Accueil
Envoyer à un ami
Version imprimable
Partager

Era megliu nanzu...

In u quatru di u "Campiunatu Mundiale di u N'importa Chè", a Municipalità Bastiaccia hà marcatu un bellu puntu. Un bellu logo, novu novu, è chì ùn sente propiu di nunda...



L'ora era troppu grave, i Bastiacci ùn pudianu più stà senza u so logo novu novu, e manifestazioni, u disòrdine è l'anarchìa si fecìanu troppu periculose per a securità di i citatini, ci vulìa à tutti i patti à cambià u logo di a cità di Bastìa. Nant'à a Traversa falàvanu i curtei di Hooligans scatinati, nant'à a Pià si battìanu ogni ghjornu bande di sgaiuffi impistati è pronti à rompe tuttu per ottene un nuvellu logo. Via, l'affare era pè imbruttassi da veru è a Merrìa hà messu e mani in pasta...

A Municipalità hà dunque vulsutu calmà a so ghjente è hà ingagiatu un spezialistu Francese di i logos per ch'è n'àppiimu unu di quelli ancu noi. L'anu pagatu. U risultatu hà rassirinatu a situazione, appaciatu l'azizumme generalizatu è imbellitu a vita cutidiana di i Bastiacci :

Era megliu nanzu...

Micca male, chè ?

Torna una bella prova, un logo chì suda l'essezza Bastiaccia. Un bellu logo, chì nunda ch'à vèdelu ci face pensà à Bastia. U rossu, l'aranciu è u giallu sò custì à ramintacci i culori caldi di e nostre facciate è e forme attundulite spèchjanu u caràtteru baroccu assai spartu in Bastìa. Eccu per a spiegazione ufficiale. Bonu..

Noi altri chì truvemu sempre à chì dì è à criticà, pensemu quantunque chì stu pòveru logo raprisenta à Bastìa solu perchè anu scrittu u nome di a nostra cità sottu à u disegnu. Ch'osinnò, puderebbe esse ancu astra robba :

Era megliu nanzu...

Era megliu nanzu...

Era megliu nanzu...

Era megliu nanzu...

Era megliu nanzu...

Era megliu nanzu...

Dumenica 6 Dicembre 2009
Ussamà Ben Lazezu



1.mandatu da Pietro Mastroleo u 2009-12-06 19:37
questo logo è una schifezza!!!!!!!!!!

2.mandatu da Heliofobu u 2009-12-06 21:00
Aoh basta. Digià, stu scumpientu artìsticu hè degnu di u peghju tatooaghju tribale ch'omu pò vede annant'a u cusciottu di a prima closcia di surfore ; mà sopratuttu, quant'averà custata una carnavalata simile ?!

3.mandatu da Küg u 2009-12-06 22:38 (da un teleffuninu)
Aspettate pè l'annu chi vene e nove magliette di u Sporting incù sta purcheria

4.mandatu da GWM u 2009-12-06 22:43 (da un teleffuninu)
È ben intesa a pupulazione bastiaccia ùn hè mancu stata cunsultata un cazzu prima di cappià st'orrore nant'à u mondu

5.mandatu da chinadafa u 2009-12-06 23:15
Ghje tisicu ma u peghju ghje ch'ellu hà custatu una furtuna...

6.mandatu da miccaèbastiacciuinnizza u 2009-12-07 13:17
parenu fole ! !!!

7.mandatu da U Tumasgione u 2009-12-07 14:00
A mè, mi piace ! ! ! !

8.mandatu da rughjatore u 2009-12-07 14:12
Riazzioni spuntanea d'u mo babbu davant'à sta maravidda :

"C'est un truc de pd ça!"

Tutt'hè dettu mi pari...povara Corsica...

9.mandatu da harry chrisnà u 2009-12-07 20:17
chì maraviglia ! E' quantu hè custattu stu bellu fiore ? hè un invitu à a preghera ? Si dicerebbe ch'ellu hè un "rond point", nò? Almenu ch'ellu sia u logo di campagna di i zuccarellisti (on tourne en rond) ?
Eviva Bastia senza sale, senza stintu, senza nunda...
Bastiacci, aspettatevi à ben' peghju da quì à 20 anni ..

10.mandatu da Urelianu u 2009-12-08 02:16
tutta a francisata in un disegnu...

11.mandatu da miccaèbastiacciuinnizza u 2009-12-08 12:05
Cunvintu chi peghju ci aspetta aghjunghjaria "simu in u bellu passu" !

12.mandatu da KÜG u 2009-12-08 17:07
listessi culori di u vomitu

13.mandatu da culomba u 2009-12-09 20:28

Ùn sente micca à nunda, face "Setta" ! povar"à noi, circhemu sempre a "luce" fora è buschemu luminelli...

14.mandatu da piratella u 2009-12-11 14:30

Avà hè a bandera di Mirvella LOL

cf "a gazetta di Mirvella"

15.mandatu da Bragaghju u 2009-12-11 16:48
Bravu l'artistu, avisu di prufessiunale !
Dicendu "l'artistu" parlu di u sgiò merre, avete capitu ...
Vi dumandate quantu a custatu ? Eccu (infurmazione : kob-one.com) :
- Piccula impresa : da 150 à 1000 €
- Impresa media : da 3500 à 8000 €
- Grande impresa : da 10 000 à 15 000 €
Vi lasciu induvinà quant'elli averanu pagatu elli ... (in quantu à mè 10 000€)

Vi prupongu qualcosa : mi dite ciò chì rapresenta per voi a cità di Bastia è vi facciu un logò gratuitu, ghjustu per mostrà à l'altra Zucca quantu ellu hè baullu d'andà à circà altrò ciò chi ellu pò avè quì !...

16.mandatu da piratella u 2009-12-11 22:37

San Ghjuvà?

A Citadella?

U palazzu di i guvernori

A torre cù i lioni

u vechju portu

17.mandatu da Bragaghju u 2009-12-12 00:15
Ripigliu ciò chi aghju dettu sopra.
U cullettivu di graffisti cuntatatu da a meria dicjhara nantu à u so situ chi u primu prezzu hè 800€ HT (senza precisà a categuria di l'impresa). Ci fà sapè qualcosa interessante : l'ultima scelta hè quella di u cliente !! A meria di Bastia hà selezziunatu "u più bellu" trà i 100 pruposti (da 50 à più di 100 sugerimenti) !!!!

Continuate à dami i vostri parè (ponu esse ancu sentimenti o nuzione astratte). Travagliaraghju à nantu à què.

18.mandatu da Cumpalliols u 2009-12-12 09:59
Micca troppu goffu, per una volta (stu simbolu di Bastia hè sempre più bellu ch'è u merre, dighjà), ma cosa riprisenterà ?
http://appuntamentu-corsu.forums-actifs.net/

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter