Accueil
Envoyer à un ami
Version imprimable
Partager

Forse, ùn ci vulia micca à custruisce custì

A memoria di i lochi è di u territoriu si perde. Purtantu, basta à vede i nomi di locu per capisce ch'ellu ùn ci vulia à mette case in sti lochi.



Si passa in u Var, ma puderia esse in piaghja orientale...
Si passa in u Var, ma puderia esse in piaghja orientale...
Hè sempre a listessa storia chì volta à ogni tempurale. E listesse fiure à Corsica Sera, i listessi tìtuli in Corse-Matin, i listessi flashes à RCFM.

Chjamatele empiifondu, fiumara, innundazioni o piena : hè a listessa cosa. A natura torna à piglià i so diritti in i lochi induve l'omi ùn avianu micca da stallassi. Basta d'una "alerta arancia" di Météo France.

Purtantu, l'omi a sapianu. Quelli chì anu datu i nomi à i lochi dapoi i tempi i più antichi a sapianu ch'ellu ùn ci vulia à stabiliscesi in sti lochi nimichi. S'elli sò stati chjamati cusì, ùn e forse micca per nunda... Femu u giru di i nomi chì dicenu chì sti lochi d'acqua ùn sò fatti per l'omi :

E Canne : In Aiacciu "E Canne" sò diventate "Les Cannes". Ma e canne (in francese "roseaux") ùn crescenu ch'è in i lochi umidi. L'innundazioni ùn sò dunque micca una surpresa. Vale per i lochi chjamati Cannicciu, Canniccia, Cannetu...

Padula, Padule, Padulella, Padulone... : Pocu impreme u suffissu, ch'ellu sia à u plurale o à u singulare, ch'ellu sia ancu sfrancizatu (in Aiacciu "Les Padules"...), una padula hè un locu acquosu (in francese "marais").

Fangu : I più cunnisciuti sò U Fangu in Bastia è U Fangu in u Falasorma. A traduzzione francese hè "boue". I lochi chì portanu stu nome sò fiumi, o lochi ingiru à sti fiumi. Attenti ch'elli ùn si discetinu un ghjornu...

Pantànu : Listessu ch'è per "fangu". In un locu pantanosu ùn ci duveria esse case. In teuria.

Stagnu, stagnale... : Indetta una pozza, in francese "étang". L'omi seranu cusì scemi per custruisceci casali ?

Fiume, fiuminale... : In u 1993 u paisolu di U Fiuminale, nant'à a cummuna di Santa Lucia di Mercoriu hà vistu u fiume parassi case, paese, vitture è strade. Eh iè, ci n'hè chì anu custruitu in i lochi chjamati Fiume, Fiumara (chì vole dì inundazione...), Fiumacciu...

Pozza, pozzu, puzzone, puzzucciu... : A pozza hè dunque u locu induve l'acqua s'appozza. È s'ellu piove à rivoccu, sente a puzza. Listessu affare pè i lochi induve ci hè a parolla onda.

Isula, Isulella, Isulone... : Si vede spessu in tupunima è indetta un pezzu di terra trà dui fiumi, o trà dui bracci d'un fiume.

Si puderia cuntinuvà assai cusì. Si trova listessu prublemu in u Var induve e fiumare frequente venenu da u fattu chì l'omi anu custruitu à buzeffu in i lochi di piaghja, vicini da i fiumi. A memoria di i lochi si perde, ci ne scurdemu vulenteri. Ci saria purtantu d'un gran succorsu per evità unepoche di catastrofe.

Articulu publicatu u 28/11/2014.

u 4 d'Utrovi 2015



1.mandatu da mammone u 28/11/2014 20:29
C'è un puverbiu santu e ghjiustu: " di centu in cent'anni ,l'acqua arriva a i so limiti"!!

2.mandatu da Ramu u 28/11/2014 20:41
Prima o poi la natura si ribella.Mai visto così tanto fango!

3.mandatu da anatemu u 28/11/2014 20:41
Pensi, o permalià...

4.mandatu da Pasquale u 28/11/2014 21:39
c'hè ancu un fiume in Corsica Suttana chjamatu "U Pantanu", mi pare

5.mandatu da Riccardo u 28/11/2014 21:53
Siamo sempre alle prese con le schifezze che gettano in cielo e creano questi disastri....

6.mandatu da Casata u 28/11/2014 22:59
Fanghicciu dinù
eppo tuttu cio ch'ellu ci he cù "acqua" : acquanile, acqua nera, acqua bona ecc

7.mandatu da kaiser u 28/11/2014 23:16
Marana, Padule, Cannicciu, Maraninca, Padulella...


È avà tutti lotissements in zone umide

8.mandatu da acquaviva u 29/11/2014 07:10
C'e sopra tuttu a piena pe innondation semplice no?

9.mandatu da super tazzore u 29/11/2014 08:19
ùn hè micca in Corsica ???

10.mandatu da Giacomoni u 29/11/2014 17:19
Ci aghjunghjeria U Vaziu, parolla parente di guazza, la rosée.
Luigi G.

11.mandatu da Italia u 30/11/2014 22:02
Sono in Italia mi sapete dare notizie di Marina Di Bravone Linguizzetta ci sono state inondazioni grazie!


13.mandatu da Bravo u 04/10/2015 10:29 (da un teleffuninu)
Anu tutti custruitu in u lettu di Golu è di Fiumaltu...

A sala di e feste di Biguglia in quella di u Bevincu...

I merri so campioni

14.mandatu da OKIBERGOGNA u 04/10/2015 21:07
à ringrazià u cunsigliu municipale di a Penta per esse stati ùn si sà induve, ma micca di sicuru per ste Marine...FORZA A CASINCA ÙN CAMBIATE NUNDA...

15.mandatu da a fiumara u 05/10/2015 16:23

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta