Accueil
Envoyer à un ami
Version imprimable
Partager

Eccu a nova maglia di u Sporting

Paul Giacobbi vene d'entre in a grande storia di u SCB. Cù una suvvenzione eccezziunale di 800.000 euro, u Sporting hè salvatu.



Eccu a nova maglia di u Sporting
Grandi nomi di u Sporting : Victor Lorenzi, Claudi Papi, Johnny Rep, Pierre Cahuzac, Paul Marchioni, Roger Milla, Paul Giacobbi.

Oghje i sustenidori bastiacci ponu esse sullevati. Cù un aiutu eccezziunale di 800.000 €, a CTC salva u club di un sprufundimentu in quarta divisione.

Ùn serà micca a prima volta chì a CTC lampa i so soldi in n'importa chè, annu avia bè finanzatu u "Tour de Corse d'Ajaccio" pè 900.000 €, è passemu nant'à e suvvenzioni à l'emissione di Michel Drucker, à L'Enquête Corse è cumpagnia.

Ma quantunque, ci hè da riflette. Serà à e cullettività à finanzà un club chì qualchì anni fà avia un bugettu di più di 20 milioni d'euro ?

Tocca à noi, cù i nostri soldi à pagà 20 anni di scumpienti, di gestione puzzicosa, di manghjerie è di scruccunerie ?

A verità hè chì u Sporting Club di Bastia per noi altri sustenidori hè più ch'è un club è u sìmbulu d'un populu sanu.

È pè d'altri hè un ghjoculu, un biscottu chì arreca assai soldi è induv'ellu si pò manghjà cum'ellu si vole.

u 10 di Ghjugnu 2010
U Sgaiuffu



1.mandatu da tumasgiu magnum u 11/06/2010 01:18
u ghjornu induve qualchissia scriverà "le livre noir du SC Bastia" hà da fà male...

TUTTI anu manghjatu nant'à u Sporting :

Natali
Vendasi
FLNC
naziunalisti soft è duri
maffiosi
torna Vendasi...

è l'affare cuntinueghja....

2.mandatu da PEPETRU u 11/06/2010 04:21
U Sgaiuffu PRESIDENTE ! puntu é basta !

3.mandatu da So eiu u 11/06/2010 07:37
A scruccunereria ghjè a CTC!!!

4.mandatu da Muntagnolu u 11/06/2010 12:54
Eu u futtu... Mi n'infuttu !

5.mandatu da ARC u 11/06/2010 13:45
Eviva u SCB : sporting club balthazar.....

6.mandatu da TM u 11/06/2010 17:40
Vulemu u rittornu di a TESTA MORA nant'a u maillot !

7.mandatu da Anghjulufrancescu u 11/06/2010 21:23
Giaccobifather sarai sempre à fiancu à noi..!!! "Venacu Terra di i Signori"..!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta