Accueil
Envoyer à un ami
Version imprimable
Partager

E nutizie à l'accorta



E nutizie à l'accorta
U mostru di u Loch Ness svedese filmatu
Hè ciò ch'elli ci volenu fà crede : in Svezia, un mostru hè statu filmatu in un lagu. A videò di u mostru circuleghja nant'à internet. Ma s'ampara chì u scopu di mette e camerà in u lagu hè di prumove u turisimu è u cummerciu... È pè quellu di Calacuccia per quandu hè ?

Darcos : "Je veux rendre les bacheliers bilingues"... Casca bè, ancu noi !
U ministru di l'Educazione Naziunale l'hà detta à 20 minutes. Infine una bona nutizia ! Ma bon, ellu parlava di l'inglese è micca di u corsu....

Foot Transfert pè i prefetti...
U mercatu d'estate ùn esiste micca ch'è nù u futbol, a saperanu ancu i prefetti. Si ne và u còmicu Christian Leyrit mentre ch'ellu ghjunghje Stéphane Bouillon. Nunda ch'è à u nome, cummencia male.

...Ma micca à u Sporting
U "mercatò" hè chjosu è u Sporting ùn hà pigliatu à nimu. Bah, cum'è sempre i turchini ci feranu crede ch'elli ponu cullà in prima divisione, è cum'è sempre si sprufunderanu in l'ultime ghjurnate.

Camillù s'annerba
L'occupazione di a casa di Clavier à Punta di L'Oru (prupietà di u camellu...) ùn hè micca piaciuta à "CdRS". A dice nant'à u so blog : « Ne pas respecter le débat, revient à rejeter la démocratie »... Iè, ma hè ellu chì hà cumminciatu ! Face 500 anni chì ellu è a so famiglia ùn hà rispettanu micca, a demucrazia !

Orrore : Roselyne Bachelot in "crocs"
Sempre più forte u guvernu di Sarkò : Roselyne Bachelot hè venuta à un cunsigliu di i ministri in "crocs", sapete st'orribili scarpi in plasticu. A videò spaventosa hè da vede quì. À quandu Ange Santini in espadrilles ?

u 4 di Sittembre 2008
u webmaestru



1.mandatu da Antò u 04/09/2008 11:14
U peghju hè chì a ghjente cume Camille de Rocca Serra credenu difende à demucrazia. Deve cunfunde cù a Sarkocrazia... Quand''in una sucetà ùn c'hè manera di fà si sente perchè tutt'e porte sò chjove, ci vole bè à fà qualcosa per sprimassi è difende e so idee.
E pò, quandu à 3 ore di mattina sbarcanu 10 giandarmi in casa per arrestà un babbu cù forza davant'à u so figliolu è a so moglia, per mandàlu in pariggi ind'è una sezzione anti-terrurista. Induve sò i rispetti di i diritti di l'omi è u rispettu di a vita privata ?
Mi pare che Chirstian Clavier ùn s'hè micca fattu minà è che l'ùn c'hè statu nisunu di rottu ind'à so casa tamanta cù piscina, servitore...

O Corsi apri l'ochji, quelli chì difendenu u più i to interesti sò quelli chì sò clanisti è chì vendenu a Corsica o quelli ch'impediscenu à i ricchi stranieri di custruì ind'è à to Terra ?

2.mandatu da Black Block u 04/09/2008 14:58
Ùn capiscu micca induv'eti missu l'articulu di stamani ?
Era abbastanza raprisentativu di ciò chi pò sbuttà dà qualchi zucchini, oghji.
Si parlàva qui, di gnôle...di terre des bergers ò d'altri tuntii simuli ..... à chi n'hè allora ?
Podassi par dumani ?

Novu cumentu :