Accueil
Envoyer à un ami
Version imprimable
Partager

E vitture, una passione nustrale

A nutizia d'oghje chì ralegrerà à tutti : ci seranu tunnelli è giratoghji novi in Furiani è Casatorra per fluidificà a circulazione. Hè benissimu, ma quandu ci puderemu passà di a vittura in Corsica ?



E vitture, una passione nustrale
Sauveur è Paul sò felici oghje. Sò principiati i travaglii di i giratoghji di Furiani è Casatorra. Dui tunnelli permetteranu di fluidificà a circulazione.

Ci vole à dì chì cun 40.000 vitture à ghjornu, l'entrata di Bastia hè infernale.

Costu di sti travaglii : 30 milioni d'euri.

Siguramente chì sti travaglii, ci vulia à falli. Hè solu peccatu ch'ellu ùn si pensi solu ch'è in termine di "tuttu vitture". Ci vole à aiutà e vitture, sustenele, fà parkings...

D'appressu à Frédéric Denhez, autore di "La fin du tout-voiture", una vittura costa trà 200 è 1300 euri à mese (essenza, assicuranza, parkings, riparazioni, intrattene, PV ecc...). Sia 20% di u bugettu di a ghjente (è sin'à 40% in u peri-urbanu perchè si piglia di più a vittura).

Sò parechji à parlà di a fine di u "tuttu vittura" (state puru à sente st'emissione). Micca a fine di a vittura hein, ma di u fattu chì ùn ci pudemu passà di a vittura in u nostru cutidianu.

In Corsica hè ancu di più vera ch'è in altrò, semu à u gradu zeru di i trasporti in cummunu.

Purtantu, sò numerose e cità d'Auropa induve si cerca di "mette fora" e vitture. A suluzione hè semplice ma costa caru è ci vole à cambià l'abitutine : si sviluppanu d'altri mezi di trasporti "puliti" : trenu, tram, bus eccetera.

Truvate normale d'ùn pudè piglià u trenu per andà e sere di partite in Furiani ? Truvate normale d'ùn pudè piglià trasporti in cummunu per quelli chì stanu in Borgu o Lucciana è chì travaglianu in Bastia ?

Per avà, sò pochi à circà di rifletteci in Corsica. Ma ci veneremu bè un ghjornu.

E vitture, una passione nustrale

u 12 d'Utrovi 2014



1.mandatu da bastiacciu stortu u 12/10/2014 13:23
micca chè e vitture ... stu vecchiu portu quande eramu ghjiovanni , nu veranu un passava un ghjiornu senza qu'ellu si vidissi un pittore corsu o stanieru ... oghjè un si vèdè mancu piu u marè ,ghje un "parking" a batelli ... UN SITU CUSI UNICU ... scumpientu unu di piu ...!!

2.mandatu da hantzu u 12/10/2014 19:49
Saria ora di sviluppà u trenu

3.mandatu da La bagnole, le caddie, le loto foot c'est l'opium du peuple de corse u 13/10/2014 03:15 (da un teleffuninu)
Vitture, parkings, ronds-points, goudron, parkings, supermarchés, vitture...

basta cun tuttu què !!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta