Accueil
Envoyer à un ami
Version imprimable
Partager

Estate 2008 : rancichi, avà ci vole à pagà !



Qualchi mesi fà, avemu lampatu sta chjama (naziunale>>>>> porta) contr'à u rancichisimu ind' i bars è altri lochi di suciabilità. Trà i periculi chì divastanu a sucetà corsa, aviamu dinunziatu quellu di i castichi umani chì ùn mettenu mai a soia. Inn'u 2007, speriamu chì e lezzione fussinu amparate mà u custattu per u 2008 rimane chjaru: i rancichi ùn volenu sente nunda, sò sempre di più rancichi, è avà, l'affare sò in francese, cum'è si dice.

L' aviamu dichjaratu per tutti i Santi di u celu : in u 2008, ùn li servimu più ! Eppo... Intrappulati ind'a notte bastiaccia, pigliati dà a cuntentezza di ritruvassi incù l'amichi, beiendu un colpu, avemu fallitu... U rancicu chì beie à contu vostru dapoi tanti anni s'affacca, è, ghjuntu u mumentu di mette a vostra, spunta da u bughju... Vi colla è vi fala, perchè avete presu e vostre risoluzione per u 2008, ma quandu furmulate a sempiterna quistione "è tù chì beii ?", ùn pudete fà altru chi di dumandalli... Un mumentu di sulitudine tremendu...

Ma ùn semu micca soli à crede chì pudemu cambià e cose, allora, fate u piacè ! Chì a nostra mossa ùn diventi micca una bancarotta ! L'estate s'avvicina, incù e so prumesse di turnate... A lotta cuntinuveghja: avemu persu una battaglia ma micca a guerra ! Forti saremu s'è uniti semu !

Estate 2008 : hè mortu Rigalinu, sta volta ùn li servimu !

WE DON'T SERVE !

A dice ancu u dizziunariu corsu, à l'articulu turnata : Inseme di e beiende offerte è pacate da qualchidunu in un caffè"... L'umani mettenu a soia !

u 1mu di Ghjugnu 2008
BOBZOMBIE



1.mandatu da Johnnie Walker u 02/06/2008 03:50
Una bella lezione di murale. Ma, per disgrazia, é cumu si dice in Francese : "Qui a bu boira"... Auncu se quantunque ci vole à sperà chì nò !

2.mandatu da Zipulone u 02/06/2008 07:05
Attenti
qualchì mesi fà qualchì hè seguitatu da un singulare
unipochi di mesi fà pare più "currettu"

3.mandatu da GWM u 03/06/2008 00:45
l'esempiu ghjunghje da luntanu mà ghjove ! Barack Obama ci sustene è sopratuttu ha messu a soia :

http://media.philly.com/images/20080421_inq_ca1trail21z-d.JPG

4.mandatu da Chiorboli u 29/08/2012 10:21
Ci hè statu cummenti novi dopu nant'à quellu di ZIPULONE di u 02/06/2008:
"Attenti
qualchì mesi fà qualchì hè seguitatu da un singulare
unipochi di mesi fà pare più "currettu" ?
Saluti, Chiorboli

Novu cumentu :