Accueil
Envoyer à un ami
Version imprimable
Partager

Facebook vs Pastizzu

U fenòmenu hè tracunnisciutu avà, ma sti pochi tempi u libbrone di Facebook inzeppisce sempre di più ogni ghjornu è micca si vole arreghje. Dìcenu ancu ch’ella hè a Còrsica à avè osservatu a crèscita più impurtante in u 2008 per e cunnezzioni è e scrizzioni. Vi ne serete avvisti ch’ella hè verità : tutti si scòntranu avà spassighjèndusila pè quellu Facciabeccu. L’avereta dinù po intesa quessa a cacciata : « tu y es pas sur Facebook ? Aiò ya tout le mondeu o gloscia! ».



Facebook vs Pastizzu
U discorsu ufficiale di i membri hè chì l’affare li permette di pudè piglià nutizie di l’unu o di l’altru, di mantene l’amicizie cun ghjente chì ùn si ponu scuntrà abbastanza spessu, di pudè mandà l’auguri di capu d’annu o di pregà bona festa è bon aniversariu più fàciule è tralallà… Un cornu sì ! Sò pochi à ricunnosce chì l’interessu maiò hè di buscassi à qualchissia, sta manera virtuale essendu sempre percepita cum’è quella di i pinzuti for’di mondu chì ùn cunnòscenu à nimu nù e so periferìe tamante…

A segonda a vi dicu eiu hè sta vuluntà ch’elle anu e ghjente d’impone è di ficcà a so chignaccia nant’à u web per circà d’esiste. È custì tandu si càmpanu. Tutti tutti vi dicu. È tuttu u mondu ci si monta una sega di quelle : imbelliscenu e donne, si trasformanu i tippi, ingiuvanìscenu i vechji è invèchjanu i (troppu) giòvani, citatini làmpanu elogiu à i so paesi cari chì ùn ci còllanu mai è paisani mòstranu ch’elli ùn sò cusì selvàtichi. Ci sò i belli, i grassi è i groppitondi, selibatàrii sunnièghjanu di truvacci l’amore è l’accuppiati si ponu tene qualcusella à u caldu sì casu o mai, barbuti è finochji, sburgnoni è santochji, pulitichi è persunalità cunnisciuti (o micca abbastanza), prufeziunali o disimpiegati, intelettuali è closce. Tutta sta ghjente si cappia alegra di pudè sciaccà l’ultime fottò di e so scimie o di e so surtite cun l’amichi o in famiglia.
Ùn sciàccanu ancu u so estru di u mumentu ?! Quella palesa à tutti ch’ella hè in depressione per attizzassi qualchì porcu in dirotta è l’astru vi lampa à scrittura grassa ch’ellu hè in piena forma soca per fà cagà à l’anziana amica chì l’hà cappiatu cum’è una calzetta intufunata.

Mentre ci lagnemu di sta pazzìa pè a securità à tutti i patti, primura mundiale di i guverni è di e pulizze di tutti i paesi, quelli scrianzati fàcenu u so travagliu à a pulizza chì tandu sà tuttu di a vita, di l’orientazioni pulìtiche, culturale, religiose è sessuali di i so suspetti, è ancu di l’astri chì ùn dumàndanu nunda.

I senterete avà, tutti i casch’è pienghje di a creazione chì fùghjenu à stanghittassi in casa appressu à facciabeccu. Hi ! Hè tutta ropa per i pinzuti, eiu ùn ci entru in ste tràppule quì. U veru Corsu si ne stà à comptoir à beie u so pastizzu troppu zeppu è à manghjà e so chips passate è secche secche ratachjendu cun l’amichi appressu à tutti e guappe chì pupulèghjanu stu mondu.

Perchè st’ànime perse è gioiosi murtuloni chì pascenu è venenu pè Facciabeccu, ci vulerà à ricunnosce chì s’elli ci si vèdenu, ùn si ponu sente...

Tenì, metitàtevila quessa !

l'8 di Ghjenaghju 2009
Carlu Biera



1.mandatu da Corleone u 08/01/2009 09:19
Da leghje dinù nant'à Facebook: A mafia o i petti?

2.mandatu da estrimei u 08/01/2009 09:51
so d'accunsentu 'ncu stu scrittu. capiscu chi i zitelloni laziosi pensinu d'ammaestrà u mondu per via di stu strumentu ; ma pianu , o ghjente ! dicenu chi " facebook " he adupratu per incartà quelli chi ci participeghjanu.
he vera , dinnu, chi tutti i nostri scritti o u nostru parlà , in corsu o in astre lingue, nant'a stu foru cume nant'a l'astri o nant'a i media , so aduprati per servizzii chi ci mettenu tutti nanta cartuline.Ma in listessu tempu ci temenu , e he per quessa ch'ell'un ci'ole a piantà !

3.mandatu da GWM u 08/01/2009 11:14
Duru mà...

4.mandatu da Piratella u 08/01/2009 16:35

Tuttu ùn hè cusì neru...

