Accueil
Envoyer à un ami
Version imprimable
Partager

Fate u colpu di a panna, ùn andate più à travaglià !

Avete a scusa ch'ellu ùn ci hè più gasoil. Prufittatene, ùn andate più à travaglià !



Fate u colpu di a panna, ùn andate più à travaglià !
Spicciatevi ! Nanzu chì sta purcella di Clara (sapete, hè u pétrolier chì vene da Sardegna carcu à gasoil) empiessi e stazioni di Corsica.

Ch'è vo siate cunduttore di vittura à u diesel, à u senza piombu, à u GPL o à u Moussor, hè u mumentu di fà u colpu di a panna. Dite ch'è vo site à seccu è statevi in casa vostra à dorme !

Di tutte manere, ci site sin'à 70 anni cù a riforma di e ritirate.

Allora per una volta, fate scimisce u vostru patrone (sopr'à tuttu s'ellu hè à u MEDEF), è prufittate di a vostra ghjurnata.

Andate à u sole, pigliate appena d'aria, fidighjate un filmu, leghjitevi un libru, attaccate l'apperitivu o passate a vostra ghjurnata à ùn fà nunda nant'à Facebook.

Hè festa, ùn ci hè più essenza !

u 7 d'Utrovi 2010
U Sgaiuffu



1.mandatu da Avulpaccia u 08/10/2010 10:41
Mdrisa... L'aperitivu hé tutta l'annata.
Per l'artigiani ghje una catastrofa...a storia di u gasoil ! Ghje a merda

2.mandatu da Camperemustacci u 08/10/2010 14:09
chi disegnu di merda haha
sopratuttu a mancina

3.mandatu da MOA u 08/10/2010 14:31
ancu e donne credi ch'ellu si po fà !!!!

4.mandatu da franz u 08/10/2010 16:05
ùn andate più à travaglià è basta, DEMISSIUNATE

5.mandatu da o i m é u 08/10/2010 17:27
mittité l'ibastu a u sumerè e andatè a fà u vostru duvèrè.Fatè piacè a u vostru patronè qui n'hè avemu bisognu !! cumpretè l' orzu s'ellu un ci hè più micca essensa.per fà manghià i sumeri,hè lasciatè cacarognuli sumirini davanti a i vostri travagli hè è vostrè administrazionè

6.mandatu da Avulpaccia u 08/10/2010 21:30
O moa parlà bè di e donne ! Perche tutti i bauli chi n'anu micca laziu di travaglià ùn ci credenu? Oufff

7.mandatu da Ligatoghju u 08/10/2010 22:07
Perchè ci hè sempre travagliadori in Corsica, ùn ci più che Sgaiuffi, ritirati è funziunarii..

8.mandatu da Machja brusgiata u 08/10/2010 22:22
u travagliu ùn hè a salute...vulete tutti more in gattiva salute..??

9.mandatu da anto u 09/10/2010 07:30
A chi dormè un piglia peschi !

10.mandatu da Avulpaccia u 09/10/2010 20:02
A antò bon pruverbu sò d' accunsenta a 100000%%% hé a salute ! U travagliu!

11.mandatu da estrimei u 10/10/2010 20:33
o ghjente,
fate e riserve, chi , so un mi sbagliu , da qui a nepochi di ghjorni , u bluchime ha da esse di quelli!
ha da nasce u para para !

12.mandatu da Avulpaccia u 11/10/2010 08:52
L'ultimi camioni ghjunghjenu oghje dopu piu nunda ... Ci vole hà empie

13.mandatu da gasoliu u 15/10/2010 16:59
un puntu pusitivu : senza gasoliu è senza essenza, menu inquinnamentu… è più soldi per u trinichellu è i venditori di scarpi!

14.mandatu da Avulpaccia u 15/10/2010 22:34
Mdrisa allora n'hé aghju dà frustà tacchi!
In casu mi piglieraghju un sumeru, cusi c'hè micca bisognu di permessu é ùn ci ponu caccià i punti.

15.mandatu da Ivan Casciello u 16/10/2010 17:02
Che bello, sono italiano e vi capisco perfettamente!

16.mandatu da Avulpaccia u 16/10/2010 22:31
Hé lingua Corsa mà s'hè tù capiscii ghje bè, cusi poii participà ancu tù , ci ferà un
Pare di più.

Mà ti posso parlare anche in Italiano..,

Morta di risa é bocca à luppò

Novu cumentu :