Accueil
Envoyer à un ami
Version imprimable
Partager

Elicotteri scimuliti, Cannabis à buzeffu, Baccalà per tutti, Tecktonik, Talibani è a famiglia Corleone...



E newtizie settimanale: Sabbatu u 12 di lugliu 2008
E newtizie settimanale: Sabbatu u 12 di lugliu 2008

Un elicotteru per a droga è un antru per u prifettu!

Si parla assai d'elicotteri in Corsica. Cumu serà ch'elli saranu sempre ficcati in i culpacci? À quandu trasportanu a droga, à quandu sò à giru per u prifettu è tricanu à salvà una zitella...

Nepita connection
È si riparla di a droga. 17 personne arrestate è piantazione di cannabis trove ind'è parechji traficanti. Soca, a nepita, ùn averanu mai pruvatu à fumà la...

Baccalà per Corsica!
Sò cascati i risultati di u baccu. S'è quasi ognunu l'hà avutu, cum'è ind'è l'école des fans di Jacques Martin, ci vole à salutà quantunque à una bastiaccia, Marie Mouriès. Incù una media di 20, l'hà impalaficcati à tutti! È quale simu? "Simu capre chì femu umbeh"???

Ballemu a Tettonica
A Corsica oghjinca hè in cima di u prugressu.Simu "tendanse". Ùn mi cridite? Andate puru in Bunifaziu induve i giovani russignoli amparanu à ballà a tecktonik. Aiò, venite cù mè !

Mafiosa, in live !
Fermanu duie tradizioni quantunque. E più pessime bella sicura! 2 omi anu tombu a so moglia. Pane è pernice, affari di casa, ùn si ne dice. Listessa per a squadra di a Brise de mer o l'amichi di Jean-Jé Colonna. A pulizza conta i morti. Unu à tè, unu à mè... Aspettemu tutti a fine di stu filmacciu di l'estate per sapè quale serà u prussimu rè di Corsica? Pudete vutà mandendu ci un SMS à 3€99. Scrivite 1, per a Brise de Mer, 2 per i suttanacci, 3 per a mafia Russa, è 4 per un antru gruppu.

À u museu o à a morga?
Infine, e lingue saranu forse ricunisciute in a custituzione. I diputati anu vutatu un amendamentu novu, à l'articulu 75... Mentre i senatori avianu mandatu e lingue da u museu à a morga, u corsu torna in u "patrimoniu naziunale di a Francia". Quantu custerà u ticchettu di u museu?


Per sta simana, femu la finita. Bastarà, chè?





u 12 di Lugliu 2008
Sbanditu



1.mandatu da estrimei u 12/07/2008 23:04
o sbandi' ,
assai sensatu u to colpu d'occhju nantu l'ettima scorsa , ma ti si scurdatu d'ammentà i "corses a l'Elysée " ,ste persunalità scelte per andà a fà onore e a ringrazia.... a republica francese

2.mandatu da Sbanditu u 14/07/2008 14:12
Hè vera chì ghjè un evenimentu impurtante. Si mai, ne riparleremu quandu saranu turnati ind'è noi, per sapè ciò ch'elli averanu dettu à Sarko o à Bachar...

3.mandatu da ribella u 15/07/2008 14:44
Certi di quessi si sò PIGLIATI certe girate! Vi ricurdate? ERI,OGHJE,DUMANE...O dinu Donne Corse ! Sò sicuramente ben pagati !
E vera chi i servizii speziali cercanu sempre à cumpravisi ...è s'è vo site in bisognu o cumprevule cù viaghji , spuntini, piazze , solli ò milaglie site leccu!
Vanita di è vanita....(Ecclesiastu).

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta