Accueil
Envoyer à un ami
Version imprimable
Partager

E newtizie settimanale



E newtizie settimanale
Luni
Chì tanti PADDUC è G20! Mentre u mondu sanu si vultulieghja per rilancià l'ecunumia, i Dii di a natura si sò dati di rimenu per aiutà a Corsica.Dopu parechji ghjorni di timpesta è 15 milioni d'€ di disguasti, nasce un veru prugettu ecunomicu per a Corsica. Rifà strade, moli, argine... Chì fà? Ci vole à riparà!

Marti
Picci è imbrogli in l'affare Filippis di u giurnale Libération. A stampa è i pulitichi s'interrugheghjanu nant'à u biotu ghjuridicu di i cummenti di l'internotti. Ancu di grazia, bioti, in e prigiò, ùn ci n'hè ancu.

Mercuri
Vittoria di u STC à l'elezzione prudumale. Fair-play o falsa è stumacata, a CGT si dice quantunque cuntenta di u risultatu!

Sparisce u cartulare Clavier à u Tribunale d'Aiacciu. Misteriosu, u Prucuratore, ghjucatu à a risa st'ultimi mesi, dice avè un idea, micca nant'à l'identità di u ladrone, ma u prufittu arrecatu da l'arrubbecciu!

Rachida Channel Dati annunzia chì l'incarcerazione di i zitelli di 12 anni rileva di u "bon sens". Per contu nostru, u "bon sens", sarebbe ch'ella pianti di ghjucà si la à l'astuta è ch'ella lasci a Piazza Vendôme à d'altri... A ghjustizia hà bisognu di ghjudiziu, e narpie è e zucche, di regula, si mettenu ind'a suppa.

Ghjovi
A ghjustizia s'appronta à scusà si per tamantu cumbugliu fattu in l'affare di u Creditu Agricolu. Finalamente, u solu tippu cundannatu per via di a pulitica "mani pulite", ghjè Bernardu Bonnet...

Venneri
Derby SCB-ACA. Vince u Sporting in un set : 6-2. In un listessu tempu, timpesta di neve. Ci serà una leia trà i dui ?

Sabbatu
Chì tanti Star'Ac è Koh Lanta. Hè l'elezzione di Miss France u più vechju scumpientu di a televisiò. Finalmente, a menu goffa pare esse Geneviève de Fontenay. Ci hè un prublema, nò ?

È u peghju, hè chì ancu voi l'avete fidighjata nant'à TF1.

Dumenica
I barbouze plasticheghjanu un scogliu sott'à Vizzavona per impuzzichisce a fiera di Bucugnà. Circulazione bluccata trà Bastia è Aiacciu. Finalmente, a fiera serà un successu quantunque... cum'è sempre !

u 9 di Dicembre 2008
u webmaestru


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta