A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

È sì a Corsica vincia l'eurovision ?

A Corsica ùn vincerà mai l'Euro di ballò, ma hà a pussibilità di vince l'eurovision di e lingue minuritarie.



È sì a Corsica vincia l'eurovision ?
L'Eurovision, cunniscite tutti. Hè un cuncorsu di canterini appena kitsch chì si passe sempre in i paesi di l'Auropa di l'Este è chì a Francia ùn vince mai.

D'altronde, u ghjornu induve simu indipendenti, ci vulerà à mandacci i nostri gruppi appena ridìculi custì dinù. Truveremu bè qualchì unu chì face musica discò in lingua corsa nò ?

Eppo ci hè l'eurovision di e lingue minuritarie, chì si chjama u LIET è chì si passa quist'annu in a regione di l'Asturie, in Spagna.

Pè a Corsica hè u gruppu Dopu Cena chì hè statu sceltu cù a so canzona Trasmetta, scritta da Ghjuvan Micheli Weber è cumposta da Micheli Solinas.

Allora per fà vince qualcosa à a Corsica in u 2012, vutate puru ! Ci vole à falla nant'à internet, à st'indirizzu è disgraziatamente ùn ci hè micca a pussibilità di "frodà".

L'emissione serà ritrasmessa da Via Stella sta sera à 9 ore è mezu. Fidighjate puru è vutate, ùn hè micca Dave chì presenta...

Per vutà sta sera, si passa quì !

u 1mu di Dicembre 2012



1.mandatu da Calvoise u 01/12/2012 13:00
Miss France + Eurovision... FORZA CORSICA !

2.mandatu da Marcelli u 01/12/2012 13:00 (da un teleffuninu)
Si core cu voi

3.mandatu da FXR u 01/12/2012 14:31
Ma a Corsica hà digià vintu qualcosu in 2012 : u Goncourt pè Ferrari ! Seria una altra vittoria culturale.

4.mandatu da SARDEGNA u 01/12/2012 15:21
Anche se i Friulani sono italiani, voterò per voi, vicini di casa!!!
Abbracci dalla Sardegna

5.mandatu da ANTO u 01/12/2012 16:37
Mi pare chi ci sia statu un vincitore qual'anni fa incu Ghjacumu Cuglioli o mi sbagliu ?
E po perchè di " kitsch " allora chi a parola "a l'antiga o a l'antigonia " ci sta bè cumè u casgiu nantu a e lasagne ?
http://www.blog-anto.be

6.mandatu da henry smart u 01/12/2012 23:30
c'he un gruppu di rock, un so d'Induve, chi passa ava.
aghju u laziu di vuta per elli.
ma ci vole à vuta i nostri ??
mi piace dopu cena. ma quessa a canzona un mi piace tantu. face troppu eurovision.
ma Bona scianza à elli.

7.mandatu da henry smart u 01/12/2012 23:30
c'he un gruppu di rock, un so d'Induve, chi passa ava.
aghju u laziu di vuta per elli.
ma ci vole à vuta i nostri ??
mi piace dopu cena. ma quessa a canzona un mi piace tantu. face troppu eurovision.
ma Bona scianza à elli.

8.mandatu da Pseudonimu u 01/12/2012 23:59
Hà vintu a Brittania cu "one point" d'avanzu nant'à Dopu Cena.....

Hè mancatu pocu, peccatu !

Felicitazione a elli

9.mandatu da Putanaccia gobba u 02/12/2012 09:54
Era stata megliu à cantà nanzu di fà cena....

10.mandatu da Mosca u 02/12/2012 10:21
Eiu dopu cena preferiscu à sciaccà mi un acquavita chi di stà à sente sti "musicanti" furmatati è senza uriginalità, ch´elli sianu Corsi, Brittoni o Picardi.

11.mandatu da GBA u 03/12/2012 21:54
E quale site voi per ghjudicà è disprezzà Dopu Cena?

Chì cunniscite di stu gruppu per parlà cusì?

Un gruppu fattu per l'Eurovision avete dettu?

Dopu Cena hè un'associu induve si trasmettenu l'arti di cantà è sunà, induve s'amparanu paghjella, ghitarre, viulini è altri strumenti.

Dopu Cena hà fattu un primu discu di quadrigli, scutiscie è musica da ballà cum'è ci n'è pocu oghje.Giranu u Pumonte d'inguernu per permette à i nostri paisani di ballà sempre à l'usu anticu.

Anu esciutu dopu un discu cù puesie tradiziunale o scritte da l'anziani di u gruppu (M.Solinas/GL Achard/GM Weber) induve cantanu giuvanotti è giuvanotte chì parlanu un Corsu sputicu.

Per compie anu isciutu annu una raccolta di versi anziani , dopu avè giratu i paesi per arregistrà li.

Nunda à chì vede cù un gruppu fattu per l'"Eurovision".

Scuseraghju a vostra gnuranza et ne prenez surtout pas la mouche...

12.mandatu da Www u 04/12/2012 02:02
Sta canzona hè bella, mi piace abbastanza

Peccatu ma un si po micca sempre Vince, ci vole a lascianne appena per l'altri ! Tantu megliu per i brittoni

13.mandatu da Dopu Cena u 05/12/2012 00:51
Un ringraziu à a piazzetta pà u sustegnu, un ringraziu à i media chì ci ani sustinutu, un ringraziu à u populu corsu chì cù i so voti à a siconda piazza daretu à Asturiana Mining Company, un ringraziu à quiddi com'è Natale Luciani chì ci ani "furmatatu" è "furmatu", ni semu più cà fieri. Un salutu fraternu di Dopu Cena è attenti ch'edda ùn s'annighessi a mosca in un bichjirinu d'acqua vita...

14.mandatu da Grossu panzutu u 05/12/2012 11:52
Dopu 40 di pruduzione d'una tale qualità e quantita a Corsica ùn hà nunda a fà a l'eurovision di e lingue minuritarie. Averia largamente (e piu) a so piazza a l'eurovision nurmale! Dopu cena averia pussutu raprisentà a Corsica cume paese e u Corsu cume lingua naturale nurmale!

Parleremu tandu di lingua Minurizata piuttostu che di minuritaria serà piu logica!

Un gran "Bravo" a elli quantunque pè a so perfurmanza!!

15.mandatu da Calvoise u 05/12/2012 12:05
A verità… Un aghju micca vistu stu cuncursu. L’aghju scurdatu. Ne sò trista avà. So vergognosa. Mi dispiace assai :-((((

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city