Accueil
Envoyer à un ami
Version imprimable
Partager

"Et si on vend la Corse" ?

In l'emissione "C dans l'air" Yves Calvi si dumanda ciò ch'ellu accaderia "si on vend la Corse". Cunclusione : "ça peut faire rire".



U dibattitu era intitulatu "Risque catalan et contagion indépendantiste" (digià, a scelta di u tìtulu...). In a discussione, Yves Calvi (chì ùn hè micca balaninu), si dumanda "et si on vend la Corse ?"

A dumanda ùn pare micca stunà u so invitatu.

Ma Yves Calvi ci tene à a so idea, è face u paragone cù i Grechi "qui vendent leurs îles pour combler leurs déficits...". Per cunclude chì "si on vend la Corse ça peut faire rire, enfin ça ferait du débat", cuntentu cum'è un pichju di a so cacciata puzzicosa.

Peccatu chì a cunneria, ella, ùn si possa vende.

À prupositu di a "vendita" di Ghjenuva à a Francia in u 1768, Voltaire scrivia : "Il restait à savoir si les hommes ont le droit de vendre d'autres hommes : mais c'est une question qu'on n'examinera jamais dans aucun traité".

Vende è cumprà i populi, una vechja passione culuniale.

U forum Isula s'hè spicciatu di fanne un filmettu :


"Et si on vend la Corse" ?

u 5 d'Utrovi 2015



1.mandatu da OKIBERGOGNA u 05/10/2015 20:56
digià chì ùn lu pudia pate ma avà po allora...

2.mandatu da Cesaru u 05/10/2015 22:05
a nostalgia di e culunie, di u tempu quandu l'omini e i populu si cumpravanu, di quandu l'aborigeni e i negri eranu mustrati in l'espusizioni, di "la grandeur de la frônce" de Dunkerque a Tamanrasset, di a supremazia di u biancu nantu u restu di u mondu.....

un poveru tippu

3.mandatu da Zeruffu u 05/10/2015 23:06
Femu cum'è i Catalani è dicemu Bye Bye à tutti st'inculati. Saranu in zerga, è vederemu qual'hè chi ride l'ultimu.
Femu un paradisu fiscale, chjamemu i soldi senza tasse, è lasciemuli campà nù la so merda. Da quì à cinquant'anni, ogni tandu, a Francia ùn esisterà più.

4.mandatu da Zeruffu u 06/10/2015 00:20
Aghju guardatu l'emissione sana.
Mi sò accortu d'un affare : Yves Calvi era assai azezu, è à dilla franca impenseritu. Di sicuru, hà ricevutu e so istruzzioni da u so patrone, France-Télévision. Tutti l'invitati sò quì pè insultà i Catalani (scopu 1) è dinò pè assicurà chi u fenomenu ùn avrà mai cunsequenze in Francia.
Ogni volta ch'ellu parla, si vede chi Calvi pensa à a Corsica. A le volte, li scappanu certe parolle cum'è : "On change d'île", "La Corse", "On vend la Corse", "Il n'y a pas eu de bombes", ecc.
Muralità : ANU PAURA.
I Catalani mettenu a panica, è sò in zerga i Francesi.

Allora, cum'è me, cumminciate à pensà à una suluzione chi dà i soldi è mette fora tutti sti sguaiuffi :

FEMU UN PARADISU FISCALE E CAMPEMU RICCHI SENZA ELLI.

5.mandatu da OKIBERGOGNA u 06/10/2015 07:51
per quessa chjamemu à Stephanie Grimaldi chì ella ci capisce...

6.mandatu da estrimei u 06/10/2015 08:05
scuserete , ma eu , i miò rimproveri i feraghju a quellu chi ha fattu st'articulu e a tutti quelli chi vanu a fiighja i Calvi ,a Pujadas, a i so "experts" e a tutta sta mansa di "nouveaux chiens de garde"(quelli chi un sabbete ciò ch'ell'hè , pichjate una ricerca e andate a vere per apre l'ochji .)

a Demucrazia impone l'infurmazione , ma l'infurmazione ùn hè micca , franca l'emissione di Elise Lucet , a prupacanda di a televisione , pùblica o privata , frencese .
spudà nantu a Calvi ùn ghjova a nunda !
ùn andà a fiighjà , cumu simu parechji a falla , e so emissione di prupacanda face prò a u cerbellu e a sballurizeghja -ciò chi ghjova a a Demucrazia -

7.mandatu da ghjuvanluca u 06/10/2015 09:55
"Risque catalan et contagion indépendantiste".............????Rischiu e Contagiu....sulamente pa à Francia e pài tutti i guverni chi campanu di ricordi (culuniali).L'esempiu Catalanu e di a Scozia è ù futuru pà un'Auropa di i populi,Libera e Demucratica. Positivu sopra a tottu, parchì ellu è senza viulenza e in punta di dirittu (a chjama di ù votu populare)
A Corsica in vendita?Vergona!!
Sò argumenti chi riempienu è bocche di pulitici scadenti (in Sardegna certi annu fattu a pruposta di andà cù a Sguizzera....ù "Cantone Marittimu") ; elle sò scorciatoie pà chi di indipendeze e libertà si ne infutte. U futuru è sulamente nustrale.

8.mandatu da ogadali u 06/10/2015 18:03
ma per vende ci volenu i papiers è i papiers qual'hè chì l'hà?

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta