Accueil
Envoyer à un ami
Version imprimable
Partager

E più belle scuse per ùn andà à travaglià

Un situ hà dumandatu à 800 patroni chì eranu e peghju scuse di i so impiegati per ùn andà à travaglià.



E più belle scuse per ùn andà à travaglià
Certi ghjorni ci vole à avè una grande imaginazione per ùn avè à andà à travaglià. Hè ancu un sport naziunale.

U situ Career Builder hà fattu a so inchiesta nant'à e scuse di quelli chì ùn si volenu micca arrizzà a matina.

Ma fate pianu, 10% di i patroni dicenu ch'elli anu digià licenziatu i so impiegati chì anu truvatu una scusa troppu goffa.

Attenzione dinù à e scuse chì voltanu troppu spessu. Per esempiu, circate d'ùn interrà micca a vostra mammone dece volte in l'annata...

Eccu e scuse e più strane chì sò digià state avanzate. Sò tutte vere :

  • Ùn possu micca vene chì mi sò bluccatu u pede in u cabinettu
  • Sta mane m'anu lampatu un nànnulu di giardinu pè a finestra
  • Ùn vengu micca chì mi sò fattu male à l'anca currendu appressu à u mo cane chì vulia attaccà un cunigliulu
  • Ùn possu micca vene, mi tocca à purtà à a mo mamma à fà e cummissioni

À i Stati Uniti, ùn sò micca male non più :

  • Ùn possu micca vene chì una ghjallina hà attaccatu a mo mamma
  • Mi sò bluccatu un ditu in una balla di bowling
  • Ùn possu micca vene chì oghje ùn sò micca intelligente
  • Oghje ùn vengu micca à travaglià chì aghju una vacca chì hè entrata in casa

Ma u peghju hè forse l'impiegatu chì hà chjamatu u so patrone à 5 ore di matina in un bar per dì ch'ellu era malatu...

È voi, chì sò e peghju scuse ch'è vo avete truvatu o intesu per ùn andà à travaglià ?

u 23 di Ghjugnu 2011
U Webmaestru



1.mandatu da Vinz di Casalta u 23/06/2011 09:12
"Un possu micca vene, oghje apru u mò magazinu pè a stagione"...

2.mandatu da ANTO u 23/06/2011 11:21
.....aghju a cagarella !

3.mandatu da estrimei u 23/06/2011 12:50
he megliu a stassine in casa chi in tantu e facenu tutte per intusichisceci !
http://www.arialinda-asso.com/index.php/2011/06/23/696-vazzio-un-nouvel-arrete
://


4.mandatu da spinserata u 23/06/2011 14:05
so briaca, ùn capiscu più nunda.....

5.mandatu da J-G u Bozinchu u 23/06/2011 14:05
U ghjaddu ùn hà cantatu sta mane !

6.mandatu da X fattore u 23/06/2011 16:14 (da un teleffuninu)
Paul Giacobbi un vole micca

7.mandatu da A Filetta......... u 23/06/2011 19:05
Travaglià ?!? ùn aghju tempu.........

8.mandatu da Ghjuvan'Marcu u 23/06/2011 21:14
Oghje cum'é eri e dumane ùn travagliu micca perche u mo scagnu hè ind'u l'Office de l'environnement... Ghjè a listessa scusa per x fattore.

9.mandatu da Pumata u 24/06/2011 12:52
Inno chi mi tengu 10 voti in paese!!!!

10.mandatu da Amicu mulateru u 25/06/2011 11:27
Sò in ritardu per risponde à i mo missaghji di Facebook ! Dunque pigliu a mo ghjurnata per risponde !
Aghju toccu u loto e b'amerdu !
Mi maritu incu Albert di Monaco.
Facciu una ghjurnata di furmazione per diventa vescu à a piazza di Brunin chi parte.
A mo cagna ha perturitu e preparu u battesimu.
Aghju a massella" blocata" perche aghju troppu risu leghjendu a Piazzata.
A u Forum di RCFM hannu dettu male di mè e pensu à tombami.
A mo socera hè rimbiida e li preparu e frape per falli festa.

11.mandatu da muntese u 25/06/2011 14:06
mi scusu ma ùn possu stà... amicu mulatteru, una rimarca cusì, à trottu serratu : " e cagne ùn ponu chè catellà". sò e donne à parturisce.

12.mandatu da Amicu mulateru u 25/06/2011 15:15
A meia a cagna, perchè ghjè a meia, un cadella micca, a vostra cadella sicuramente invece a meia ghjè "esseptionale". E ancu a mo socera ghjè "esseptionale", a vostra hè digia rimbiita ?

13.mandatu da Cosu stranu chì passa in celi u 25/06/2011 19:15
ahahhaha Amicu mulateru... socu fan... detici un' altra risposta cussì è apru u fanclub

14.mandatu da Casaruvinata u 25/06/2011 22:44
O travaglià o vutà ? Ùn possu fà i dui!

O sgiò Paulu ci vole à sceglie.

Ah, aghju intesu, andaraghju à vutà.

15.mandatu da Amicu mulateru u 25/06/2011 23:11
So stata scelta per ghjoca in Mafiosa, a paca hè di 50 euri allora mi ne impipu di u vostru travagliu chi prestu aghju à esse una star mundiale !
Un possu micca travaglia oghje perche aghju fighjatu XFactor fin'à tardi !
Oghje un m'aspettade micca perché sò in "ovulazione", face 5 anni ch'o provemu à avè un figliolu, allora u vostru travagliu mi ne "infiscu" à pena !...
Cantu in una corale e oghje ghje ghjornu di repetizione per preparà a festa di a musica.
Sò a moglia di u guvernatore di a Notte di a Memoria e oghje c'hè a sartora chi vene da Pariggi per provà i custumi !
Un' aghju più nunda in frigo e devu andà à a Rocade per fà e mo "corse"
Oghje ci sò e "solde" e u mo VERU travagliu hè di fà tutti i "magazzini" per trovà e piu belle tenute à bon prezzu !



16.mandatu da Amicu mulateru u 25/06/2011 23:28
Sò cacara per a prima volta, u mo "caniche" ha avutu tre cadelli !

17.mandatu da ohimè u 01/07/2011 11:46
Nimu ùn ha pensatu dì dice a u so patrone "sta sera ghjunghje Colonel Reyel in Bastia, dunque ùn pensu micca da vene à travaglia ch'ùn puvera micca liticasi à bon'ora ..."

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta