Accueil
Envoyer à un ami
Version imprimable
Partager

È s'elli avianu ragiò di falà in carrughju ?

Tuttu u mondu si ne ride d'elli. À quandu sarianu micca pulitizati, à quandu sarianu manipulati... I giovani sò falati in carrughju. È l'altri ch'aspettanu ?



A magagna corre dapoi parechji ghjorni. Un liceanu averia dettu ch'ellu facia greva perchè "ils ont arrêté Miot".

Bon và bè, a magagna face ride è tuttu u mondu ci crede. Ma face una stonda ch'ella circuleghja nant'à u net (vede nant'à stu tweet quì sottu... di u 2012).

I liceani sò fallati in carrughju, è si sente di tuttu. Sti giovani sarianu manipulati, o micca pulitizati. O allora facenu greva per ùn travaglià micca.

I vechji i si ghjocanu à a risa... ma ciò ch'elli ùn dicenu micca, hè ch'elli anu fattu listessa quand'elli eranu più giovani... Eppo s'è vo truvate un cullegiante chì riesce à spiecavvi in detagliu l'affare di l'arrestatu Miot, signalatecila. Capisce qualcosa cusì cumplessu à l'età di 12 anni, hè c'ellu ci vole à numinalu subbitu per un premiu Nobel.

Povera giuventù, chì hà capitu chì qualcosa ùn andava in stu paese è chì si mubilizeghja per u so avvene. I so vechji ùn li pardonanu nunda è i si piglianu à a risa.

U Statu purtantu ci hà messu un bellu pattone : innò à a cuufficialità (vutata purtantu da l'eletti di a Corsica), innò à una piazza pè a Corsica in a custituzione, innò à l'arrestatu Miot, innò à un statutu di residente.

Allora ch'aspettanu per falà in carrughju ?


u 16 di Ghjenaghju 2014



1.mandatu da pseudo u 16/01/2014 23:36
Sigura ch´elli anu ragiò

Avà tocca à i vechji à seguità !

2.mandatu da ghjuva u 17/01/2014 04:54
tutti in CORTI

3.mandatu da circinelludiguagnenativupeliguagnesusosanguaversatu u 17/01/2014 10:49
Eh ! Sigura ch'eddi t'ani a raghjò !!!
A me figliola à dui liceani chi diciani "ùn sanu mancu più parchì manifestani quissi" :
"Hè megliu à ùn sapè micca parchì manifestà o à ùn sapè micca parchì MICCA manifestà ?... Tandu hè megliu à manifestà !" :)

4.mandatu da O CORSU RIFLETTI u 17/01/2014 10:55
U giovanu dicendu « Anu arrestatu Miot » hà vulsutu dì « Anu arrestatu l’arrestatu Miot ». L’hà fatta à l’accorta.

5.mandatu da ghjuva u 17/01/2014 13:13
pientate incu stu miot...falemu a sustene sti ghjovani et femu u VERANU CORSU

6.mandatu da ghjuva u 17/01/2014 13:13
pientate incu stu miot...falemu a sustene sti ghjovani et femu u VERANU CORSU

7.mandatu da henry smart u 17/01/2014 13:21
i vechji cucchi criticheghjanu sempre e mosse di a giuventu !! ha sempre i so difetti una mossa liceana...ma preferiscu quessi i difetti à quelli di a vechjaia chi si n'impippa !
he bellu è bona di basgiassi à l'assemblea dopu vutatu parechje misure...ma ava aspettemu una mossa populara !
ma ghje vera c'he u nostru sportu predilettu ava : l'elezzione !!! un ci vole micca scomulalli !!

8.mandatu da ghjuva u 17/01/2014 14:44
bravissimu o henry

9.mandatu da babbò u 17/01/2014 17:25
So elli l'avvene di u nostru paese,"ghjuventu,ghjuventu,una volta e po mai piu"

10.mandatu da anto u 17/01/2014 17:49
Di tutte manere cume tuttu va a l'oritrosu hè leghjitimu di manifesta ....s'ell'un so e forze vive qual'hè chi a da fala in carrughju ?

11.mandatu da bonna avantura u 17/01/2014 19:01
S"ellu ci vole aspestta d'avé raggio per fa qualcosa ,pocu cose serebbenu fatte.

12.mandatu da Calvoise u 18/01/2014 13:34
http://www.youtube.com/watch?v=oiBF08gAUUo

13.mandatu da Ghjuvanluca u 18/01/2014 15:01
Annu ragiò,Si credonu in quellu chi facenu e i pinseri sò sinceri.Quellu chi elli rivendicheghjienu so i diritti nigati in passatu ai loro padri e madri. L'affari sò seri micca per ghjucà,E' in ballu l'avvene di a Corsica. Pertantu No a è viulenze (e quellu chi a pulizza e a francia sana ellu s'aspettenu) Si a à resistenza pacifica ma finu in fondu. Quantu ai vechji annu pocu da ride......"a risa abbonda entru a bocca di ì stolti".

Ajò Sulidarità e Fratellanza

14.mandatu da ghjuva u 18/01/2014 15:30
a ringraziati o ghjuvanluca

15.mandatu da misjiu salvaticu u 20/01/2014 17:35
é sicura chi si giovani anu a raggio .si i vecchi né fessinu alt'é tantu sarimu numerosi pé fa libera su disgrazziatu di miot chi un' mireta maccu apena a priggio...risaté, stémuci serii fronté a sa sitazzioné.purtèmu rispéttu é fraternità a a nostra giuventu ...

16.mandatu da Paulu u 21/01/2014 12:33
I giovani ci mostranu a strada. Mi pare chì dipoi qualchì annu parechji di quella chì luttavanu anu sceltu a strada UNICAMENTE di l'elezzioni. cridendu, o fendu crede chì ci salvaremu d'issa manera. I fatti sò quì : u muvimentu naziunale ùn ´hè mai statu cusì forte eletturalamente è purtantu a situazione hè di peghju in peghju. Cridendu pudè cambià u sistemu, si face manghjà da ellu.
Allora LOTTA GHJUVENTÙ CHÌ L'AVVENE SI TÙ !

17.mandatu da ghjuva u 21/01/2014 18:18
ai rasgio Paulu a trapula di i voti.....un capiscenu micca che quandu u ci sera piu corsi un seranu mai piu eletti i Duran Amed e laltri pieranu a so piazza! forza a giuventu e noi per sustenelli

18.mandatu da Patriziu u 24/01/2014 11:03 (da un teleffuninu)
Annu ragiò mille volte! L''autonomismu-sucialismu " vivre-ensemble" un cambierà micca e cose .. (cf : insee)

Novu cumentu :