Accueil
Envoyer à un ami
Version imprimable
Partager

È voi, site Corsi ?

"Et qui on est !" A fòrmula hè in bocca à tutti. Ci vole forse à vedeci ch'ellu ùn si sà più qual'è no semu è ch'ellu ci hè un prublema d'identità. Allora noi avemu pigliatu a dumanda à u primu gradu è circatu di rispondeci appughjendusi nant'à sciffri è statistiche. Eccu ciò ch'elli sò i Corsi in u 2011...



È voi, site Corsi ?
Sò poveri :
- 30 000 abitanti campanu in a precarità.
- I Restos du Cœur tuttu sò in pienu sviluppu : +20% di ripasti dati (a media naziunale hè di +12%).

Sò futuri SDF ?
- A Corsica hè a terza regione a più ricca in termine di prezzi di l'immubiliare.
- Ci sò 33% di residenze segundarie (ma 60% è 70% in certi lochi di u liturale) allora chì a media naziunale hè di 10%.

Ùn pruducenu nunda :
- A parte di pruduzzione lucale in a cunsumazione hè di menu di 20%.

Sò cunsumatori :
- A prupurzione di supermercati è di grandes surfaces hè a più forte di Francia.

Sò depressivi :
- Un Corsu nant'à quattru piglia antidepressori di manera regulare.

Una sucetà di più inghjusta ch'è in altrò :
- 10% di e famiglie (ménages) e più ricche vincenu 7 volte u rivenutu di i 10% i più poveri, allora chì a media naziunale hè di 5,4%.

Campanu à l'usu americanu :
- L'obesità di i 5-7 anni hè una di e più alte di Francia : tocca 23% di i zitelli (media francese 14%).

Ùn anu micca cunfidenza in l'avvene :
- Zitelli, si ne face pocu : a natalità hè a più bassa di Francia.
- A Corsica hè a prima pè l'IVG : 22,5% contr'à una media di 14,5%.

Sò vechji :
- Segonda regione a più vechja di Francia.
- À stu rìtimu, in 2040 un Corsu nant'à trè averà più di 65 anni.

Si stìnzanu :
- A criminalità hè diventata più forte ch'è in Sicilia (19 assassinii in u 2009 pè 5 milioni d'abitanti). In Corsica avemu cuntatu 17 assassinii pè 300.000 abitanti.

Sò ignuranti è senza diplomi :
- Solu 60% di i giovani trà 18 è 21 anni sò scularizati.
- Tenimu u record di Francia di giovani micca inseriti (nè impiegu, nè scularizati).

Sò piaghjinchi :
- A pupulazione hè cuncentrata nant'à u liturale allora chì l'internu hè disertu.

Sò rimpiazzati :
- A pupulazione cresce di manera forte, ma unicamente perchè a ghjente ci vene da fora : ogni ghjornu sò 13,5 persone chì ghjunghjenu.

Ùn cunnoscenu più a so lingua :
- U corsu hè a quarta lingua parlata nant'à sta terra.

Et qui on est ? Avà a sapete...

Sciffri : INSEE, Corse-Matin, 24 Ore...

u 12 di Sittembre 2011
U Sgaiuffu



1.mandatu da balaninu u 12/09/2011 20:07
Che tristessa! A noi di scambia.

2.mandatu da cirlinu u 12/09/2011 21:38
Per centu agricultori chi piantanu a so attività tutti l'anni solu 25 ripiglianu o creanu un attività agricula
80% di l'agricultori hanu un rivenutu sottu à i minimi suciali
Solu 15 % di l'agricultori benefizieghjanu di l'aiuti di a CTC/Guvernu/Auropa (ODARC)
50% di i pastori hanu 50 anni è più
53% di i pastori ùn hanu micca barracconi in duru
65%di i pastori ùn hanu furmazione (sopra à un nivellu 4 u BAC per esempiu)
60% di i pastori ùn hanu micca a maestria di u fondariu (e terre) ch'elli hanu
65% di i pastori vendenu i so agnelli (in sardegna) à un prezzu chi ùn li paga mancu u latte ch'elli hanu suttu durante un mesachjolu, mà i corsi compranu u "présalé" ancu di più caru !
Più di 80% di l'agricultori currisponderianu à e categurie citate sopra
poveri, futuri sdf, chi ùn pruducenu nunda, cunsummatori, depressevi, nu una prufessione inghjusta, campanu à l'usu americanu, senza speranza, vechji, si so già sterpati, senza diplomi, piaghjinchi, è ùn connoscenu più a so lingua....
Or duncque simu d'accunsentu più di 80% di l'agricultori so corsi !

