Accueil
Envoyer à un ami
Version imprimable
Partager

Fashion Week in Aiacciu, malgradu a Crisa Mundiale

Cum'è Milanu, Parigi o New-York, a cità imperiale hè turnata à fà quist'annu dinù a settimana di a moda. Hè à mezu à e sfilate cuntinuve in i carrughji di a cità ch'avemu pussutu scopre l'ultime tendenze.



Fashion Week in Aiacciu, malgradu a Crisa Mundiale
Cosa ci volerà à purtà? À i pedi, sò di sicuru i boots! Ancu per quelle chì t'anu zancaroni simuli à quelli di i ghjucadori di ballò. Per i sacchi, di ghjornu, vi ci vole à purtà ne unu tamant'è u mondu, ancu puru s'è vo'site un tappucciu d'1,02 metru è ch'omu vi ci puderete ficcà indentru. Infine, da purtà à tutti i patti, una roba di seta incù una vesta di coghju da avè un look rock'n roll. Per fà la à l'accorta, postu chì u ridiculu ùn tomba à nimu, siate arditi è curagiosi!

Eppuru a nutizia di quist'annu, hè ch'elle sò casticate l'aiaccine. Dui prublemi di sucetà venenu à frasturnà i so prugetti.

Anzì tuttu, ci hè u scambiu climaticu chì disturba in veru a scelta di i vestiti. "Ùn si sà più cumu veste si! Simu passati da l'estate à l'inguernu in quattru è trè sette! Mi dumandu ogni matina s'ella mi tocca à mette i calzi o micca. Hè propiu un casticu per mè di gestisce tamantu affare", palesa una giovanotta chì preferisce firmà anonima. Precisa ancu : " Stu prublema risicheghja di durà. Cumu averemu da fà s'ellu torna u caldu di ghjennaghju? I magazini ùn averanu ancu ricevutu e cullezzione veranu-estate!"

L'altru prublema hè a calata di u putere cumpraticciu, duppiatu da a crisa finanziaria mundiale. In un dibattitu urganizatu nant'à stu tema, ognunu hà pussutu sparte a so sperienza : " Tempi fà, a faciamu sempre à buscà si un jean basicu à 150 €. Oghje, mancu à dì la! À mumenti, seremu ubligate à cumprà tuttu in solde. Per avà, aghju smizatu u numeru di e mo spese. Quist'annu, ùn mi puderaghju cumprà più chè 4 paghji di stivali. Mi tengu à l'essenziale!"

Ancu u campu di i sciali pare esse toccu. Quantu sò l'aiaccini chì ùn si n'anderanu chè una sola volta à u schì, contru à duie l'anni scorsi?

L'averete capita, l'aiaccini perdenu u murale. Ognunu spera chì tuttu turnessi cum'è nanzu abbastanza in furia, omancu nanzu à e spese di Natale!

Fashion Week in Aiacciu, malgradu a Crisa Mundiale

u 9 d'Utrovi 2008
A strega



1.mandatu da piratella u 09/10/2008 16:51
hè vera chhì a vita diventa cusì cumplicata!

Ricrutu donne pronte à lanciassi in a pirateria, pacu abbastanza per truvà à vestesi, almenu! Manghjà po, ùn averanu bisognu, ci vole à mantene a ligna!

2.mandatu da argh ! u 09/10/2008 23:35
s'ellu ùn si po mancu più fà a sbacca, induve andemu ???

3.mandatu da Poupona u 04/11/2008 09:22
Per ride si po leghje u libbru "la double vie de Pénélope B." chi parla di stu suggettu.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta