Accueil
Envoyer à un ami
Version imprimable
Partager

Fillon : "la langue corse ne peut se substituer au français"

À sente à François Fillon, a lingua corsa saria sempre una minaccia pè a lingua francese.



Ma cumu serà chì in u 2017, in un paese civilizatu è auto-proclamatu capimachja di i diritti di l'omu, una lingua detta "regiunale" pudessi fà tantu paura ? Ch'elli sianu di diritta, di manca o di u centru, i grandi candidati à a presidenziale francese ùn volenu cappià nunda nant'à ciò chì cuncerne e lingue "minuritarie".

Interrugatu in Corse-Matin è in visita in Corsica, u candidatu François Fillon hà turnatu à chjode a porta :

"Sur la langue, je n'ai pas changé de position, j'ai toujours dit , y compris pendant la primaire, que cette langue doit être préservée, qu'elle doit avoir sa place, mais elle ne peut se substituer au français".

Se substituer au français ? A teuria di u "grand remplacement" tuccheria ancu a lingua corsa ?

Eccu qualchì sciffru per memoria :

  • U percentuale di famiglie à trasmette a lingua corsa à i so figlioli hè di 3%
  • Sò circa 10% di i liceani corsi à seguità corsi di LCC
  • Sì e filere bislingue marchjanu di manera curretta in u primariu (37% di i zitelli), si casca à 17% in cullegiu è 1% in liceu

Chì Fillon ùn s'inchieti. Ùn hè micca sigura chì sta lingua possa inchietà a quinta pudenza mundiale.

D'altronde, a visita corsa di u candidatu à a presidenziale s'hè compia in canzone... francese.


Ma postu ch'è no vi dimu ch'è no avanzemu...

u 1mu d'Aprile 2017



1.mandatu da Luca u 02/04/2017 18:49
quandu i zitelli corsi parlanu a so lingua li scumoda per elli ghje una minaccia per u francese ma parenu fole cosa ci vole a di allora di l'inglese obligatoriu in tutte e scole di francia ùn é micca quessa a vera minaccia per l'avvene di u francese ?

Novu cumentu :