Accueil
Envoyer à un ami
Version imprimable
Partager

Elezzioni : u grande ritornu di e liste ingunfiate

Più di 30% di novi scritti nant'à e liste eletturale in Portivechju, induve avemu francatu i 10.000 elettori pè 11.000 abitanti.



È voi chì pensavate chì e nostre vechje tradizione si perdianu. Pensate !

Torna appena è in Portivechju c'eranu di più elettori chè d'abitanti. U situ Alcudina ci dice chì :

"A ce jour, ce sont 10 008 électeurs qui sont inscrits à Porto-Vecchio pour une population de 11 309 habitants"

Più di 1500 novi scritti nant'à e liste, ci dice Alta Frequenza. Sariamu passati cusì da 7425 à più di 10.000 elettori.

Bastia dinù cunnosce una bella crescita cù 2800 novi scritti ci dice Corsica Infurmazione.

Messi in causa : i residenti aurupeani, chì ponu vutà pè un'elezzione municipale, scritti di manera massiccia da i capi d'impresa chì l'impieganu. Di chè pisà per avè i mercati attribuiti da e municipalità (più di 500 in Portivechju, quantunque...)

Uvrieri strangeri, poveri, pagati pocu è pigliati à calci in culu da i so patroni, è in più di quesa, ubligati di vutà... Eccu a realità.

Ma di siguru, ùn hè chè una voce chì corre. Sò e gattive lingue chì dicenu cusì. È e pressioni ùn esistenu micca in Corsica, tuttu u mondu a sà.
Elezzioni : u grande ritornu di e liste ingunfiate

u 7 di Ghjenaghju 2014



1.mandatu da Hantzu u 07/01/2014 10:55
U clan hè u più forte, trova sempre un mezu per vince.

Jojo Mela era finitu ? U BTP vene à salvallu

Congrats !

2.mandatu da ghjuva u 07/01/2014 13:44
un vutemu piu...a trapula di a francia e sempre qui!

3.mandatu da babbò u 07/01/2014 17:26
Da qui a pocu i clanisti un averanu mancu piu bisognu di i corsi per vince l'elezione,e gattive tradizione fermeranu e cusi u putere caschera in mani frustere.
Sara a voglia di u populu ?

4.mandatu da ghjuva u 07/01/2014 19:00
ai tuttu capitu babbo....varamente dacusentu incu te...e avaremu ancu eletti furesteri (frencesi e altri)

5.mandatu da Calvoise u 07/01/2014 20:27
"scritti di manera massiccia da i capi d'impresa chì l'impieganu" >>> Ci vole à tumbà li !!!

6.mandatu da Indria u 07/01/2014 22:58
A mumenti, i clani corsi seranu morti, perchè ùn ci sarà più Corsi.
Eccu ciò chi ùn hanu micca capitu.

7.mandatu da pseudo u 08/01/2014 00:46
Eccu. Fendu scrive i pinzuti à pacchettu nant´a e liste, u clanu face u tufone di a so propia tomba

8.mandatu da Calvoise u 08/01/2014 10:45
Ci vole à sterpà tutti sti "corsi" chì aiutanu i nemichi.

9.mandatu da anto u 08/01/2014 19:10
Ghjè u cambiamentu annunziatu da Mimolettu .

10.mandatu da Pasquale u 09/01/2014 13:13
http://www.youtube.com/watch?v=hH-Ifhrb2_M

...

11.mandatu da babbò u 09/01/2014 13:34
Ci si vole a rigistrassi nant'a lista di a Cunsulta Naziunale per fà un'Assemblea Naziunale Pruvisoria,vera ripresentaziòne di U Populu Corsu

12.mandatu da Calvoise u 09/01/2014 14:42
Qualche dumande...
Si ponu registrà e persone chì ùn abitanu micca in Corsica ?
Sì omu hè scrittu ùn pò (deve) micca vutà altronde ?

13.mandatu da Calvoise u 09/01/2014 16:53
Mi scusu ciò che dicu ùn hè micca chjaru (cum'è sempre ;))

> A a Cunsulta :
Si ponu registrà e persone chì ùn abitanu micca in Corsica ?
In issu casu cumu si deve fà ?
Sì omu hè scrittu ùn deve (muralmente) micca vutà altronde ?

Mi dispiace dinù di pone tutte ste quistioni ma mi pare chì u "formulaire" ùn funziona micca (o ùn aghju micca trovatu cumu fà... (furmatu " .psd " ?)

14.mandatu da babbò u 09/01/2014 18:13
Tutti i Corsi si ponu registrassi,andate nant'u situ di a Cunsulta ,ci so tutte e spiegazione,pudete vutà per a Cunsulta e per l'elezione francese s'ellu vi face piace,postu che a Cunsulta un hè mica ricunnisciuta per e legge francese

15.mandatu da babbò u 09/01/2014 18:13
Tutti i Corsi si ponu registrassi,andate nant'u situ di a Cunsulta ,ci so tutte e spiegazione,pudete vutà per a Cunsulta e per l'elezione francese s'ellu vi face piace,postu che a Cunsulta un hè mica ricunnisciuta per e legge francese

16.mandatu da babbò u 09/01/2014 18:59
Cunsulta per a nazione.free, eccu l'indirizzu

17.mandatu da ghjuva u 09/01/2014 19:58
corsica naziona solla sperenza!

18.mandatu da Calvoise u 09/01/2014 21:33
Vi ringraziu Babbò è mi scusu dinù ma à l'indirizzu "http://www.cunsultanaziunale.net/" dicenu chì l'indirizzu "http://cunsulta.free.fr/" hè : " un site commercial créé par des individus non identifiés [qui] utilise l'ancienne adresse de la Cunsulta (BP 98 Corti) pour proposer l'attribution marchande d'une "carte nationale d'identité" ".
E, nant'u situ " http://www.cunsultanaziunale.net/ ", u furmulariu hè in " .psd " è ùn u possu micca apre...

19.mandatu da bonna aventura u 09/01/2014 22:38
U clanisimu campera sempre ,una micca culore puliticu ,hé cumé a rimigna e so radiche so prufonde e ghjunghjenu a tucca a tutti ancu i furesteri ghjunti pocu fa ,e chi volenu firmassi qui. Qualé u patrone di l'acqua di l'étricita ect ect e u mere ,u ghjornu di l'elezzione ci vulera fa ritornu

20.mandatu da MARCUCCIU u 09/01/2014 22:46
UN CIVOLE MICCA ANDA A VUTA PER TUTTI SI MANGHIONI SI TICHIONI CHI PORTANU A CORSIA A CATERNU ......

21.mandatu da babbò u 10/01/2014 12:05
Cunsulta free . fr criàta pa J.P. SANTINI

22.mandatu da stumacatu u 10/01/2014 16:43
Quasi tantu elettori che abitanti : un c'hè dunque micca zitelli ne stranieri in Portivechju...

Ma lasciate corre : i portivechjacci un so micca scatenatti contra que ma contra a i ghjovanni chi defendenu l'
Arrêtés Miot
fendu fochi davanti u liceu...

Corsica Nazione ?

Mancu capace di capisce che hanu da perde case e terreni, allora difende a Corsica...

23.mandatu da ghjuva u 10/01/2014 18:21
sustegnu a sti ghjovani .....lotta ghjuventu dide lavene di stu populu chi smaricce pianu pianu...

Novu cumentu :