3.mandatu da machja u 12/09/2011 21:41
In Corsica un si ferma piu che 100 000 corsi di un vecchju cepu, l'altri so ghjunghjiticci e ghjè fra elli che no truvemu assai poveri chi manghjanu a i"resto du coeur" e a maio parte di i corsi hanu una casa in paese.
Per cunsuma simu ubligati d'andà a u super mercatu chi roba nustrale un ci n'hè, cume anti depressori eiu mi beie di tant'in tantu un acqua vita, e simu piaghjinchi a setimana che u sabatu e a dumenica ci ne culemu in paese, e veru dino che fra i corsi ci so piu morte che nascite, e i frusteri facenu piu zitelli che noi, e per a lingua i corsi a parlenu sempre, ma c'hè menu ghjente chi a parlanu.
E statistiche piglianu a populazione di a Corsica e i sciffri ch'elli danu so falsi, chi per elli i Corsi so quelli chi campanu in Corsica e mica i Corsi storici, un hè a stessa cosa.

4.mandatu da U Ghjudice u 12/09/2011 23:11
Venite vi ne in Mirvella, si campa megliu chè quì.

5.mandatu da marieddu u 13/09/2011 03:06
REAGITE!!!!
Popolo bellissimo e orgoglioso, meritate tutt'altro!
Siete forti e valorosi, vi auguro ogni bene.

Un saluto dalla Sardegna

6.mandatu da J G u 13/09/2011 07:16
Ancu si Judex dice chi un sô ne parlà ne stami zita vi vogliu quantunque di torna cio co pênsu : dipoi chi u mondu hé mondu ci so i richi , i poveri i viziosi i candidi , l'intelligenti e l'imbecilli , i bravi e i cativi , i mullizzi e i puliti , i franchi e i farzi . i stercaghji e i travaglidori ..... eccetera , e serà sempre cusi disgraziatamente

Si u celu era menu altu
U porrebi toccà di ditu !
So pudia tirrà u saltu
Serrebe prestu in paradisu.
Mà a terra hé tantu bassa
Chi ancu so mi stinzu assai
Un porraghju chità a nassa
Di a mo vita ne i mo guai.

Per chi

U mondu hé tondu , un nu possu cambià
U mare prufondu un nu porrà frustà
Ssu tamantu scogliu chi u vole parrà
U mondu hé tondu un nu possu rifà
Chi u mondu hé tondu hé un'eternità
Purtantu né sognu é a vogliu sperà
Chi u nostru mondu un ghjornu girerà
Girerà piu tondu piu tondu che avà

Ma si u fucile di caccia
ghjovava a spinghje u tizzone
Invece di batte a macchja
Pe scacciafucà u piucone!
Sé no campavamu d'amore
E d'acqua fresca e d'amicizia
Tandu ci ferrebimu onore
E ci serebe piu ghjustizia !

ié mà u mondu hé tondu ............




7.mandatu da J G u 13/09/2011 07:24
Vulia scrive scacciafughjà u piucone a a piazza di scacciafucà

8.mandatu da fucile u 13/09/2011 08:54
ch'avemu fattu di stu paese...

9.mandatu da in cauda venenum u 13/09/2011 10:18
He ancu vera chi simu sempre piu forti che l'altri . Tante e tante generazioni tanti e tanti strazii pe trasmetteci una Corsica magnifica una cultura strasordinaria una lingua di bellezza ch'avemu mandatu a caternu in quatru spallate. L'affare he matematicu 300 000 abitanti 90 000 Corsi nant'a i 90 000 , 30 000 sopr'a 60 anni resta 60 000 Manc'un quartu di a populazione e in piu di quessa cu i manghjoni di puliticanti ch'avemu messu NOI in piazza i conti so fatti e noi simu fritti . CORSICA NOSTRA TERRA D'EROI he bella vechja quessa a canzona , chi puderiamu canta oghje ???

10.mandatu da REVIENS ESTRI u 13/09/2011 10:56
mi saria piaciutu d'avè u parè di l'anticu Estrimei ma l'omu s'hè ritiratu.


11.mandatu da antone u 13/09/2011 12:19
felicitazione a quelli di A Piazzetta per st' articuli pieni di verita e d' inteligenzia.

a realita hé trista , ma ci vole avé cuscenza di cio hé diventata a nostra sucietà per pudè scambialla

cuntinuvate cusi , ci campate è avemu bisognu di voi, ancu si sta trista sorte ùn ci face manu appena ride.


FORZA!!!

12.mandatu da Marianto u 13/09/2011 13:43
ava un si dice piu "di quale n'hè sette" ma et qui ont est !!! corci di noi !!!!

13.mandatu da ANTO u 13/09/2011 14:06
a sola risposta chi sia ghjusta pè da seguita a sta dumanda :"et qui on est " hè "una mansa di cunnacci"" chi hannu fattu di un paese rispettatu un purcile !

14.mandatu da statistica u 13/09/2011 16:12
per l'insee he corsu quellu chi he natu in corsica .c'he una mansa di corsi nati for di corsica .i sciffri so tutti falsi..semu assai piu numerosi e i corsi di marsegla di tulo e di nizza so corsi anchelli .un parlu micca di a diaspora ma di i corsi chi facenu u passu e vene tutta l'annata!!!!

15.mandatu da Franceschi u 13/09/2011 18:40
"U CORSU HE A QUARTA LINGUA PARLATA"

Mi stonerebbe...

16.mandatu da perchè micca u 13/09/2011 22:48
iè, o Franceschi, dopu à u francese, l'arabu è u purtughese. Eppo quessi a so lingua a parlanu bè è anu ragiò

17.mandatu da BaronMariani u 13/09/2011 23:08
La Corse résiste depuis 2000 ans, ça devrait continuer quelques temps encore ; alors merci pour les chiffres, bonne synthèse, mais ne perdons pas espoir.

18.mandatu da alea jacta ouest u 14/09/2011 11:35
Sangula miseria ! da quì à 30 anni, quand'ellu si dumanderà à un corsu (chì parla corsu) "da induve site? ", rispunderà "Stò in Corti, à u museu di a Corsica". Hè accaduta listessa in Tasmania è in u "Far West" americanu. State puru tranquilli è gudemuci l'ultime stonde scrivendu à nant'à a Piazzetta...

19.mandatu da machja u 14/09/2011 22:03
Iè i corsi hanu resitatu a tutti l'invasori ma so cascati e si so resi davanti u piu periculosu: U SOLDU

20.mandatu da J G u 15/09/2011 07:34
Oghje puderiamu cantà : A mea a bandera , troverete e parulle di sta magnifica canzona nantu a u situ di i Chjami Aghjalesi

21.mandatu da Antonino Albertini u 16/09/2011 10:53
Mammai mia.. da comu avite scrittu, sembra di essere in calabbria.. o a Napule. A me un sembra cussì.. del resto site la zona più povera di francia e la francia se ne hè scurdata di vui.. site na zoan marginale della "grandeur francaise" .
Datevi na mossa..

22.mandatu da Erma u 16/09/2011 17:16
Amici Corsi non perdete la speranza!!!

Un abbraccio dalla Liguria di Ponente.

23.mandatu da ghjiseppu garibladi u 17/09/2011 20:36
amichi genuvesi, lucchesi calabresi, lasciateci tranquilli. N'emu à bastanza cù e vacche è i francesi...

24.mandatu da machja u 18/09/2011 09:16
Eiu cercu una bella ragazza, genuvesa,calabresa, o romana per amicizie e piu se affinita !!!!

25.mandatu da ghjiseppu garibaldi u 19/09/2011 18:39
o machja vai chì truverai qualcosa nant'à u situ cercuspaghetti@patecca.it. Atteni quantunque à u "parmiggiano", perchè "o parmiggiano, portami via". Ciao ciao

26.mandatu da mohamed durand ferreria u 25/09/2011 21:37
adghiu lettu tuttu cio chi e scritu e a me reazzione he stata una risatta saria veramente triste che no sparichimu e laga a piazza a tutti st'arabi portuguese et altri allora che un avvvemu mancu bisognu di television incu nostra manera di chjichjiara ho corsi svegliemucci

27.mandatu da orientigrecu u 22/11/2011 19:39
U prublema hè cunfruntà a Corsica incà 'e antre regiuni francesine,se a cunfruntati nentr'à a Italia,i cunti tornanu

28.mandatu da Florence u 08/04/2012 15:39
Peut être en commençant par arrêter d'être férocement raciste (c'est ridicule à ce point, surtout que je ne connais pas d'endroit plus sûr que la corse), fondamentalement laxiste sur l'éducation des enfants (merci la culture de l'enfant roi qui fait qu'à 20ans on se tue après avoir dépensée 300euro à l'acapulco et qu'on en revient en bolide, voiture que personne dans la vraie vie ne se paye à cet âge là) et pour finir donner à la femme corse un autre choix qu'être la mamma ou la mauvaise poule farcie au Gerard Darel (ah oui, en corse on laisse pas payer les femmes, mais bon, faut voir comment on les considère aussi, ça fait tiers monde sans déconner)... Cette île a de vraies valeurs, mais la couche de connerie qui les cachent devient de plus en plus grosse. C'est comme s'il y avait une double personnalité, une schizophrénie latente, entre l'identité d'ouverture, de générosité, de pudeur aussi...qui se fait écraser par le dernier 4x4 à la mode.

29.mandatu da nazionecorsarisurghjera u 11/04/2012 21:58
a guerra

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta