à ellu, salvu s’è i so avucati sò d’accunsenti pà lascià lu parlà nanzu à elli. Ma ancu di grazia ch’elli eranu d’accunsenti i so avucati pà lascià lu parlà ! In più ùn avianu fattu alcunu segnu di cuntistazione chì pudia mustrà ch’elli ùn vulianu ch’ellu parlessi Colonna.
Alain Ferrandi hè pà finì e so dichjarazione è à dì ch’elli eranu di più numarosi cà ciò ch’elli avianu dettu sinu à avà quandi in sottu sottu l’avucata arabiata di i dui giandarmi minacciati di Pitrusella lampa à Ferrandi « il est bien mûr maitenant ». Tandu Ferrandi si adirizza à u prisidente pà fà zittà l’avucata, ch’ella pianti l’insulte è e pruvucazione. Chì risponde u prisidente ? Nulla ! Ghjè u publicu chì cumencia à appughjà e pruteste d’Alain Ferrandi è tandu chì face u prisidente ? Minaccia d’evacuà a sala !
U fiorfiore di a ghjurnata !
Hè sempre quistiunnatu Alain Ferrandi da a difesa quand’ellu cappia ch’elli eranu di più in u « gruppu » è in « i fatti ». Tandu a difesa dumanda à u prisidente di fà attà ciò ch’ellu hà dettu Ferrandi. È quì u fiorfiore di a so imparzialità, chì face u prisidente ? Ricusa di attà sottu à u prestestu ch’ellu ùn hà micca intesu da Alain Ferrandi u fattu di dì ch’elli eranu più numarosi dinò in li fatti. Subbitu a sala cumencia à riagì contru u prisidente è ancu Alain Ferrandi s’inzerga pà dì ch’ellu l’hà detta ! Di pettu à e pruteste u prisidente cuntinueghja à ricusà dicendu ch’ellu ùn hà micca intesu. Incridibule !!!

Eccu dui ghjorni à u prucessu d’Yvan Colonna ! ! ! INCRIDIBULE !
Curagiu à Yvan è curagiu à l’avucati dinò !

2.mandatu da a bistecca u 09/03/2009 16:59
stà zittu o bistuca

3.mandatu da altore u 09/03/2009 18:43
à quandu una mossa populare in cherrughju pè dumandà a libertà o omancu un prucessu nurmale pè Yvan?

4.mandatu da henry smart u 09/03/2009 19:02
Sò d'accunsentu cù tè altore. Ci vole à falà in carrughju per dumandà chì a ghjustizia sia "ghjusta" chì un ghjornu o l'altru stu fascisimu ci tuccherà à tutti.

5.mandatu da prisuttu u 10/03/2009 19:32
iè ! ci vole ch'è no mostrimu u nostru sustegnu à Yvan.

allora, à quandu ???

6.mandatu da altore u 10/03/2009 22:39
u 21 di marzu mi si pare. in aiacciu... ci vole una mossa grossa. ci vole à mustrà chì u populu ùn si lascierà micca scherpighjà senza reagisce...

7.mandatu da fucile u 11/03/2009 11:20

8.mandatu da fucile u 11/03/2009 11:21

9.mandatu da ghjustizia! u 11/03/2009 15:15
PAS DE RECONSTITUTION !!!!

La cour d'assises spéciale de Paris, qui rejuge Yvan Colonna pour l'assassinat du préfet de Corse Claude Erignac en 1998 à Ajaccio, a rejeté aujourd'hui une nouvelle demande de reconstitution sur les lieux du crime qu'avait déposée mardi la défense.

10.mandatu da C.BARBIER u 13/03/2009 11:47
VIVE LA FRANCE VIVE LA REPUBLIQUE VIVE LE PAYS DES DROITS DE L'HOMME

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta