Accueil
Envoyer à un ami
Version imprimable
Partager

E potte marine attaccanu

L'infurmazione, spaventosa, s'hè vista in tutti i media francesi : sò chilòmetri è chilòmetri di potte marine chì piglianu d'assaltu a Corsica.



E potte marine attaccanu
U sugettu hè ancu passatu à u 20 heures di TF1.

S'hè parlatu prima d'una striscia di 12 (!) chilòmetri di potte marine. Avà, hè u sciffru d'una banda di 30 (!!!) chilòmetri di sta criatura inventata per pizzicà è imbestià u bravu turistu chì si bagna.

V'arricurdate, qualchì annu fà, i spezialisti ci dicianu : "cette année, c'est l'année des méduses !" Cum'è i ghjochi olìmpichi è a cuppa di u mondu, vultavanu tutti i 4 anni. Ma avà, tutti l'anni sò quì, sempre più numerose.

Parenu ancu ridesine di noi. Allora chì l'omi si ciòttanu à u mare impauriti è prudenti, elle a si sciallanu tranquillamente è godenu a calma di u Mediterraniu.

Quist'annu, sò e velelle chì sò tendance : si tratta d'una bella varietà turchina chì stà nant'à l'acqua. A so piccula vela li permette d'esse purtata da i venti.

Attenzione : da ùn micca cunfonde cun e veline di Berlusconi.

Ma l'affare ùn piace à i spezialisti di u turisimu. E municipalità pensanu à investisce in filetti marini stallati à u largu per impedisce l'animalotti di vene à stuzzicà quellu chì si bagna.

E ragiò di a presenza di più in più forte di potte marine ? Forse a timperatura di l'acqua chì scalda, o l'assenza di predattori (i pesci, sopr'à tuttu tonni, troppu piscati da l'omi) ? Ùn si sà.

U fattu si stà chì da Palumbaghja à Centuri, trèmanu i nostri pagliottisti naziunali. È si, in fin di contu, ùn eranu micca e potte marine, e più bone difensore di u liturale corsu ?

u 25 di Maghju 2009
U Sgaiuffu



1.mandatu da in cauda venenum u 25/05/2009 15:34
AIO AIO UN DITE NUNDA CHI I PINZUTI DOPU SO CAPACE DI FA UN FILMU NANT'A U RAZZISIMU DI I CORSI CONTR'A E POTE MARINE EIU NANZU E POTE M'AVETE CAPITU

2.mandatu da muammar u 25/05/2009 22:11
Eiu avia pensu chi una "marée noire" saria stata una suluzione pa francassi di u tuttu turisimu , mà pensu ché tu ai raghjone o sgaiuffu e potte marine so meglie, chi so piu ecologiche... E menu brutte...
Sino, sta sera, pensu ché no pudemu salutà u CESC...

3.mandatu da Ghjuvan'Marcu u 25/05/2009 22:23
Un tocca micca a mo potte !

4.mandatu da KÜG u 27/05/2009 11:25
à quandu a storia di una potta tramutata dà e sponde norafricane fin'à e piaghje corse induv'ella si face prima pistà dà l'atroce potte lucale mà chi insomma si vindicheghja è mette ogni potta corsa à u passu ?

5.mandatu da ZIU ANTO U PURCAGHIU u 31/05/2009 16:00
e viva a potta di a mio sumera !!!! HI HAN!!!!

Novu cumentu :