Accueil
Envoyer à un ami
Version imprimable
Partager

'Faut-il conserver les langues régionales?' Iè ma...

Era quessu u titulu di l'emissione "Ca vous regarde" nant'à La Chaîne Parlementaire. Mancava u diputatu Marc Le Fur, u più à capu incù Marylise Lebranchu di e quistione linguistiche. Peccatu dinù ch'ellu ùn fussi micca vinutu Camille...



http://cvr.lcpan.fr/
http://cvr.lcpan.fr/
Francia 573 - Corsica 4...

S'ellu ci hè un affare da ritene, hè a risposta di u diputatu cummunista di Seine Saint-Denis, Jean-Pierre Brard à a mo quistione nant'à a mudifica di a Custituzione. M'hà fattu una risposta à l'usu Liber Bou : "Même si vos 4 députés veulent mofifier la constitution, il faudra encore convaincre les 573 autres."

Più di 30 anni dopu a cacciata di Liber Bou chì dicia : "Même 200 000 autonomistes Corses ne changeraient pas la constitution de la République", ne simu à sicutera.

E chjachjare è e misure fattive

Hè per quessa chì a ricunniscenza di u populu corsu, mi pare ch'ella fussi a sola, a vera quistione fundiva. Hè ella chì ci permetterà di scioglie nun solu a quistione di a lingua ma dinù quella di a terra chì ci dà tanti penseri dinù. Perchè averiamu da dumandà à i diputati di e Charentes di l'Ain o di l'Allier u perchè cumu in fatti di difesa è di prumuzione di a nostra lingua?

In Corsica, sta quistione hè oramai capita bè da tutt'ognunu. S'è l'idea di a so difesa hè stata purtata à l'iniziu da i naziunalisti, oghje chì hè oghje, a lingua hè u penseru di tutti. Ancu a mudifica di a custituzione chì hè u primu passu ver di u so sviluppu vene accittatu da l'inseme di i nostri diputati. A palesa u discorsu di Paulu Giacobbi chì hà solu dumandatu s'è u guvernu era prontu à indià si ver di a mudifica di a custituzione. A risposta, a cunniscimu... Altru restu, sò chjachjare !


l'8 di Maghju 2008
Sbanditu



1.mandatu da GWM u 08/05/2008 10:05
cuntinuvemu l'apertura, postu chi i Francesi so cusi aperti.

2.mandatu da avà basta ! u 08/05/2008 11:35
UN CI HE ASSOLUTTAMENTE NUNDA A ASPETTA DI STU GUVERNU

CHI APERTURA ? CHI "MAIN TENDUE" ?

UN CAPISCENU CHE E PANETTE, HE SEMPRE STATA CUSI, E BASTA !!!!

3.mandatu da un Balaninu impinzutitu u 08/05/2008 11:42
Temu chi una legge ùn cambi nulla. Ié, ci vole à parlà u corsu in Corsica. A lingua nustrale risica di more, ma è ancu a colpa di i genitori corsi chi parlanu francese à i so figlioli.

4.mandatu da Gael u 09/05/2008 03:08
Longue est la route avant la reconnaissance! Je voulais te demander hier si tu étais membre d'un parti corse? L'UDB est proche du PNC. Quoi qu'il en soit, bravo pour ton intervention. Je partage bien entendu tes observations (sauf que je suis pour l'immersion sur la base du volontariat!).

kenavo.

Gael.

Novu cumentu :