Accueil
Envoyer à un ami
Version imprimable
Partager

Evviva i Tacchi !

Sò i tacchi, alti alti di sicuru, chì permettenu à e donne si francà si di e so paure. Porghjenu cusì una maghjina di donna liberata è indipendente. Infine, li aiuta à crede la...



Evviva i Tacchi !
Quandu a liberazione di e donne allusinga l'ochji di l'omi...
Di fatti, s'elle sò pronte à intaccà si ghjurnate sane, à marchjà nant'à e ricciate vechje, e cotule è i tufoni, ùn serà micca solu per u sintimu di libertà datu li da i tacchi... Unepoche, micca avvezze à sti scarpacci, parenu saltichjà cum'è capretti. In quantu à l'altre, parenu ghjucà à a pampana, cum'è quandu elle eranu zitelle. Allora, s'elle strazianu tantu, hè solu perchè à l'omi li piace à fidighjà le è perchè li piace... I tacchi, più sò alti è fini, più incalcanu e forme di e donne è allonganu e so gambe...

I tacchi è a libidò
Ma s'elli ci danu u caldu i tacchi, un studiu scentificu seriu hà palisatu dinù chì e donne chì i mettenu si tenenu megliu. Sopratuttu, averianu i musculi pelviani di più sviluppati chè l'altre... Più anu tacchi alti, più vi colla a brama è più t'anu una libidò di quelle maiò...

Lampate tuttu!
Allora, ancu puru s'è no simu in tempu di crisa, ancu puru s'è serete ubligati à tichjà vi di pomi o di pomi fritti Mc Cain, lampate tuttu! Lampate i so scarpi vechji! Lampate i so scarpi piani, e so tennis fraciche è puzzose è rigalate li un paghju di tacchi!

Una corsa di pezzò
Da compie sta riflessione tremenda è da ramintà vi quant'è elle sò belle e donne intaccate, guardate puru stu filmu. Era in Sidney. 200 dunnucce addunite da fà una corsa in tacchi. S'è l'aviamu sappiuta nanzu, i 460000 € dati à u giru di Corsica è à Sébastien Loeb, l'averiamu dati à l'urganisazione in Corsica d'una simule corsa... Chè?

u 21 d'Utrovi 2008
Sbanditu



1.mandatu da mariuccia u 29/03/2010 09:27
ma ùn capite micca!! qui simu assai chjuche, allora i tacchi simu obligate di purtali pe pudè à vede u mondu ! pruvate puru...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta