Accueil
Envoyer à un ami
Version imprimable
Partager

Francis Lalanne, parlami corsu !

Hè veramente diventatu n'importa chè a pulitica. A prova : si puderà vutà pè Francis Lalanne à e prussime elezzione auropee. Era in Bastia l'altru ghjornu...



Francis Lalanne, parlami corsu !
Ci hè da trimà da veru pè a demucrazia. Ùn a sapete forse micca ma si vota u 7 di ghjugnu prùssimu per l'elezzione aurupeane.

Peghju : si puderà ancu vutà per Francis Lalanne, capilista d'un picculu partitu ecologistu.

Nant'à a lista di l'omu à u catogan è e botte in coghju si trova una vechja cunniscenza di i Bastiacci, un certu Jean-François Baccarelli. Sapete, l'anzianu naziunalistu diventatu ecologistu, chì s'hè oppostu à u grande prugettu di portu à A Rinella ma chì s'hè spicciatu di fà vutà à Emile Zuccarelli à u segondu giru di e municipali.

Dunque, u nostru amicu Francis (prununziate " Vransì ") s'hè spassighjatu in Bastia l'altru ghjornu, si ponu vede i ritratti nant'à u situ di Baccarelli.

U contu resu di u so sughjornu in Bastia hè interessante : Francis Lalanne nant'à a Piazza San Niculà, Francis Lalanne à U Mercà, Francis Lalanne in traccia di cumprassi un lonzu, à u mare, si manghja una pizza...

Aspettemu cun impazienza a prussima visita di Francis Lalanne in Bastia. Prupunimu :

Francis Lalanne à a SOBADI
Francis Lalanne à l'Apocalypse
Francis Lalanne signa à u Sporting
Francis Lalanne in short è botte in coghju in u tunellu
Francis Lalanne vs Hubert Tempête
Francis Lalanne si batte contr'à a brise de mer
Francis Lalanne mette a so buttiglia à a Cave Bastiaise
Francis Lalanne si face minà Carrughju Drittu
Francis Lalanne si face un Cote & Match cun Ange Rovere
Francis Lalanne canta cun L'Arcusgi
Francis Lalanne si compra un paghju di stifali à A Foir'Fouille
Francis Lalanne face u Power Plate cun Jo Murati
Francis Lalanne si manghja una pizza antica ind'è Babaorum
Francis Lalanne face un cuncorsu di capelli cun André Paccou
Francis Lalanne si finisce à u Pulp perchè ùn ci hè nisun locu induve andà
Francis Lalanne ripiglia "Majoie"
Francis Lalanne hà ritruvatu i Pirates Bastiais
Francis Lalanne riesce à salvà u Régent da e sgrinfie di Mc Donald
Francis Lalanne passa à Corsica Sera
Francis Lalanne si face piglià à panette à u Pénalty
Francis Lalanne rilancia a carriera d'Augustin Planet
Francis Lalanne vole plasticà u radar...


Alè o Vransì, cuntinueghja à facci sunnià !

Francis Lalanne, parlami corsu !

u 27 di Maghju 2009
U Sgaiuffu



1.mandatu da circinelludiguagnènativupèliguagnesusosanguaversatu u 27/05/2009 10:58
Francis Lalanne è Pardaillan piglianu a machja,
Francis Lalanne si piglia un coghju à u Sax,
Francis Lalanne contr'à Fantomas nant'a piazza san Niculà
Francis Lalanne è u club des cinq entrenu in "la corse dans la république",
...

2.mandatu da KÜG u 27/05/2009 11:02
è ellu si nè ride...

3.mandatu da circinelludiguagnènativupèliguagnesusosanguaversatu u 27/05/2009 11:22
... finalmente, Baccarelli hè un pocu u vostru Tollinchi à voi...

4.mandatu da strünz u 27/05/2009 11:33
serà megliu à ridene o à pienghjene ?

5.mandatu da KÜG u 27/05/2009 11:56
avà, a pudemu di chi a demucrazia si n'hè ghjunta à certe limite, no ?

6.mandatu da francesusumeru u 27/05/2009 11:57
francis lalane dorme cu e duie patrizie

7.mandatu da lunachjara u 27/05/2009 12:02
Eiu pensu chè no' pudemu avè fede in st'omu...
Un sminticate chì hè ellu ch'hà dettu:
"Je m'adresse a vous,ronds de cuir!
Ne nous empechez pas d'ecrire la musique alors que vous...vous...vous savez meme pas la lire!!!"
Hè un'omu passiunatu...fucosu...prontu à alzà a so voce!

