Accueil
Envoyer à un ami
Version imprimable
Partager

Etat de droit : hè digià cascata una "machine à sous"

Manuel Valls hà prumessu un ritornu di "l'état de droit" è sta volta hè di ritornu in veru. Hè stata truvata una vechja "machine à sous" rughjinosa in un bar di Lupinu.



Etat de droit : hè digià cascata una "machine à sous"
"L'Etat de droit", face 50 anni ch'ellu si ne sente parlà, tutti i ministri u prumettenu, ma ùn s'hè mai vistu.

Sta volta ci simu da veru. Manuel Valls hà ripetutu 143 volte dapoi duie settimane chì "la Corse, c'est la France" è chì sta volta ùn ci vulia più à deccunà.

Hè finitu u tempu di i maffiosi, i scrucconi, i banditi, i malfattori, i trafficoni, i gattivi è l'assassini chì facenu ciò ch'elli volenu in Corsica (Corse-Matin di u 24 nuvembre : Règlements de comptes en Corse: 85 crimes, une résolution).

Avemu amparatu oghje chì in bar di Lupinu hè stata truvata una vechja "machine à sous".

Finata a guerra di e pulizze è u tempu di "l'impunité", ùn si ride più.

Brise de Mer, Petit Bar, Casinchesi, amichi di Jean-Jé, trafficoni di u BTP, rivinditori di droga, spezialisti di e mudificazioni di a lege liturale, fratelli di i Russii, bettunizatori, trimate ! U Statu hà digià cumminciatu à rimette l'ordine.

In più, u bar di Lupinu vindia sigarette di manera illegale è avia un impiegatu "à u black" in arrestu di malatia.

Sta volta, "l'état de droit" hè veramente di ritornu.

u 26 di Nuvembre 2012



1.mandatu da ANTO u 26/11/2012 16:40
Ci vole un principiu a tuttu ,ma ci vole dinò chi cume d'abitudine "mortu Christu ,spenti i lumi "

2.mandatu da aiotuttiifratelli u 26/11/2012 17:17
trimate o sgaiuffi ....Ci piglianu veramente pa campane!

3.mandatu da HANK u 26/11/2012 23:22
mi ramentu chi u nostru caru Bonnet avia cumminciatu cusì
Ci manca u raportu Glavany e quelle emissioni di "envoyé special" è tandu avemu a squadra cumpletta.
Issu Valls hè capace di facci un bellu impiastru !!!

O Corsica, a Francia ùn t'hà purtatu chè malanni

4.mandatu da Corsican Parano u 27/11/2012 13:39
Ci vole à sapè, dinù, chì vicinu à stu caffè pienu à malfattori di prima trinca, ci hè unu di i principali punti induve si rivende droga inde a Corsica sana ! Forse chì i flicchi un anu lampatu un occhju à u so GPS...

Novu cumentu :