Hè un novu modu di rilazione chì nasce, ùn ci si pò fà nunda... U mezu hè ciò ch'elli ne feranu a ghjente, s'elli sò intelligenti serà un modu intelligente, s'elli sò stupidi, serà stupidu, cum'è e so rilazione in cità, in paese, ecc...

Hè dinù adupratu da gruppi di Corsi per sparte è sparghje a lingua corsa (cum'è quelli di u Foru), per difende certe cause, è simpliciamente per mantene una leia cù quelli chì sò luntanu. Ci si pò leghje puesie, mancu male.

È sè certi si cercanu u scontru amurosu (o di culu), perchè micca? Hè più discretu chè Meetic., lol

5.mandatu da Marcu Zuccaberg u 08/01/2009 16:51
fighjulate bè a fiura di l'articulu ! ci so tutti: milou, barbier, thierry, kad, battistini, derec, etc.

6.mandatu da Tronscia u 09/01/2009 15:15
O piratè,

ciò chì si pò rimpruverà, micca à Facebook è nè mancu à quelli chì l'adopranu senza abbusu, ma piuttostu à quelli chì si ne techjanu hè ch'in Corsica, a nostra sucetà hè à dimensione umana è ùn chì dunque ùn ci hè bisognu à stà serrati in casa pè pudè discute cun l'amichi. Ghjè propiu cum'è a telè in i paesi: ùn ci hè nunda di male di stà a sera à fidighjà à telè, ma in tantu, ùn si vede più à nimu nè per sti caffè, nè à spassighjà, nè in piazza, è i paesi si ne morenu pianu pianu.

Vogliu dì chì, per una sucetà cum'è a nostra, ci vole à dà più impurtanza à u scontru fisicu ch'è à u (troppu) virtuale. Ste rete di relazioni virtuali sò fatte per quelli chì ùn si ponu vede quand'elli volenu, ùn simu micca in sta situazione noi quantunque!


7.mandatu da Tronscia u 09/01/2009 15:17
mi sò fattu un sbagliu:

....è chì dunque ùn ci hè bisognu à stà serrati...





averete currettu à di per voi

8.mandatu da OMU SERIU u 09/01/2009 16:02
Possu esse u vostru amicu ? clica quì , e sarè !

ohimè...

9.mandatu da Piratella u 10/01/2009 14:39

o Tronscia, hè propiu vera chì ci vole à dà più impurtanza à a rilazione cù i soi, cù i so vicini, in a vita d'ogni ghjornu è chì ci hè un risicu simule à quellu di a "droga"...Si pò perde u sensu di a rilaità. Ma què s'ampara pocu à pocu aduprendu 'sse tecnulugie è quelli chì ùn sanu gestisce st'affare à capu di un mumentu ùn sò tantu quenti in a vita cuttidiana non più!
Invece, a rilazione virtuale dà a voglia di scuntrassi (ùn parlu micca di culu, quì...lol) ; cunnoscu ancu giovani chì si vedenu tutti i ghjorni è chì si ritrovanu nantu à Facebook a sera, ma chì ci serà di male? Hè una nova "piazzetta", in cità, induve stanu da tutti i canti di a cità eppo ùn ponu sorte tutte e sere per vedesi...
Poi diventà "amicu" cù ghjente chì anu listessi interessi, listesse passione chè tè, è chì stanu luntanu. Eiu stò in Aiacciu, ma possu chjachjarà cù amichi in Bastia,Lisula, Portivechju, ch'ùn vecu mai...Rinforza a leia! u tuttu hè d'esse saviu in u modu di usanza...

10.mandatu da talavesu u 07/02/2009 10:42
parlu corsu ma un nu so troppu scriva
plutot que facciabeccu mettons nous au PATHLON ( petanque aperitif sieste) pour
reanimer les places i strette i caffe di nostri paese
une autre solution serait de supprimer les relais de television et de telephone
portable (si po sempre sunia)


11.mandatu da URNANU u 09/02/2009 13:19
attention.
le label "pasthlon" est une marque déposée et tout utilisateur indélicat s'expose à des poursuites judiciaires. par ailleurs l'interprétation qui en est donnée est absolument fausse, le pasthlon étant une discipline sportive très exigeante qui conjugue effort physique et apéro il n'est donc pas question de pétanque et encore moins de siseste.
PARINI FOLI !

12.mandatu da talavesu u 09/02/2009 15:01
o urnanu t aghiu ricunnisciutu

13.mandatu da talavesu u 10/02/2009 11:41
o urnanu chi ne dice se mutu

14.mandatu da URNANU u 10/02/2009 14:08
ô talavesu,
mi cerchi o chi ?
trovati dumani a 3 ori doppu mezziornu sottu u ponti di u taravu

15.mandatu da Romeu da Fiorenza u 10/02/2009 16:40
Eiu annantu à u meiu facciabuccu scrivu corsu, talianu, francesu è dinù inglesu!
Essè corsu hè ancu essè auropeu (ancù cittadinu d'u mondu) innò ??