In più, ci ha rigalatu a canzona più rumantica di u seculu...ci vulerebbe pensà à tradulla in Corsu, chì ùn ne avemu cusì belle ind'è noi... ;-)


Pensa à mè,
Quantu t'amu,
E mi libererai,
Spezzerai l'anatema
Chì mi tene luntanu dà tè



8.mandatu da prosper u 27/05/2009 12:04
Dieudonné, Francis Lalanne, Rachida Dati, Tollinchi, Patrizia Gattaceca...

hè vera chi a demucrazia partre veramente in coglia

9.mandatu da heliofobu u 27/05/2009 12:10
Fancis Lalanne ricustruisce a barraca "Chez Yves" annant'a piazza...
Francis Lalanne urganiseghja una serata "viens fêter ton bac" à u Ranch Mangano
Francis Lalanne in duo incù Jackez orchestra à "La soupière"
Francis Lalanne "styliste" per l'associu " I Naziunali"
Prossimu viaghju, Aiacciu :
Francis Lalanne in show case à "L'Eden" ind'e Tonio
Francis Lalanne prisente u so prugrama Auropeanu à u "Pussy Cat"
Francis Lalanne rimpiazza Luc Mondoloni à u Mezziorniu
Francis Lalanne "L'enfant prodigue de la gloaaaaaaarrrrreuuuuuu !"

10.mandatu da FIUMINALE u 27/05/2009 19:33

OHHHHHH POVERU DISGRAZIATTU............ E U N AVEMU ANCU VISTU TUTTU...........

11.mandatu da denti doru u 27/05/2009 22:02
In paese, ne avia parlatu cu ziu Cèccè, u vechjacone u più saviu, chi mi rispose : "Innò, lascia puru corre 'stu Francischinu Tartagliulu!". Li dumandai : "Perchè Tartagliulu ?".
Ellu, malignottu, mi lampò : "perché sussumemeru" ;-)

12.mandatu da estrimei u 28/05/2009 11:55
a mè, sta canditatura un mi dispiace , aghju 'ntesu u so discorsu a a televisiò e l'aghju trovu bè.
per esse chjari un li deraghju micca u mio votu, ch'aghju trovu assai megliu.
o prosper ,
hè vera chi a demucrazia partre veramente in coglia.
un he micca che a demucrazia chi parte in coglia , he u citadinu chi crede chi di stassi in casa reguleghja tuttu .
che no' a vogliamu o nò , e decizioni di l'Auropa ci toccanu e , ancu s'ellu si pò criticà tuttu , o guasi tuttu (u modu d'ellezzioni, u mancu di rispettu di i voti (si vota di no e si decide di si)l'omniputenza di so ch'elli chjamanu i " hobbies " ......)
mi pare chi di vutà a st'ellezzioni un he micca una pazzia!

13.mandatu da battiscaffu u 28/05/2009 12:07
ùn vuteraghju nè à Baccarelli - Zuccarelli nè "la Gauche Unie Européenne " (NPA - Nouvelle Gauche - Parti communiste Français). Mi dispiace per Mosconi ma s'ellu ci hè un "tourniquet", o ùn ci hè micca bisognu di vutà lu (ci capiscu à pena in matematica, è 7% bastanu per elghje u capilista...) o ghjè ellu forse ellu u "tourniquet" ... Peccatu di vede a robba chì si fraza ...
Ma vuteraghju, altrò, da naziunalistu corsu.

14.mandatu da circinelludiguagnènativupèliguagnesusosanguaversatu u 28/05/2009 14:23
"Ma vuteraghju, altrò, da naziunalistu corsu"
Ah bon ?! à quali ? 8(

15.mandatu da estrimei u 28/05/2009 15:57
o battiscaffu,
a to scelta e a toia , e u to ghjudicamentu , per tè,he quellu chi conta !
induve un ti seguitu piu e quandu, parlendu di a" manca unita auropeana" ammenti a "nouvelle gauche " (in sottu , sottu lasci intende ""o ghjente, ci he Mélanchon") e u pcf (u partitu u piu accanitu contru a i naziunalisti ) , mi pare chi per esse chjaru ci vuleria a ammenta , dinu d'astre liste chi so in stu gruppu -mi pare ch'elli dighenu ch'elli ci so naziunalisti irlandesi e d'astri chi un hanu tantu giacobbinisimu 'nu u cebellu ????)
l'hai capita ,per parechje raggiò(pulitiche ) aghj'a vutà a Mosconi . ne deraghju una , chi mi pare di prima trinca: mi pare u piu dispostu per impedisce VEOLIA di 'nstallassi in CORSICA per pigliassi tutte e 'mprese 'induv'ellu ci he qualchi soldi a guadagnà (dopu a i batelli, l'acqua, e rumenzulle, l'eletricità....)

