Accueil
Envoyer à un ami
Version imprimable
Partager

Et qui on est ? I più poveri di Francia

Ciò chì hè bè cù a miseria, hè ch'ellu ci n'hè per tutti. Passanu l'anni è impeghjurisce a situazione ecunumica è suciale di a Corsica. Bastanu ste trè carte di L'Atlas du chômage en France di Le Monde per capiscela.



A miseria a più forte di Francia

14% di a pupulazione di Francia campa cun menu di 1000 € à mese.

In Corsica ne semu à 20,4 % di a pupulazione. Cù u record naziunale pè a zona di Ghisunaccia - Aleria : 25,2 %.

Cummentu di Le Monde :

En Corse, d'autres problématiques sont à l'oeuvre, d'après une étude réalisée par la collectivité -territoriale : précarité liée à la saisonnalité de l'emploi dans plusieurs secteurs importants de l'économie insulaire -(tourisme, BTP, agriculture) ; conditions de vie difficiles des personnes âgées isolées, notamment en milieu rural ; pauvreté des enfants et des jeunes, y compris des jeunes travailleurs en milieu urbain.
Et qui on est ? I più poveri di Francia

I rivenuti i più bassi

In Corsica i rivenuti sò frà i più bassi di Francia. È u scartu trà i più ricchi è i più poveri hè ancu più impurtante ch'è in altrò. A sucetà corsa hè a più inegualitaria.
Et qui on est ? I più poveri di Francia

I giovani fora

Altra infurmazione spaventosa : hè in Corsica chì a ghjuventù hè a più squalificata. Ciò chì in francese si chjama "décrochage scolaire" sò i giovani esciuti da u sistema sculare senza diplomu o qualificazione. Ci hè una grande disparità segondu l'accademie : 19% di i 15-24 anni per quella di Rennes, 33% per quella di Montpellier.

In Corsica ne semu à 36,5%. È si colla à... 41% pè a zona di Sartè - Prupià.

Più d'un terzu di a ghjuventù corsa principia a so vita senza grande sperenza di fanne qualcosa. Hè l'indicatore u più spaventosu d'una sucetà malata di manera prufonda.
Et qui on est ? I più poveri di Francia

Dati : Le Monde / INSEE

u 25 di Marzu 2017



1.mandatu da Pseudone u 25/03/2017 17:51
Décrochage scolaire = échec, manque de confiance, mythe de l'argent facile, drogue, acculturation...

Simu male da veru

Quandu l'eletti a capisceranu?

2.mandatu da Francesco u 31/03/2017 15:23
Curaghju, amichi Corsi!

3.mandatu da estrimei u 01/04/2017 09:04
articulu ghjuviziosu !
a Corsica di una manera statìstica hè a più poera di Francia , ma se n'andavamu più prufondu per cunosce a sorte di u Populu corsu - quellu chi hè puntatu fora , quella chi hè suttumessu a leggi fatte per mandallu fora di casa soia- ?
a Corsica disgraziata ?
site scimiti ?
fiighjate ste vitture , sti battelli , si vestiti di lussu , sta ghjente chi in pochi anni so diventati ricconi chi facenu cummerci di più maiò che una cità (e chi sò un gattiu esempiù pè a ghjuventù).
perche un'ecunumia ci hè ; ci sò ancu l'uffizii pè u so sviluppu (u turisimu , i trasporti , l'adec, ...) :
i turisti ghjunghjenu, l'osterie empienu e coste, ci hè di più case che ghjente .... e crescenu sempre
..... e a tempu , a furmazione , l' impieghi pè a nostra ghjuventu ùn ci ne hè .
a i nostri li mettenu in capu e "startup",u bisognu di girà stu mondu (rimundulatu ) e u sollu fàciule ...mentre chi l'astri (tutti l'astri ), pianu pianu , quì , piglianu a piezza e s'imponenu .

a cullettivitai hà decisu di fà un sforzu pè i più disgraziati , tantu megliu !
ma forse ci vuleria a truvà u mezu di fà chi i nostri àppienu l'appoghji per ch'elli pòssinu campà di una manera degna in casa soia (ancu si a legge frencese c'impastughjeghja )

so d'accunsentu 'ncù Pseudone

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta