Accueil
Envoyer à un ami
Version imprimable
Partager

E vere dumande di l'estate



E vere dumande di l'estate
Ci vulerà veramente à piglià un abbunamentu à BeIN Sport pè seguità i macci di u Sporting ?
Perchè nant'à Facebook, tuttu u mondu piglia i so pedi in ritrattu : à u mare, à a piscina... è micca l'inguernu ?
Perchè quist'annu ci mettimu tutti à beie rosé micca bonu ?
Perchè i passageri à cant'à u cunduttore di e vitture mettenu u pede fora ?
Perchè certi si credenu obligati di mette i cappelli in e serate è in e feste, per fà crede ch'elli s'amusanu ?
Ci hè obligazione di fà à musculazione è d'ùn micca esse pilutu per andà à u mare oghje ghjornu ?
Ci serà una festa di paese induve u DJ ùn passa nè "Femme" di Jean-Luc Lahaye, "Femme libérée" di Cookie Dingler è "Bob Morane" d'Indochine ?
Si pò fà u GR 20 è esse SWAG ?
Quandu si ne vanu ?
Jet-ski, accrobranche, via ferrata, beach volley, beach soccer, sports di mare... Perchè ghjunta l'estate, diventimu tutti conni ?
Perchè ci hè di più mondu à Porto Latino chè à e Ghjurnate di Corti ? Ah nò quessa a sapemu perchè.
A Corsica serà veramente cundannata à ùn campà chè di turìsimu ?
Quale serà u primu criticone à mughjà "Hantz démission" quist'annu ?
Perchè i Corsi anu sfassatu a so memoria è inventatu pienu di nomi goffi pè attirà i turisti : Côte des Nacres, Costa Serena, Ouest Corsica, Costa Verde...
Averemu da suppurtà torna assai i pippulacci, e "résidences sgondaires" è e riflessioni cum'è "j'adore la Keurse, mais pas les Keurses" ?
Hè veramente megliu d'imbriagassi à u mare, sott'à a sciappittana, à colpi di rosé bien frais ascultendu musica lounge è pensendu ch'ellu hè hype ?
Quale hè u peghju : u pumataghju in ciavatte è saccadò, o u Corsu chì si vende case è terreni à i ricchi fresteri ?
Induve hè passatu Christian Clavier ?
A Corsica hè in traccia di diventà un "Ibiza français" (da vede quì). Avanzata maiò ? O cunneria maiò ?
"Les organisateurs parisiens ont compris que la Keurse belle et sauvage, tout le monde s'en tape un peu" (da vede quì).
"Les peoples aiment la Keurse parce qu'ils peuvent se balader sans se faire importuner par les Keurses" (da vede quì).
Avemu tuccatu u fondu o ne ferma torna assai sottu ?

u 20 d'Aostu 2012



1.mandatu da Ragoutoutou u 20/08/2012 10:53
U PSG vincerà nanz'à a fine di l'estate ?

2.mandatu da Pastizzu u 20/08/2012 12:19
ma cosa serà un "SWAG" ?

3.mandatu da Capicursinu rancicu u 20/08/2012 13:23
À più grande dumanda hè quella di pastizzu... Mà chì ghjè, Chì vale a dì, sta parullaccia "SWAG" l'aghj'intesu tuttu l'estate sanu..

4.mandatu da Tesoru u 20/08/2012 13:58
"So corsu n'è so fieru... Ma micca l'estate!" puvete cumpra "l'autocollant" in Calvi o in Purtivechju.

5.mandatu da Ghjiseppu u 20/08/2012 15:30
SWAG vularà di quessa...

6.mandatu da Lisandru u 20/08/2012 16:00
Troppu questione qui, almenu dà qualche risposte:

- So pechj' i corsi chi vendenu case è terreni à i furesteri (è da luntanu) ch' i pumataghji cu i saccadò

- E nò un n'avemu ancu toccat' u fondu. Avà a maio parte di i corsi si credenu piu francesi ch' i francesi. Viderete, serà pechju inde l'anni chi venenu.

- Un ci la feremu à sorte a Corsica di u tuttu turisimu, i francesi tenenu troppu à u so "club med" è sti conni di corsi li piacenu di "se gaver en faisant la saison"

7.mandatu da caristrelli u 20/08/2012 16:14 (da un teleffuninu)
be parlatu lisandru

8.mandatu da dume le gardien des residences de mr dupont u 20/08/2012 16:19 (da un teleffuninu)
ch'elli crepanu tutti .

9.mandatu da Ziu Santu u 20/08/2012 17:00
Tuttu hè dettu in stu sughjettu

bensemoun è a so clic ch'anu purtatu "la grosse vip deep housse" simu freschi
Quandu pensu chì certi sò fieri di i resistenti di u 40 chì si sò battuti per un "ideale"
forse hè a cunneria st'ideale eccu u risultatu. Ci vulia à pulì ma avà hè troppu tardu...

10.mandatu da Capicursinu rancicu u 20/08/2012 18:37
Quale hè bensemoun ?

11.mandatu da Stonclette u 20/08/2012 19:19
Disgraziati per l éternu ma ava ému da sparisce , tutti corsi facenu figlioli cruciate cu i pinzuti razza cundanata

12.mandatu da Capicursinu rancicu u 20/08/2012 19:33
Sò ghjunti i fascisti

13.mandatu da Stonclette u 20/08/2012 20:03
So micca fascistu ma un hé veru ?

14.mandatu da Capicursinu rancicu u 20/08/2012 20:12
Iè mà chì po fà ? Eiu ùn so micca corsu 100%..

15.mandatu da bottigliadacqua u 20/08/2012 23:33
Aghju intesu isse parolle sta matina in Calvi : "Quand mon père est arrivé, il y a 20 ans en Corse, il aurait du acheter des terrains; Aujourd'hui, on serait riche!"
Scusate mi, un pudessi miccà scrive quessu in corsu. U mo core hé digià sciappatu...
Un hè micca bisognu d'esse corsu pè fà qualcosa !
Perchè certi "veri" corsi anu e so fiertà sottu u betonu.

16.mandatu da Zinzala contrariata u 23/08/2012 18:14
A sapete chì u turisimu face scimì... Ultimu esempiù: un risturante di a citadella di Bastia (incù u nome eponimu, piazzu di u Donjon) m'hà fattu pacà a caraffa d'acqua di a villa 0,50 euros! Ciò chi mette u m3 à 500 euros invece di 3 euros cum'è hè fatturatu da l'Officiu Idrolicu. Vi rendeti contu di u benefiziu? A vi dicu, u turisimu face scimì sopra tuttu quelli chì sò digià scemi!

17.mandatu da Capicursinu rancicu u 23/08/2012 20:22
He diffesu di fà pacà l'acqua. Ci vulia dìlli... Ci vulia dì "eiu ùn so micca ùn turistu"

Novu cumentu :