16.mandatu da circinelludiguagnènativupèliguagnesusosanguaversatu u 28/05/2009 16:17
o estrimè, ùn so s'è tu ti ni sè avvistu, ma VEOLIA s'hè digià stallata in corsica, è s'hè impatrunita da parechji sucità... è Mosconi ùn ha pussutu fà nunda, ùn ha prupostu nunda, fora di mantena UNA sucità (sncm) in li mani di u statu !

17.mandatu da battiscaffu u 28/05/2009 17:38
Estrimei, caru cumpagnu, dicu è m'intendu - sottintesu ùn ci n'hè -,. per contu meu, Mosconi ùn para nunda, è quessa si sà dipoi un bellu pezzu. O allora tandu ùn ai tutte l'infurmazioni à nant'à u sugettu. Ai capitu bè, aghju vutatu per un avvene corsu 20 anni fà (eramu tutti uniti tandu). Arricordati, vutavamu tutti à Massimu Simeoni. E perchè micca oghje, in listessu solcu ? Per fà piacè à quale ? A i cumunisti ch'ùn ricunnoscenu micca u fattu naziunale corsu ? I verdi, cù tutti i so peccati, anu sustenutu i prigiuneri pulitichi corsi, à Yvan Colonna, quandu chì sti partiti custì (arricordati di a LCR è di Krivine, u soceru) e ci facianu falà scutrate. Mi ferma à pena di memoria quantunque. Vuteraghju un naziunalistu chì ferà da naziunalistu cù d'altrei naziunalisti d'Auropa, riprisententi di e nazione senza statu, cusìdette minuritarie. Mi dispiace per a manca naziunale è u tourniquet ma preferiscu un depututa elettu per 5 anni è micca un mezu deputatu.

18.mandatu da estrimei u 28/05/2009 19:27
o battiscaffu ,
un sò quale tu si(forse mi cunosci?) , ma di sicuru ci simu praticati 20 anni fà .
a dittila franca, 20 anni fà , a lcr 'un m'interressava micca .
a ti ripetu a to scelta he a toia , ma eu un cuncipiscu micca l'affare di listessa manera che te .

o circinelludiguagnènativupèliguagnesusosanguaversatu (fà u piacè, accortallu stu cugnome!),
" o estrimè, ùn so s'è tu ti ni sè avvistu, ma VEOLIA s'hè digià stallata in corsica, è s'hè impatrunita da parechji sucità... "
hai raggiò! he vera dinnu chi Mosconi , solu , solu un pò parà nunda, ma omancu , ellu , dinunzia sta sittuazione e prova a parà tutte ste scruccunerie . ci tuccherà a tutti di move o signò simmu lecchi!

19.mandatu da circinelludiguagnènativupèliguagnesusosanguaversatu u 28/05/2009 20:42
Veolia o u statu francese, par me hè listessu imbrogliu, listessi pastoghji !
ùn difendaraghju micca un monòpolu di statu contr'à u monòpolu di Veolia. A ti dicu torna: so listessi patroni, so listessi scruccunarii, so listessi francesi !

20.mandatu da altore u 28/05/2009 21:01
vuteraghju à Mosconi chì cusì sò sicuru ch u mo votu anderà à un naziunalistu è à tempu à un tippu di manca. cì i naziunalisti di diritta (è in Corsica ci n'hè disgraziatamente assai) ùn m'interessenu manc'appena pè custruì a Corsica libera di dumane. vutate è fate vutà à Mosconi!

21.mandatu da Culomba u 28/05/2009 21:22


Francis Lalanne New Corsu!

FL entre in vindetta pè i Corsi contru à O dia 'rdu

FL si sturza cù un figatellu avvelenatu


22.mandatu da in altore veritas u 28/05/2009 21:41
Evviva a besancenot,evviva a melanchon,evviva a i "naziunalisti-internaziunalisti corsi" ,evviva u statu francese,evviva e nostre scimizie,evviva a nostra morte ,evviva a mosconi,é fora tutti queli cù so micca di manca.

23.mandatu da altore u 28/05/2009 21:48
fora di qualchì cunneria nant'à u statu frencese melenchon è a morte ùn sì micca luntanu di a verità pè di veru...

24.mandatu da in altore veritas u 28/05/2009 22:00
U problema per voi è chi ghjè listessa salsa.Vutà custi ghjè vuta per a morte di u populu Corsu.Aghjusteraghju evviva a nostra schizzofrenia.

25.mandatu da altore u 28/05/2009 22:08
mi dici di voi? và bè ! seraghju cusì vechju? nò deccuneghju... credi chì l'abitenti di a corsica di 2000 anni fà ch'ùn parlavanu micca u corsu d'oghje (chì ghjè latinu) ùn eranu micca corsi? è quelli di u futuru seranu corsi listessu... micca i listessi chè noi ma ùn simu digià più i listessi chè quelli di 30 anni fà.. allora! a cultura more è rinasce ogni ghjornu... o sinò u pinzutu hà una parolla pè què.. ghjè folklore

26.mandatu da in altore veritas u 28/05/2009 22:51
So séguitu bè a tè,sarèbbemu sempre in muvimentu(parlù di cultura),ma che 'sappia,u nostru populu un a mai mossu quante 'ssi 30 anni,e ghjè què a mo paùra.Simu a l'orlu di a nostra sparizione cume populu storicu ( e ci tengù);mà in fine si vuta per u npa e tutti i s'associ ghjè l'avvene di a Corsica allora si chi ghjè megliu a sparisce.

27.mandatu da altore u 28/05/2009 23:05
perchè ? chì dicenu di male u NPA? chì ci vole à sperte e ricchezze (cum'è Sambucucciu d'Alandu) chì tuttu u mondu qualessa sia a so razza o a so religione pò fà parte di u populu corsu è ghjè à paru à l'astru (cum'è l'hà scritta Paoli nu a so custituzione)? tù chì teni tantu à a to cultura è à a to storia u megliu serebbe di principià à amparalla... A Corsica hà valori è usi chì smariscenu, quessa hè vera. a manu tesa à u strangeru (chì vene in amicu), u disprezzu di u sollu (tutti merdosi avà li ci vole e merche), a sulidarità ... tutti sti valori purtati da a Corsica indipendente di Paoli smariscenu di siguru.. nu u to discorsu dinù o veritas... finalamente lotti pè esse corsu perchè chì à l'anima sì digià troppu pinzutu... a dicu micca di gattivezza a dicu perchè chì pè disgrazia a pensu. (sauf ton respect on dit dans ta langue je crois.. allez sans rancune et laisse beton)

28.mandatu da in altore veritas u 28/05/2009 23:40
Per avà si tu chi diffendi un partitu frencese,parlendu di mentalità un aghju micca bisogniu d'assumigliami a la to sterpa frencese.D'altronde un mi permettu micca d'insulta a ghjenté.Sicuramente a nuvella corsità;

29.mandatu da Campemuci u 29/05/2009 11:02
Aiò o zitè, invece d'attaccà lite, cuntinuemu à facci una risata du FL, è chì u scherzu ùn fussi umicidiale per nimu:
Francescu Lusumeru hè prufessore di corsu (grazie o denti d'ò! u toiu u paisanu, sì chì ci si capisce)
Francescu dorme è ùn piglia pesci
Francescu face u piluchjeru ed ampara à fassi e trecce
Francescu hè turnatu in Vignale, chì ghjè un bellu paese
Francescu face un cuncorsu di bocce cun Ghjaucmu Fusina

30.mandatu da ZIU ANTO U PURCAGHIU u 30/05/2009 11:11
aio o zitelli vutaté per mé.é cusi femula finita sta cumeria! ! ! !

31.mandatu da vagabondu u 31/05/2009 01:42
Francis Lalanne " m'aghju cumpratu una sumera " hi han! "
Francis Lalanne u chè guevara di Lupinu
Francis Lalanne, JF bernardini listessa " frange "
Francis Lalanne falla finita oh scimò!

32.mandatu da Campemuci u 31/05/2009 16:48
Francescu Lalagnu si canta una paghjella
Francescu Lasagna si manghja pastasciutta ind'è Assunta
Francescu L'alagna vole cantà cun Roberto Cicilianu
Francescu Macagna cunfessa d'ùn vutà miccà à Vaccarellu
Francescu Zinzana a si spasseghja in Chjurlinu

33.mandatu da Campemuci u 31/05/2009 16:52
Francescu Dalandu hà lampatu a statula di Paoli è si hè ficcatu à a piazza di u Babbu in Corti
Avà, ùn si chjama più a Piazza Paoli ma a Piazza di Cecceccu Lasagna

34.mandatu da Tito u 02/06/2009 19:59
... Francis Lalanne ùn riesce più à sorte di u nuvellu parcheghju di Bastia
Francis Lalanne ripiglia u Jacky Bar
Francis Lalanne si lampa per aria...

35.mandatu da u sumeru u 02/06/2009 21:09
Vransis a i naziunali cu u so custumu di pasquale paoli

Novu cumentu :