Accueil
Envoyer à un ami
Version imprimable
Partager

Festighjemu puru u nostru 14 lugliu !

Hè di lugliu 1755 chì Pasquale Paoli fù statu elettu Capigenerale di a Nazione Corsa à u cunventu Sant'Antone di A Casabianca (è micca Casabianda cum'ellu si leghje appena da per tuttu...)



Festighjemu puru u nostru 14 lugliu !
Hè in Castagniccia ch'ella principiò a corta storia di a Nazione Corsa indipendente (14 anni). Da u 13 à u 16 lugliu 1755, una cunsulta addunita in Sant'Antone di A Casabianca pruclamò un giovanu Merusaglincu à u capu di u Statu : Pasquale Paoli.

Bon, ùn hè micca pè favvi a murale è cunniscite tutti a vostra storia. Vi risparmieremu a solita lezzione "mentre chì a Francia n'era sempre à i tempi di i Rè, a Corsica inventava a demucrazia..."

Vi rammintemu chì Pasquale Paoli fù statu elettu da i rapresententi di 16 pievi solu (nant'à 64) è chì Mario Emmanuele Matra, numicu di Paoli, si fù eleghje anch'ellu da listessu titulu un mese dopu (ma da 6 pievi solu...)

Ma quantunque, à mezu à tutta sta frenesia di flonflons, di Marseillaise è di legiunarii chì sfilanu à u ritimu di a musica militare, li pudemu risponde chì ancu stu paese hà un passatu riccu, è chì a nostra storia ùn hè micca inferiore à a soia...

u 18 di Lugliu 2008
u webmaestru



1.mandatu da chjarasginu u 19/09/2008 22:32
U to articulu un hà micca passionnatu i ghjenti, mà un face nunda. Ti diceraghju ghjustu chi l'articulu hè cortu mà à veru è in più l'ai ditu bè. AI raghjò pudemu festighjà noi dinù u 14 di lugliu

2.mandatu da Culomba u 19/09/2008 22:41

Quantunque emu rinculatu assai : una deliberazione di un cunsigliu municipale in u 1936 era scritta in corsu ! oghje, mancu una!

3.mandatu da Salvador Capri u 29/04/2012 01:13
what a great history of Corsica ... i'm a descendant from a corse man who was born in nonza about 1871 ... now in this age and whith so shame because i do not talk corse languaje .. i'm so proud of my corse blood ... some day i will be in your soul and kiss my great-great grandfather's tomb.
Long Life to Corsica.

Novu cumentu :