16.mandatu da talavesu u 10/02/2009 17:34
o urnanu u ponti d abra ma ava so dui :sottu o novu o sott u vecchiu?
a te di scegli
a dumani

17.mandatu da Tumasgiu u 10/02/2009 20:53
Venite nantu u gruppu Mc Do in Corsica.

http://www.facebook.com/group.php?gid=23507816357

18.mandatu da dick u 11/02/2009 12:36
que mes amis corses me pardonnent de ne pas m'exprimer dans leur belle langue mais je la maîtrise assez mal quoique parvenant à la déchiffrer. si j'interviens aujourd'hui dans votre forum c'est pour dire qu'il y en a marre de cette polémique débile entre URNANU et U TALAVESU , alors messieurs, étripez-vous sous tous les ponts que vous voudrez, du taravo, du golu ou, du tavignanu (et pourquoi pas le pont mirabeau, le golden gate ou le tower bridge)mais cessez de polluer un espace d'échange qui n'a pas vocation à être le théâtre d'affrontements puérils. en plus je comprends mal votre différend vous êtes pourtant de la même région non ? alors cessez de vous disputer et allez plutôt boire un verre (pourquoi pas un pastis, pourquoi pas plusieurs ) au SAN PETRU à GROSSETO, établissement qui se signale par la chaleur de l'accueil et l'amabilité des propriétaires (publicité gratuite pour laquelle je ne reçois aucune contrepartie financière)

19.mandatu da talavesu u 11/02/2009 13:04
mon ami dick je crois que tu ne comprends pas trop la plaisanterie
je vois aussi que tu es d accord avec moi a propos du pastizzu
au plaisir de se rencontrer a la terrasse du san petru pour
un ou plusieurs pastizzi


20.mandatu da talavesu u 12/02/2009 12:37
o tumasgiu j espere que tu plaisantes
un mancaria piu che mc do in ne nosci loghi
megliu saria un beddu spuntinu e una partîta di
magagna

21.mandatu da URNANU u 13/02/2009 16:54
cher Dick,
lorsque j'ai lu ta prose grandiloquente le noble sang de mes ancêtres (illustre lignée de buveurs de pastis) n'a fait qu'un tour dans mes veines encrassées. ACCIDENTI ! (en français: DIANTRE ! ) me dis-je , quelle outrecuidance ! ce fol n'a t-il pas appris dans son pays que l'on ne se mêle point des affaires de famille ? mais j'ai été encore plus ulcéré par la réaction d'u talavesu qui t'invite, on croit rêver, à partager le verre de l'amitié. ce monsieur a-t'il quelque chose dans son pantalon en velours identitaire ?
VARGONA A TE CHI TI PRITENDI D'U TARAVU ! TUTTA L'ACQUA LINDA E PURA DI SU FIUMU UN TI PUDDARA MAI LAVA DI SA VIGLIACHEZZA !
pour en revenir à toi, cher Dickounet, en d'autres temps ton affront aurait été lavé dans un bain de sang, mais les moeurs de notre île ayant évolué, je te lance un défi plus pacifique, mais néanmoins exigeant, au pasthlon ( voir les règles de cette discipline à la FFP) et te propose de nous rencontrer à Grosseto au San-Petru, établissement que tu sembles connaître et apprécier, le samedi 21 février à 19 heures.
chi ni dicci o amigu pinzuttu ?
ps: la présence de la personne qui se fait appeler "u talavesu" n'est pas souhaitée.

22.mandatu da dick u 13/02/2009 17:41
euh... chers amis corses, vous voudrez bien m'excuser mais une affaire urgente m'appelle sur le continent. je ne manquerai pas de vous faire signe dès mon retour

23.mandatu da Romeu da Fiorenza u 13/02/2009 20:45
u pinzuttu s'hè spaventatu...

24.mandatu da talavesu u 14/02/2009 10:42
pa parla un pocu piu seriu credu ch in corsica
cumincemu a campa com in ogni loghu di francia
o d america .

25.mandatu da SUPRANU u 19/02/2009 17:29
un si senti più parlà di Urnanu e d'u Talavesu. forsi un si saranni micca scompii.
o amighi se vo seti sempri in vita datecci de voscsi nutizzie. e che diventa Dick. quant'a mè a presu paura.

26.mandatu da talavesu u 23/02/2009 20:10
o amicu supranu avemu fatt a paci urnanu ed eiu ci semu biti uni pochi di pastizzi o san petru c era ancu dick . a prossima volta ti chiamemu. cusi in quatru ci faremu ancu una
belote o una scoppa.a prestu forze

27.mandatu da talavesu u 27/02/2009 11:53
o urnanu chi diventi ti ni sta zitu e mutu .
e dick e sparitu?

28.mandatu da dumegia u 04/04/2009 10:55
Je vois que certains se font plus "méchants "qu"ils ne le sont vraiment !! (lol)
Donc nous serons tous là le samedi 21 février à 19 heures au San Petru pour une vraie explication .... et vive le PASTHLON

Novu cumentu :